وانا في درب الهلاك ظهرت لي ياملاك

81

81
" لا استبيح القراءة بدون لايك "
ابتسم رماح وهو يقول:احبك يأبنت طارق
سكتت ايثار وهي تحاول تتجاهل هل كلمه منه ولاكن ماتدري ليه تجمعت بعيونها دموع من هالكلمه ما تدري هي تبكي ليه احساس غريب وجداً يراودها شهقت بخفه ولاكن كانت مسموعه بالنسبه لرماح ونطق بخوف:ايثار فيك شي ؟
زادت شهقاتها وهي تحاول تجمع الكلام ولاكن ماقدرت فز رماح وهو يقول:شصار فيه شي ؟ ايثار لا تخوفيني عليك !
ايثار:مـ ـما فيـ ـيني شي بـ ـبس ابي انام
رماح:طيب تبكين عشان تبين تنامين يأيثار؟
ايثار:مدري
رماح:خلاص روحي نامي نوم العوافي وتصبحين على خير
-
الصبح عند هايف الي صحى على دخلة ابوه وهو يقول:هايف قوم يلا معي الشركه
غطى هايف وجهه بالبطانيه وهو يقول:ليه؟
سياف:بتشتغل مو تبي تتزوج؟
هايف:مو وقته الحين يايبه بعدين نتفاهم خلني انام
سياف بجديه:والله ياهايف نص ساعه مألقاك جاهز اعرف انه مافي لا خطبه ولا زواج !
نط هايف من كلام ابوه ونطق:مو نص ساعه عشر دقايق بس وانا عندك
سياف:اخلص !
-
عند البنات الي كانوا قاعدين يسوون الفطور وقفت سهى وهي تفتح جوالها وتقول:بنات قدمت بوظيفة ممرضه وقالوا انهم يبون يقابلوني
ايثار:شلون انتِ مو على اساس مو مكمله دراسه؟
سهى:معاي شهادة ثاني ثانوي
ايلاف:طيب شنو صار بيقبلونك ولا
سهى:مدري بقابلهم ونشوف
جمان:باذن الله يقبلونك عاد حالياً وضعنا مُزري ونحتاج وظايف
فاتن:الحين سهى بتصير ممرضه وايلاف رسامه وحنا ياجمان بنقعد كذا !
سجى:خويتي ابوها يوظف وبدوركم وظايف عندهم لا تشيلون هم
جمان:مو كل شي ممكن يناسبنا
سجى:انا اضمن لكم انه وظايفه راح تناسبكم
-
عند رماح الي كان بدوامه توجهه لسجن مرزوق وشافه وهو قاعد وكان يناظره مرزوق وعيونه حمراء بشكل مرعب كان فيه سواد تحت عينه يزيده رعب تقدم من رماح وهو يقول:شتبي ؟
نطق رماح ببرود:اسبوع وتطلع و والله يامرزوق بتعيد حركاتك الوصخه هذي بخليك تخيس بالسجن وقول رماح ماقال !
مرزوق:ابي اطلع الحين !
ضحك رماح بسخريه وهو يناظر بعيونه:والله مب على كيفك ياستاذ مرزوق !
طلع من عنده رماح وهو يدق على سعود
-
عند هايف وصلوا للشركه ودخل مكتب ابوه وسرعان ما تأفف وهو يقول:الحين شسوي ؟
سياف:تشوف المكتب الي على اليسار خليتهم ينظفونه لك وبعد شوي بتجيك موظفه وبتعلمك طبيعه الشغل واتمنى ماتخذلني ياهايف !
هايف:حاضر
طلع هايف متوجهه للمكتب دخل وقعد الكرسي بملل ولاكن وصله اتصال من زايد:السلام عليكم
هايف:وعليكم السلام
زايد:وينك فيه
هايف:والله احب اقولك اني توظفت بشركة ابوي من اليوم ورايح
زايد:مبروك يأبو سياف
هايف:الله يبارك فيك شعندك متصل
زايد:اليوم سامري الساعه 11 وبرسل الموقع بالقروب عاد ضروري تجي
هايف:ابشر
زايد:نبي وناسه مب تجي وانت دايخ
هايف: لا معليك
زايد:يلا مع السلامه
هايف:مع السلامه
-
عند البنات الي كانوا قاعدين يلبسون طالعين لبيتهم
ايثار:بنشتاق لكم والله
حضنوهم البنات ونطقت سجى وهي تغمز:ترا جايينكم وصوري لنا ياسهى حق بكرا
ضحكت سهى:ابشري
طلعوا البنات وهم يركبون التاكسي تنهدت جمان:والله صح انه يوم واحد بس استانسنا معاهم
ايلاف:اي والله لازم نطلع كثير مع بعض يونسون
فاتن:سهى مو بكرا بتجي ام هايف؟
سهى:ايه
فاتن:يوههه الحين بياخذك مننا شنسوي بدونك؟
سهى:تو ماصار شي لا تستعجلين
-
الساعه 11 كانوا العيال متواجدين بالسامري
وصرخ زايد:ياعيال هالسامري بمناسبة عريسنا رماح لا تقصرون
ابتسم رماح وهو يحضن زايد الي شد عليه وهو يقول:استانس
دخلوا العيال السامري وبدا احدهم يغني:ياناس راعي المحبه لا تعذلونه
كان رماح يلعب بوسط الرجال وكان فيه جميع انواع التعزيز له من العيال
ابتسم زايد وغناء:مهوب عن صاحبه داله ولا سالي
تقدم زايد من رماح وهو يلعب معاه وكانوا العيال مع الصفوف وكمل احدهم: لو يسهر الليل كله لا تلومونه
الحب بلوه منيب اول ولا تالي
لي صاحبٍ ماقطعت الياس من دونه
لوغاب عني خياله قام يطرالي
سحب زايد العيال وهو يضحك وفهمه هايف وصرخوا العيال:ياهايف الخصر عيني فيك مفتونه
صرخ فارس:يعييشون
وكمل سعود:والبعد ياصاحبي مايرخص الغالي
الروح ياصاحبي بحماك مرهونه
كانوا العيال يلعبون وهم ناسين كل الي حولهم
-
عند حمدان وعبدالله اعتدل حمدان بجلسته وهو يقول:لمتى ياعبدالله بيقعد سعود بدون زواج
عبدالله بحزن على ولده:ضنك ماحاولت فيه يا حمدان؟
الولد رافض اي وحده من بعدها مدري شسوي فيه
حمدان:بنخليه يخطب ولازم تقنعه بأي طريقة
عبدالله:حاولت ياحمدان الولد مايبي الزواج عافه
حمدان:يبيه انت بس سوي الي بقولك عليه
عبدالله:ومن بيتزوج ان شاء الله ؟
حمدان:بنت ناصر
عبدالله:بنت ناصر مره وحده !
حمدان:اي نعم وين بنلاقي احسن منها !
عبدالله:قول الي عندك طيب !
حمدان:اول شي انت اقعد معه وقول انك تبي تشوف احفادك وحياته مابتوقف على وحده باعته وانه لازم يشوف حياته بالنهايه
-
عند العيال قام رماح وهو يغني:يالله وانا طالبك مزنٍ يهلي
برق سمر في رعوده
رددو الرجال وراه سرعان ماقاموا الكل يلعبون ابتسم رماح يوم يسمع هايف يقول:عليك يالابس
وكمل رماح:عليك يالابس ضفيرات خلي
نقش القوافي خدوده
كملوا العيال لعب واغاني للساعه 3:30
وقفهم هايف وهو يقول:انا ساري ترا
زايد:افا ليه
هايف:والله وراي شغله مقدر اطول وعلي دوام بعد
تقدم منه عبدالعزيز وهو يحط يده على كتف هايف:من متى دوام
هايف:والله من اليوم الوالد جبرني
عبدالعزيز:الله يوفقك
هايف:اللهم امين،يلا استودعتكم الله تبون شي؟
تكلموا العيال مع بعض:سلاماتك
ولاكن صرخ سعود:ياهايف الخصر عيني فيك مفتونه
انفجروا العيال ضحك وهايف الي التفت لهم وهو يضحك بشكل هستيري
-
اليوم الثاني عند البنات كانت سهى تنظف البيت بحماس وانصدمت جمان من افعالها ونطقت:ما شاءالله كل هذا عشان هايف !
سهى انكرت وهي تقول:لا بس مايصير البيت يكون وصخ
جمان:ايه واضح
طلعت ايلاف من المطبخ وهي تاكل كورنفليكس نطقت سهى:ايلاف بعد ماتخلصين اكل غسلي صحنك مو فاضيه انا كل ثانيه اغسل مواعين
ايلاف:طيب طيب شفيك !
فاتن:سهى تعرفين وش بتلبسين؟
سهى:ايه روحي شوفيه داخل الغرفه
دخلت فاتن الغرفه وصرخت بدهشه:الله سهى يهبل وانتِ بتحلينه زياده
ركضت ايلاف للغرفه لاجل تشوف اللبس ونطقت:وجع فاتن احسب فستان بس والله انيق
سهى:خير فستان وين رايحين حنا الا صح بروح الحين المستشفى عشان الوظيفه دعواتكم لي ولا اشوفكم موصخين البيت
جمان:روحي الله يوفقك
فاتن:معليك مب بزران حنا وان شاء الله يقبلونك
ايلاف:الله ييوفقك
-
عند هايف الي كان بمكتبه تأفف بملل وهو يراسل سهى"بعد المغرب بنكون عندكم ترا"
سهى:"حياكم الله"
هايف"وش قاعده تسوين؟"
سهى"ابد والله رايحه اقدم على وظيفه"
هايف"ماشاءالله وانا اخر من يعلم"
سهى"لا تكبر المواضيع عاد كلها وظيفه،انت شقاعد تسوي"
هايف"والله ابوي وضفني غصب عني وقاعد بمكتبي"
سهى:ماشاءالله وانا اخر من يعلم"
هايف"يالليل شكلها سالفه المشرط مأثره"
سهى"انطم"
ضحك وهو يسكر جواله اول مادخل عليه ابوه وهو يعطيه بعض الملفات الي لازم يشتغل عليها نطق هايف:وبعد ماخلصهم شسوي فيهم
سياف:اعطيها السكرتيره
هايف:انا ساعه واطلع ترا
سياف:ليه ان شاء الله ؟
هايف بأستغراب:يبه نسيت؟