وانا في درب الهلاك ظهرت لي ياملاك

من 70 الى74

من 70 الى 75
" لا استبيح القراءة بدون لايك "
دخل هايف عند سهى وشافها وهي منسدحه على السرير وجات عينه بعينها وسرعان ماتكلمت سهى وهي تقول بغضب:انت شتسوي هنا !
هايف بصدمه من اسلوبها:جيت اتطمن عليك
سهى:مايحتاج اطلع برا ياهايف !
قرب منها هايف وناظر فيها وهو يعقد حاجبه:سهى ابي افهم انا مأذيك بشي !
سهى صرخت بغضب:اذيتني بغيابك !
وسرعان مأمتلت عيونها دموع وهي تحاول ماتناظر بهايف لاجل ماتبين له ضعفها
اردف هايف:خبرك انا ماتاذيت بعد تحسبيني متهني ياسهى لا تنسين اني لقيت امي عند عمي و ابوي بالمستشفى اول ماعرف بخبر وجود امي عند اخوه !
صدقيني الي قاعد يصير لي ماتمناه لعدوي والله، لا تحسبيني نسيتك وانتِ كل دقيقه فبالي كل لحظه افكر فيك !
تنهدت سهى وهي تقول:بس انا تدمرت بدونك !
كنت ابيك بكل لحظه تكون معاي لاجل ماحتاج اي شخص بحياتي غيرك انا مدري اذا انت تحبني كثر مأحبك شكيت بكل شي بينا توقعت انك نسيتني و ولا جيت على بالك انـ
قاطعها هايف وهو يقول:سهى
سهى وهي تكمل كلامها:انت كـ
قاطعها هايف للمره الثانيه وهو يناظر بعيونها واردف:سهى
سهى:نعم هايف نعم !
هايف:احبك
-
عند ايثار كانت قاعده على سريرها وتفكر بعمق الاكيد ان رماح مايكن لها اي مشاعر بس ليه يبيها هي ماتدري ماتقدر تتزوجه لانها تخاف منه بشكل كبير هو ماسوى لها شي بس تخاف ماتدري ليش تخاف منه قاطع صوت افكارها دخول سجى قعدت على السرير وهي تناظر فيها ونطقت:عرفت شصار
ايثار:طيب !
سجى اردفت وهي تمسك يد ايثار:ماتبينه ؟
ايثار انهارت وهي تحضن سجى:مابيه والله ماقدر ياسجى تكفين ساعديني
سجى:ايثار يمكن الكلام الي اقوله شوي منطقي وحاولي تستوعبين انه هو ماذاك يمكن يبيك واعجب فيك ماتدرين يمكن يكون خيره لك استخيري والعلم عند ربك لا تظلمينه من البدايه !
ايثار:سجى هو قال لابوي انه يبيني ويدري اني بوافق لانه بيطلع اخوي من السجن وابوي موافق وانا مقدر اعيش معه شسوي
سجى:استخيري يايثار
شدت سجى على حضن ايثار وانهارت ايثار اكثر
-
عند زايد كان متكي مع العيال ويسولفون وصله اتصال من فارس ورد:هلا
فارس:زايد تعال المستشفى الي فيها هايف ضروري
تغيرت ملامح زايد وهو يقول:صاير شي
فارس:تعال سريع
سكر فارس واستقام زايد بسرعه وهو يقول لرماح هات مفتاح سيارتك سريع فزو سعود ورماح
رماح وهو يقول:شصاير يولد !
زايد:بعدين اقولك هات المفتاح الحين
طلع زايد متوجهه للمستشفى
-
عند سهى وهايف كانت سهى متجمده من كلمة هايف ماتنكر انها من جوا ترقص بسبب هالكلمه ولاكن سرعان ماردت عليه وهي تكابر:طيب شالمطلوب مني؟
ناظر فيها وهو يعقد حواجبه:سهى احبك انتِ مستوعبه الي اقوله؟
سهى بأستغباء:ايه خلي ايلاف تدخل ابي اشوفها
هايف وهو فاهم حركاتها :هين ياسهى هين
كان بيطلع هايف ولاكن التفت وهو يقول:خلي ببالك بكلم امي بموضوعنا
-
عند ايلاف كانت قاعده تنتظر البنات وسرعان مادخلوا فاتن و جمان بخوف وهم يركضون لها قامت ايلاف وسألتها فاتن بخوف:وين سهى !
ايلاف وهي تحاول تهديهم:داخل انتظر هايف يطلع عشان ندخل عندها
التفتوا البنات وهم يشوفون فارس وزايد داخلين وكان عبدالعزيز نازل من الدرج ناظر زايد بجمان بصدمه من شكلها المتغير وجهها كان شاحب بشكل يوجعه وضعفانه بشكل كبير انصدم من تغيرها الكبير بس هو مايلومها بعد كل شي صار طلع هايف من الغرفه وهو يقول للبنات يدخلون لسهى دخلوا فاتن وايلاف وكانت جمان بتدخل بس وقفها هايف وهو يقولها:جمان تعالي ابيك شوي
حس زايد بالغيره وكان ناوي يلحقهم بس وقفه عبدالعزيز ونطق:بنت عمه !
زايد بغضب:حتى لو !
عبدالعزيز بصرامه:انت ماتكون لها شي اهجد يازايد !
زايد:أستغفر الله
قعد زايد على الكرسي وهو يحس ببراكين بصدره من الغيره تقدم فارس من عبدالعزيز وهو يسأله عن ام هايف وابوه واردف عبدالعزيز:الحمدلله هم بخير بس عمي رافض يشوف هايف ومو مصدقه وحال هايف يتعب القلب
-
عند جمان وهايف
هايف:جمان ابيك تتكلمين مع عمك
جمان باستغراب:اي عم !
هايف:جمان انتِ بنت عمي ناصر شفيك !
ناظرت فيه بأستغراب وهي طول الايام ماقدرت تربط كل هل احداث ومعقوله هايف يطلع ولد عمها اردفت:شسمه
هايف:سياف
جمان:عمي سياف !
هايف:ايه
جمان:طيب وينه وليه اكلمه ؟
هايف:مو مقتنع بأي شي يمكن يوم يشوفك يقتنع وابيك تشرحين له السالفه كامله
جمان:طيب بس بشرط
هايف:تفضلي
-
عند سعود ورماح كانوا قاعدين يشربون شاهي ونطق حمدان:سعود ماودك تتزوج
سعود:لا والله ياعمي ماودي
حمدان:افا ليه ياوليدي
سعود:والله ظروف ياعمي
حمدان:جيبلي ابوك بكرا
سعود باستغراب:ليه
حمدان:يعني ماشوف رفيقي !
سعود:ابشر ياعم
رماح:يبه
حمدان:سَم
رماح:شرايك تزوجون سعود معي ؟
سعود:لا والله ياعمي،وناظر رماح وهو يوجهه الكلام له:انت ياحمار تبي تورطني معك ناقص انا
حمدان:حلو كلامك يارماح بس ودي افرح فيكم الست كل واحد بعرسه (كان قصده بالست العيال الباقيين)
سعود:الخمس ياعمي
حمدان:باذن الله انت من الأوال
سعود:لا ياعمي بسم الله علي !
حمدان بتعجب وغضب مختلط:اعقب ! الزواج مب بلوه ياسعود !
سعود نزل راسه وهو يقول:سَم
رماح وهو يتفاخر:شفت يبه مافي مثلي غمز وهو يقول اسمع كلامك وين بتلقى ولد مثلي !
حمدان:صحيح مابلقى
مد له الفنجال واردف:صب بس صب
رماح وهو يكشر ملامحه:عالاقل امدحني شوي بعد
حمدان:اقول صب لا اكسر الفنجال على راسك
مسك ضحكته سعود بصعوبه وهو يحاول مايناظر برماح واردف رماح بغضب طفيف:يايبه يضحك !
حمدان:والله انتم مب رجال مايصير ازوجك بتتورط بنت الناس معك !
سعود:افا افا ياعمي
رماح ابتسم وهو يقول:بورط قلبها
سعود:الله الله
-
عند جمان وهايف
جمان:ابي اتطمن على سهى وبعدين بكلم عمي
هايف:سَمي
دخلوا وشافوا العيال قاعدين ناظر زايد بجمان وسرعان مادخلت جمان غرفة سهى وناظر زايد بهايف واردف بغيره وهو يتجاهل النظر بعين هايف:شكنتوا تسولفون فيه ؟
هايف:ابد كنت اكلمها عن عمها وابيها تكلم ابوي !
توجهه هايف لزايد وهو يجلس جنبه نطق:زايد
زايد بدون مايناظر لهايف:سَم
هايف:ناظر فيني !
ناظر زايد فيه:هلا
هايف ابتسم وهو يقول:تغار؟
زايد قال وبدون تفكير:وبنحرق ياهايف
هايف:تراها بنت عمي يازايد ولو ماكنت تحبها حتى ماكنت قربت منها قلبي مع غيرها والله لو اموت ماقرب من شيءٍ تحبه يازايد انا هايف مو اي احد !
حضنه زايد وهو يقول:ادري فييك والله ادري فيك
-
عند البنات كانوا يتطمنون على سهى ودخلت جمان وسرعان ماتوجهت لسهى وهي تحضنها واردفت:الحمدلله على السلامه
سهى:الله يسلمك
جمان بتسال:من الي سوا فيك كذا !
سهى:خلك منهم انتِ ليه وجهك تعبان لهدرجه
صحيح انهم كانوا عايشين ببيت واحد ولاكن كان لهم فتره طويله ماقعدوا مع بعض ولاول مره يجتمعون وتشوف سهى جمان بهالحاله كانوا يفكرون بحياتهم بس كل الاحداث نستهم انفسهم !
-