- بمفردي بلا كتف ثالث ، أنا ضعفي وقوتي
أنا ثباتي و أنهياري ، لا أحد هنا غيري .؟
_____________________________
كعدت الصبح متئخره بسرعه لبست ملابس المدرسه وطلعت رحت امشي بشارع فارغ اتئخرت هسه قبوله تطردني دخلت للساحه ماكو احد بسرعه رحت لصف دخلت ماكو مدرسه ارتاحيت كعدت ويا البنات
مريم :ها ولج عبالي ما تجين ليش اتئخرتي
مسك : لا يمعوده شني ما اجي بس كعدت متئخره
_دخلت المدرسه وبدينه بلدورس صارت فرصه طلعنه وكعدنه كبال غرف المعاونات كعدنه ناكل ونحجي فجأ
شهد : شفتي سيف شيسوي
مريم : اي شفته بس والله مشه بطنهه
مسك : شكو شصاير يا سيف
ديرين : سيف حبيبج جاي يحجي ويانه
مسك : همم شعلي بي منين اجه حبيبي شي من الماضي بس هم يسئل عني
شهد : اي مره سئل عليج وكتله ابوهه ما ينطيهه الك
مسك : مو ابوي ما ينطيني اله هوه ما يحب الساده
شهد : اي المهم الفكره
_ دك الجرس ودخلنه كملنه دروسنه وطلعنه للبيت رجعت للبيت لكيته هوسه رحت لملته وغسلت المواعين وبهل فتره يدورن مره لموسى اخوي بس مجاي يلكون
ابو مسك :تعاي تعاي أريدج
_ راحت امي اله
ندى : ها شكو
ابو مسك :عدنان صديقي عده بنات كتله بلكي ينطيني وحده وكال الله كريم إذا وافقو نروح نشوفهم
ندى : ان شاء الله خير
_ خلص اليوم ماكو شي نضفت البيت وكعدت أقره بليل ردت انام بقيت احوس بمكاني اجت أبالي ذكرياته
رجوع لل الماضي
بيتنه قريب ع جامع وسوك بمنطقه شعبيه بحد مناطق بغداد. ومدرستي هناك وبيتنه بعيد لان شلنه واروح واجي فورتات اهلي خافو عليه وبهل فتره كامو يبنون مدرسه بعد ع بيتنه الجديد فرعين قريبه كلش احسن من مدرستي هذيج اني عدت سنه بل خامس لان جنت حيل وحده كسوله واسخت هواي وهم بنيان ومن بيت لبيت ما أقره رسبت وماما كالتلي الا تعيدين سنه وعدتهه. بيوم من الايام صافنه اشخبط بالدفتر دخلت المعلمه توزع الأوراق دك كلبي بخوف ادري بروحي راسبه بس اخشم نفسي صاحت بسمي وكفت متقدمه عليهه.
المعلمه : مسك حيدر..
مسك : نعم ست
المعلمه : هاي ورقتج ومستواج زفت
مسك : الله يسلمج شفت الورقه ٣٠ من ١٠٠ جيبههه انطتنا درس شلون ما كان وطلعت واني كاعده بس اصفن كلشي ما افتهم دك جرس واحتني غير معلمه ام الرياضيات وكالت
_ حت اساعدكم وما اخليكم ترسبون لازم تكومون وتحلون ع الصبوره سحبت رحله وكعدت عليهه وبدت اصيح اسماء وجنت متئكده اني من ضمن الكساله الي راح تكومهم بس ما توقعت العقاب اسوء منهه.
دنيا : كون تكومني اني درجتي ضعيفه
مسك : ليش شكد اخذتي
دنيا : ٩٠ أخذت والله من امي تدري بيه تموتني
مسك : هزيت أيدي ما عاجبني الوضع وبكلبي احجي. شوف هاي ماخذه ٩٠ وضايجه اني لو اخذ تاير هم اقبل قاطعت سلسله أفكاري المعلمه كالت اسمي
مسك : نعم ست
المعلمه : كومي حلي يله لان درجتج ضعيفه
مسك : كمت ع الصبوره واني ارجف اجت الحضه الحامسه الي راح تحمسني حمس. أخذت القلم منهه وطلعت لي سؤال كالت حلي السؤال جان ناقص وزائد بس رغم سهولته ما كدرت احله واجيبهه منا واخليهه منا وما ينحل.
المعلمه : انتي حيل كسلانه ومراح تنجحين عدي. نور تعاي اخذيهه لصف الثاني خلي تتعلم شون تطرح وتجمع
نور : صار ست
مسك : نور المراقبه مالتنه. اخذتني واني بكل صلافه نزلت وياهه بس من شفت صف الثاني وراح امعد بي حسيت نفسي انهانيت بقيت ابجي. وكفت اباب الصف وصرت ابجي ما اريد ادخله شنيه .
