وانا في درب الهلاك ظهرت لي ياملاك

87

"لا استبيح القراءة بدون لايك"
قامت من النوم والابتسامه شاقه وجهها من بعد مكالمتها معاه دخلت الحمام (يكرم القارئ)وطلعت بعد مده وهي تسمع صوت امها وهي تقول:اخوك تحت انزلي يلا
ابتسمت ايثار وهي تركض للخارج واول ماشافت اخوها حضنته وهي تقول:الحمدلله على السلامه مرزوق
نطق بتملل:الله يسلمك
اخذت القهوه وبدت تصب له وهي تسأله:وين ابوي؟
مرزوق:شوي وجاي
ايثار ببتسامه:شلونك شخبارك؟
مرزوق وهي يعقد حاجبيه بملل:يعني واحد مسجون بيكون بخير مثلاً
نزلت ايثار راسها بحزن من كلامه وسرعان ماغيرت الموضوع سويره وهي تقول:مادريت وش صار؟
نطق:ماودي ادري حتى
سويره بغضب:عدل اخلاقك ياولد بعدين اختك انخطبت !
عدل جلسته وهو يقول:من مّن؟
سويره:رماح
مرزوق:رماح من ؟
سويره:الي فالشرطه شفيك ناسيه ؟
نطق بغضب:رماح يالي ماتستحين !
رفعت راسها بصدمه من كلامه ونطقت سويره:وش الي ماتستحي انهبلت انت ؟؟
قام مرزوق بغضب وهو يمسكها من شعرها وسرعان ماصرخت بألم وهي تقول:مـ ـرزوق فككـ مـنـ ـي
صرخ مرزوق:افكك اجل والله ماخليك
كان يضربها بعنف ونطق:وحده عديمة شرف والله لا اذبحك
كانت سويره تحاول تبعده عنها ولاكنه دفعها صرخت ايثار بخوف على امها بالرغم من الي قاعد يصير معاها:اميي
سحبها ولاكنها قدرت تفلت من بين يده وركضت لغرفتها وهي تسكر عليها الباب
-
عند فاتن الي صحت من النوم وشافت عبدالعزيز كان واقف وصدره عاري تماماً حس بأنها صحت ونطق:تبين تاكلين انزلي تحت
استقامت متوجهه للكبت لاجل تلبس ونطقت بسخريه:وش الي بيضمن لي انك مب حاط مخدر بالكل ؟
التفت وهو يقترب منها:لا معليك خلصت غايتي من المخدر
بعدت عنه وتنهدت وهي تقول:اتمنى ينتهي هالكابوس بأسرع وقت !
سحبها من صرخه ارتطمت بصدره وكانت تبي توخر عنه ولاكن نطق:للاسف كابوسك دايم وبتجيبين من كابوسك أطفال بعد
نطقت بغضب:تعقب !
-
عند سهى الي كانت قاعده مع جمان وايلاف وهي تقولهم السالفه ايلاف:بسم الله من ذا بعد
سهى:والله مدري بس احسه يطقطق ومابيقدر
جمان بخوف:سهى روحي لا تقعدين
سهى وهي تقعد على الكرسي نطقت بعدم اهتمام:بسم الله عليه ماراح يصير له شي صدقيني كذاب ذا
قاطعتها رساله من الرقم الغريب وكان مكتوب"الساعه 7:00"
سهى:بنات راسل الساعه سبعه تماماً
ايلاف:هذا مو صاحي اكيد بيسويه شي سهى روحي وماراح تخسرين شي عشان نتاكد بس
سهى:طيب بروح دامكم مصرين ونشوف وش بيصير بالنهايه
ايلاف بقلق:إلا فاتن ماجت وماترد للان وينها؟
سهى:مدري شوي انا بروح مره وحده بمر عالبيت وبروح لهايف
جمان:والله قلبي يعورني احس فيه شي مو طبيعي
سهى:مافيها شي معليك
-
عند ايثار الي كانت قاعده بالغرفه بخوف ومرزوق كان يدق الباب بغضب وهو يوجهه لها اقذر الكلام سحبت الجوال وسرعان ماتصلت على طارق ولاكنه مارد اتصلت على رماح الي رد على طول وهو يقول:لبيه
ايثار بخوف وكانت تبكي شهقت وهي تقول:رممـ ـاح اخوي بـيـ ـذبحـ ـني !
نطق رماح بقلق:وشو !
كان يركض وهو متوجهه لسيارته ونطق:لا تسكرين الخط واول ماقولك اني تحت تنزلين لي
ايثار بخوف:بسـ ـرعه بـ
غلبتها دموعها وماكانت تقدر تتكلم سمع رماح صوت مرزوق ونطق بغضب :والله ماخليك !
كسر الباب ودخل وهو يرفسها كان رماح يسمع صرخاتها شد على قبضته وكان دمه يفور من الغضب مايتخيل فكرة ان اي احد يمد يده عليها حتى لو كان اخوها !
-
عند هايف الساعه 6:55 كان واقف ينتظر طلبه الي باقي له عشر دقايق ويجهز توجه لاحد الطاولات وهو يجلس عليها وسرعان ماجت فباله سهى ودق عليها ولاكنها ماردت عليه اردف بملل:الشغل بعدها عني بزياده
اتصل على عبدالعزيز الي بعد مأرد استغرب لانه مو عادة عبدالعزيز مايرد ودق على فارس الي رد عليه وهو يقول:ياهلا
هايف:وش تسوي؟
فارس:والله ياهايف قدمت على كم وظيفه وابشرك
قاطعه هايف وهو يقول:انقبلت مبروك يالخوي
فارس:انقبلت الزمن اي انقلبت ياولد انرفضت فيها كلها
كتم ضحكته هايف وهو يقول:تستاهل
فارس:والله ياهايف انك ماتستحي اضحك معليك الناس يقولون حصل خير شي انت تقول تستاهل !
هايف:كم مره قايلك امش شركة ابوي ماتسمع اليوم تعال
فارس:والله مابي اثقل على ابوك بيلعن خيري ناشب لكم بزياده
هايف:اي تثقل يارجال امش وبس وبعدين عبدالعزيز كلمته اليوم؟
فارس:لا والله اخر مره كلمته بالمستشفى غيره لا
هايف:طيب اسمع شوي واكلمك بشوف طلبي
فارس:يلا مع السلامه
استقام هايف لاجل يستلم طلبه ولاكن شم ريحة حريق وكان يسأل الكاشير الي قاله:لا مافي اي مشكله
اخذ طلبه وتوجهه للطاوله وهو يقعد
-
عند سهى:بنات يلا طالعه بمر على البيت وبشوف هايف وجايتكم مابتأخر
جمان:انتبهي لنفسك
سهى:ان شاء الله
ركبت تاكسي وكانت قاعده على جوالها بملل وهي مو مصدقه الرقم المجهول ابداً ولولا اصرار البنات ماراحت ولاكن انجبرت توجهت للبيت ومالقت فاتن اردفت بأستغراب:وينها ذي
وكانت الساعه 7:01 ارسل لها الرقم صوره هايف بالمطعم وصوره ثانيه للمطعم وهو يحترق حست بقلق وخوف يعتليها ركضت للخارج وركبت مع التاكسي وصرخت بخوف:وديني مطعم ******* بسرعه !
نزلت دموعها تلقائياً وهي تفكر بهايف صرخت:تكفى بسرعه تكفى !
كانت تبكي وهي خايفه تماماً من فكرة فقدانها لهايف كانت ترتجف بشكل كبير
التفت لها التاكسي وهو يقول:شصار اختي
ماردت عليه وكانت متجاهلته تماماً وماتفكر إلا بهايف
-
عند فاتن كانت قاعده بالصاله ورافضه تاكل وكانت مصدومه من البيت كان كبير وحلو وفيه مسبح كان كأنه قصر نطقت بتسأل:هذا بيت مين؟
نطق عبدالعزيز:اعجبك؟
ناظرت فيه وهي تقول:بيت مين؟
عبدالعزيز:بيتي
ابتسمت بسخريه وهي تنسدح على الكنبه:وتبيني اصدقك؟
عبدالعزيز:سألتي وجاوبت مانتظر انك تصدقيني !
فاتن:تزوجنا وخلصنا وشتبي فيني بفهم !
عبدالعزيز:بكرا عندنا مشوار وبتعرفين شبي فيك غير انك بتكونين ام عيالي
استقامت وهي تقول:بعد مانخلص كل شي تبيه إلا العيال طبعاً ابي اتطلق وفكني منك !
عبدالعزيز:الطلاق تحلمين فيه !
فاتن بغضب طفيف:عبدالعزيز أنا بفهم وش يضرك لو تزوجت غيري ليه تاخذ وحده مو طايقتك حتى !
عبدالعزيز:اعترفتي انك تُحبيني لا تنكرين انتِ الوحيده الي ابيك من بين كل بنات خلق الله وانا إذا ابي الشي اخذه !
فاتن باستحقار وغضب كان يعتليها:ليتني ماحبيتك ولا عرفتك ليتَ !