هيَ التي علمتني كيف اعشقُها

البارت الثاني

سلمان: والدموع الي قبل شوي لمين؟ لغيث
شبكت حواجبها ببعض: شدخل غيث؟
سلمان: خلاص انسي
مشى متعديها بيدخل البيت مسكت ايده المجروحه وشهقت: انت للحين ماعقمتها!!!تستهبل سلمان
سلمان: هدي شفيك ترا كله جرح
تكلمت تقلده: ننننه امش بس
سحبته جلسته بجلسة الحوش وجابت الاسعافات الاوليه جلست قباله ومسكت ايده
دُرر: اذا اوجعتك تكلم
سلمان وهو هايم بعيونها: دام الوجع منك انا راضي
نزلت راسها وهو انتبه لوجهها الي صار لونه احمر ضحك بصوت عالي
ناظرت له دُرر: وجع مافي شيء يضحك
سلمان: خلاص اسف اسف
جلس يتأمل يدينها الصغار مقارنة بيده وهي تعقم يده قاطع تأمله صوتها: خلصت
سلمان: الا اقول دُرر
تمتمت له وهي تلف الشاش بيده: امم
سلمان: ليش مو نايمه للحين
دُرر: كنت احتريك ياستاذ
وقف ومد يده لها: يلا تأخر الوقت"غمز لها" وتري مانسيت امر المرسم
دُرر مسكت ايده ومشت معه للبيت: ماتنسى انت
دخلو البيت وهم يسولفون ويضحكون شافو الجده وام غيث بوجيهم
الجده: وين كنتو حضرتكم؟
دُرر: بالحوش يمه
ام غيث: شتسون بالحوش للفجر
دُرر: وش بنسوي يعني جالسين نسولف
ام غيث بشك: تسولفون ماتوقع بس يصير خير الصبح
دُرر بغضب خفيف: انا استأذنكم بطلع انام
طلعت وطلع وراها سلمان
ام غيث: مو مرتاحه لهالاثنين يمه
الجده: معليك منهم يلا روحي نامي تأخر الوقت
عند سلمان ودُرر
دخلت الغرفة جت بتسكر الباب الا ودخل سلمان وراها وقفل الباب ناظرته باستغرب: نعم؟ مضيع غرفتك؟
سلمان: تضايقتي من كلامها؟
ضحكت بخفة: لا وليش اتضايق
سلمان تنهد بارتياح: عبالي تضايقي
دُرر: خلاص تطمنت يلا اضرب الباب
انسدحت على السرير: والليت معك لو سمحت
سكر الليت والباب وراه وهو يبتسم مشى من عند المرسم حقتها تقدم بيفتح الباب: افف مقفل
تنهد وراح غرفته وغط بنومه والمثل عن دُرر

ظهر اليوم الثاني عاد الجميع من دواماتهم
نزلت دُرر للاسفل وهي تردتي قميص باللون الابيض وبنطلون وردي وعاملة شعرها على شكل كعكه تقدمت لهم: السلام عليكم
رد الجميع: وعليكم السلام
الجد: وينك يابنتي ماشفتك الصبح مثل العاده؟
دُرر: راحت علي نومة يبه والمنبه ماقومني
الجد: يصير خير ان شاء الله

الساعة9 الليل العيال والبنات مجتمعين بالحوش شابين نار ويسولفون ويلعبون كعادتهم
ساره بصراخ: فارس وراك لايذبحك
فارس:وجع لاتصارخين
سارة: شوف ها خسرنا بسببك
فارس: بسببي انتي الي ماتعرفين تلعبين
علي بحدة: خلاص انت وياها ماتعرفون تقصرون اصواتكم
فارس: شوفو مين يسولف النونو امسك لسانك بس
طنشه علي وكمل سوالفه مع ميار
ولمار ماتسولف مع احد على جوالها كعادتها
جت رسالة على جوال دُرر وهي كانت تسولف مع سلمان مسكت جوالها وابتسمت ابتسامة خفيفه وهي تشوف المرسل(سلمى) اقرب صديقة لها بعد سارة
سلمان بغيرة: مين؟
رفعت دُرر نظرها له: محد
حطت الجوال وكملت تبي تسولف معه بس شافت تشكيلة وجهه الغريبة عجزت تفسرها
اما سلمان الي كان الغضب والغيرة ممتلين وجهه وعقله تنهد يحاول يمكس اعصابه: كيف محد؟؟
دُرر: خلاص قلتلك محد مهو لازم اعلمك بكل شيء
سلمان: الا لازم اعرف
دُرر: بصفتك مين اعلمك؟
سلمان: اخوك ولد عمك"تكلم بهمس وقرب وجهه منها"حبيبك
كبرت عيونها من جرائته
سلمان: علميني من كنتي تكلمين؟
دُرر بعناد: شدخلك
غيث: وهي صادقه شدخلك من تكلم
سلمان ناظره بطرف عين: شرايك ماتتلقف
دُرر: خلاص انتو الاثنين بعد
قامت دخلت داخل
في المطبخ:
اخذت كوب الماي بتشرب الا يدخل فارس
فارس: وش تسوين
رفعت الكوب على وجهه: مثل ماتشوف
تقدم لها وهي ترجع للخلف ارتطمت بالدولاب وامامها بالضبط فارس
سارة بتوتر: فارس ابعد لايشوفنا احد
فارس: ليه؟ ماسويت شيء غلط
اخذ كوب الماي شرب من شوي ورده لها وطلع من المطبخ وسارة متجمدة مكانها وجهها قلب طماطة من الخجل طلعت غرفتها جلست على السرير وهي للحين سارحه بوجهه القريب منها وملامه الجميلة الي لاول مرة تدقق فيها كذا
اما بالنسبة لدُرر جالسة بالمرسم تفكر وش ترسم لها فترة مو راسمه شيء بنص تفكيرها والقلم بيدها دخل عليها سلمان
دُرر: بسم الله ماتعرف تدق الباب
سلمان: اووه هذا المرسم حقك
وجلس يدور بالمرسم
دُرر: ممكن تطلع مو فاضية لك ترا
سلمان: هذا وانا زعلان عليك والمفروض تصالحيني تقومين تطرديني
دُرر:ومن ايش زعلان حضرتك
تقدم سلمان لها اخذ القلم الي بيدها وراح خارج من الغرفة ركضت له: سلماان قلمي ماعندي غيرهه!
مسك يدها حط القلم فيه وسكر يدها وطلع وفك سبرنت ناظرته دُرر باستغراب وناظرت القلم: سلماااااان!!
سلمان وهو يركض نازل من الدرج بضحك: وش ماعجبتك الهدية؟ 
طلعت سلمان ركض من البيت ودُرر خلفه: فاارس انا في وجههك
فارس: احتتزم شفيك
احتمى سلمان ورا فارس ويأشر على دُرر: بتذبحني
فارس بضحك: بوجهي يابنت فيصل
مدت له دُرر القلم وهي بتنفجر من العصبية: تششوف وش سوا!!
ضحكت حماس: كسرتهه يابزر
ميار: اي والله انه بزر ليه تكسره
دُرر بغصه: ماعندي غيره
علي: الله واكبر هذيك الغرفة كلها وماعندك غيره
سلمان بضحكة: خلاص بشتري لك غيره
دُرر: شكراً مابي
سلمان: كسرته عشان نكون متعادلين بس
دُرر: ننننن تافهه
ناظرت فارس: توديني؟
فارس: انا وش دخلني خليه هو يوديك
تأففت وناظرت علي: لا تناظريني مراح اودي احد
ماباقي عندها الا واحد وهي ماتبيه بس مضطره: غيث توديني
غيث بابتسامه وهي يناظر سلمان: ابشري يلا انتظرك بالسياره
دُرر: شكرراً يلا ماراح اتأخر
اما بالنسبة لسارة الي سمعت صوت الصراخ وراحت تناظر من الدريشة وهي تضحك وتصور المشهد كله
دخلت عليه دُرر: تجين معي
سارة: ايه عندي اغراض ناقصة
دُرر: يلا غيث ينتظر تحت
عند العيال
سلمان: ليش ماقالت لي اوديها انا ليش غييث!؟
فارس: تبيك توديها وانت كاسر قلمها بالله
طلعو البنات لغيث بالسيارة لف عليهم: هذي شتبي جاية معك
سارة: خير يعني مابيها تجي معك لحالكم
غيث: شقصدك يعني
دُرر: خلاص مو وقتكم انا قلتلها تجي
غيث: ليش راكبين ورا سواق عندكم انا؟
دُرر: محشوم بس مانبي نركب قدام
انتهى.......