وانا في درب الهلاك ظهرت لي ياملاك

85

" لا استبيح القراءة بدون لايك "
ناظر رماح بأيثار:معليك دامني موجود لا تشيلين هم
نزلت ايثار راسها بخجل من كلامه ولاكن سرعان مانطق رماح:يامراة
التفتوا الكل وهم مستغربين مع من يتكلم رماح ناظر بسهى وهو يقول:انتِ
تجاهلته سهى ونطق هايف بصرامه:الممرضه سهى يارماح !
انتبه رماح لمدى جديه هايف بكلامه:الممرضه سهى
سهى:الحمدلله انك عرفت تسولف زين وبعدين تقدر تناديني سهى وشبغيت؟
رماح:دامني سولفت زين سولفي انتِ بعد زين !
سهى:شتبي ؟
رماح :من وين اجيب ماي ؟
سهى:بروح اجيب انا، استغفر الله بس
رماح بغيض:ماقلنا شي ترا !
هايف:رماح !
سهى:مانقدر نستغفر يعني عجيب !
رماح بغضب طفيف :سكتنا ياهايف ارتاح
-
لحق هايف سهى وكان يمّشي وراها ونطق:لاعاد تتكلمين معَاه !
سهى:هالمره اعَذرني مابتقدر تغير طبعي بهالحَاله ياهايف !
هايف:مابتعقّلين يعني ؟
سهى:مابعقل ! ليَه لايِكون بتتّركني ؟
مسك هايف يدها وهو يسّحبها للخارج حاصَرها وهو يحاوط خصَرها وشدها لـّه وهو يقول:اترك تحلميِن فيها انتِ انولدتَي لهايف وقريب زوجته وام عيَاله !
ابتسمت سهى:يمكن مابيَك !
هايف:اخليَك تبيني بالغصب برضاك ومو برضاك !
ناظرت سهى بعيَونه الي كانت مركزه على عيَونها ونطق:ماودك تتكلميَن ؟
هزت راسهَا بالرفض واردف هايف:يقول حسين العلي من صابه الحُب ماينلام وانا انلأم دامني تخطيت مرحَله الحب فيك صرت هايم يأم سّياف !
ابتسمت سهى وهي تقول:ام سّياف !
شد على خصَرها اكثر وهو يقترب منها بشده
هايف:ماعجبك ؟
بعدت عنه سهى وهي تقول:بيعجَبني بوقته بس انت حدد ياهايف ويصير الي نبـيَـه !
سحبها هايف وهو يقول:تبيَن بكرا ولا اليوم اختاري ولا
تحَـيريني !
سهى:حَدد مع عمتي وانا جاهَزه لو اليِوم !
-
عند فاتن كانت نازله للكفتيريا بملل ولاكن سرعان ماسمعت صوت من وراها وماكان الا عبدالعزيز نطقت بملل:عبدالعزيز مالي خلق اسولف
عبدالعزيز:بس معَاي راح تسولفين
فاتن وهي تلتفت له:على اي اساس؟
نطق بثقه:لأني عبدالعزيز
فاتن:طيب شتبي؟
عبدالعزيز:امشي وراي
فاتن:افف طيب
كانت تمشي معاه وهو يبتعَد تماماً عن المستشفى نطقت بخوف:وين بنروح؟
عبدالعزيز وهو يحاول يُطمنها:تطمني انتِ معي
فاتن:طيب
وقف بمكان بعيد عن المستشفى تماماً ونطق:فاتن بسألك وجاوبي بكل صراحه
عقدت حواجبها وهي تقول:وشو؟
عبدالعزيز:تحبيني؟
نطقت وهي تضحك بسخريه:انت ! مستحيل
عبدالعزيز بجديه:فاتن اتكلم صدق؟
ارتخت ملامحها وهي تقول:ليه تسأل هالسؤال؟
عبدالعزيز:جاوبَي ولا تردين سؤالي بسؤال !
بعدت عنه بخطوات بسّيطه ونطقت:مدري
عبدالعزيز:فاتن !
فاتن:يمكن احبك بس مدَري انت بالنسبه لي غير عن الكل اقدر اتكلم عن كل شي ابيه معاك اتكلم معاك كثير وبدون ملل بس مدري وش مشاعري اتجاهك انت غريب بشكل مُحير بالنسبه لي !
عبدالعزيز:يعني تحَبيني يافاتن؟
نطقت:عبدالعزيز ابي ارجع ماعندي إلا هالجواب
اقترب منها وهو يقول:فاتن تقدرين تحبيني رُغم كل شي فيني؟
صرخت:مدري عبدالعزيز انت غريب اليوم غريب ومو مَتطمنه لك !
التفتت متوجهه للمستشفى ولاكن سرعان ماحست بيده تسحبها وهو يحط منديل فيه مخدر على خشمها وكانت تحاول تفلت منه ولاكن وسرعان ماطاحت بين يدينه لعدم قدرتها على مقاومته
-
عند سهى وهايف اشتروا ماي وكانوا متوجهين لفوق تقدم هايف من رماح وهو يعطيه ماي
نطق رماح:ماتقصر
ناظر زايد بالدكتوره الي طلعت من عند جمان وتقدموا الكل لاجل يسألونها عنها ابتسمت وهي تقول:الحمدلله هي بخير بس تحتاج وقت عشان تصحى المريضه سجى تقدرون تطلعونها الحين
ناظرت ايثار بأرماح الي نطق:جيبها وتعالوا سيارتي
ماردت عليه ايثار وهو نزل تحت ينتظرهم ولاكن سرعان مالتفتت سهى وهي تسأل ايلاف:وين فاتن
ايلاف:مدري بس
غمزت ايلاف وهي تقول:شفتها طالعه وعبدالعزيز لحقها
سهى:ماجت للان
ايلاف:شفيك مع عبدالعزيز ثقتنا فيه مليون ماراح يصير شي
ابتسمت سهى وهي تقعد جنبها:صادقه
-
عند ايثار اخذت سجى ونزلوا تحت شافت رماح الي نادها وهو يقول:هنا
نظارت فيه ونطقت:مقدر اجي معك شبيقول ابوي ترانا بس مخطوبين
رماح:أنا بكلمه
ايثار:تكفى رماح مابي مشاكل
نطق بحده:ايثار !
نطقت بخوف:رماح تكفى
رماح:اركبي ماراح يشوفكم احد !
ايثار بجديه:طيب بس بشرط !
رماح:اييثار
ايثار:شرطط !
رماح:قولي؟
ايثار:تنزلينا بعيد عن البيت عشان محد يشوفنا
رماح:طيب اركبي ولا بتتاخرون

عند عبدالعزيز كان قاعد مع احدهم ونطق:طيب تصحى وعلى طول بنتزوج
نطق الشيخ:انت متاكد انها موافقة ياوليدي؟
عبدالعزيز:موافقه ولا مو موافقه ماعتقد هذا شي يعنيك سوي الي عليك والله يستر عليك
استقام وهو يطلع للاعلى ودخل الغرفه شافها قاعده بصدمه رفعت راسها وقامت وهي توقف قدامه ونطقت بخيبه امل كبيره:ليه؟
عبدالعزيز:عدليِ عبايتك وانزلي سريع بنتزوج
نطقت باستهزاء:اتزوجك؟ انت صاحي قاعد تسَتوعب الي تقوله على اي اساس اتزوجك عبدالعزيز أنا شسوي هنا اصلاً
عبدالعزيز:اخلصي و والله يافاتن لو اسمع اي اعتراض منك بسوي شي مابيعجَبك !
فاتن:شبتسوي مثلاً؟
عبدالعزيز:الشيخ تحت بذبحه وبتتورطين وننسجن شرايك؟
-
عند ايثار الي وصلوا لبيتها نزلت ونطقت:يلا سجى
نزلت سجى متوجهه للداخل وقفت ايثار اول ماسمعت رماح:اتصلي علي
ايثار:يمكن مقدر يارماح
رماح:اهَون عليك يعني؟
ايثار:مو هذي القصه بس مدري إذا جو البيت يِسمح ولا أنا ودَي اسمع صوتك كل ثانيه !
وسرعان مانزلت راسها بخجل ناظر فيها وابتسم وهو يقول:ناظريني !
رفعت راسها وهي تقول:هلا
رفع صوته وهو يقول:اخخ اقدر اخطفك يابنت الناس
التفتت بخوف وهي تقول:رممماح رخي صوتك وطبعاً ماتقدر تخطفني يلا روح
ابتسم وهو يقول:طيب ادخليي يلا
ايثار:زيين تصبح على خير
رماح:وانتِ من اهلي
ابتسمت وهي تلتفت له ودخلت ولاكن قبل ماتسكر الباب اشرت له بأنه يروح ولاكنه صرخ:احبببك
سكرت الباب بخوف وهي تسند ظهرها عليه بحب وابتسمت وهي تقول:مب صاحي والله !
عند رماح الي كان مبتسم وهو ناسي كل هموم الدنيا معاها
-
مسك سعود زايد وهو يقوله:نمشي
نطق زايد:روح انت
سعود:والله ماخليك بكرا تعال تاخر الوقت !
زايد:سعود !
سعود:مو بكيفك
مسك يده ونطق بصوت مسموع للجميع:هايف وفارس يلا
ناظر فارس بأيلاف الي ماكان عنده فرصه ابداً يتكلم فيها معاها:يلا
طلعوا العيال ووقف هايف وهو يقول:سهى إذا احتجتوا شي تكلموني