هيَ التي علمتني كيف اعشقُها

البارت الخامس والعشرين

قراءه ممتعه للجميع:♡
________________________
نزلت دموع دُرر الي كانت ماسكتها من البدايه:عممه!
تقدمت حصه تحضنها:بسم الله عليك يبنتي،احنا علمناك لأن ماودنا تجلسين كذا وانتي مو عارفه عن شيء
دخل سلطان وشاف دُرر الي بحضن امه:علمتوها؟
هز آسر رأسه:ايه
حصه:باقي خواتك لازم يدرون
سلطان:مايحتاج سمعو كل شيء الملقوفات شوفيهم عند الباب
همست ريتال الي عند الباب:سلطان!
حصه:سمعتك على فكره
ريتال:يمه الحين صدق خالتي عائشه هي الي سوت هذا كله؟
انفعلت دُرر تنطق:لا تقولين خالتي هذي ماتستاهل حتى تكون ام على فعايلها!
آسر:دُرر!
ناظرته تنطق:وش يعني راح تدافع عنها انت بعد؟
جاء آسر بينطق لكن قاطعته ريتال الي نطقت وهي للحين واقفه برا عند الباب:مو لايقه عليك العصبيه ترا
ضحك آسر بخفه ونطق سلطان:صادقه
خذت دُرر الفنجال الي عندها ورمته على آسر:وتضحك انت!
وقفت تطلع من المجلس
مسك آسر الفنجال:شفيها ذي
حصه:مالومها منصدمه وانتو زدوها عليها
هز رأسه سلطان بأسف:هذا أخ بالله يضحك على أخته
ريتال:لا تسوي طالع منها انت بعد
تراجعت ريتال تدخل داخل وسلمى خلفها
ناظر آسر لـ سلطان وحاول يكتم ضحكته بس ماقدر بسبب ملامح وجهه المصدومه
وقفت حصه:يلا سلطان اطلع شغل السياره راح انادي خواتك وجايين
آسر:وين ياعمه توكم جيتو
حصه:لا والله جينا عشان نجهز لـ عرس مروان وقلنا بالمره نجي نسير عليكم
وقف آسر:يلا أجل تعالو زورونا يوم ثاني
حصه:ان شاء الله
ودعهم آسر وناظر خلفه لـ دُرر الي متكتفه ومرتكيه على الباب:تعالي براويك شيء
نفت دُرر برأسها ونطقت بصوت واضح فيه التعب:مابي أشوف شيء الحين
تراجعت دُرر بتدخل لكن وقفت تناظر لـ آسر الي نطق:ماتبين تعرفين وش كانت اهتمامات امي وقت كانت بعمرك؟
دُرر:الا ابي
آسر:تعالي معي طيب
مشى آسر لـ خلف البيت ودُرر تمشي خلفه كانت فيه غرفه صغيره في زاوية الحوش فتح باب الغرفه الحديدي ودخل يفتح الليت الي كان خفيف بالحيل دخلت دُرر خلفه وهي حاطه يدها على خشمها:متى أخر مره نضفتوها؟
آسر:ابوي كان كل يوم يجي ينظفها لأن هالمكان يحتوي على كل شيء يخص أمي بس من وقت ماتعب محد صار يدخلها
تقدمت دُرر تعبث بالأغراض وانصدمت تناظر لـ آسر:امي كانت ترسم؟
هز رأسه:ايه ما تسائلتي على مين طلعتي انتي
نفت برأسها ووقفت تتقدم لـ لوحه كبيره جدًا كانت في نهاية الغرفه مسكت الغطاء الي كان مغطي اللوحه تسحبه وتشوف اللوحه الي كانت عباره عن نصف رسمه تضم "حنان وفيصل وآسر" البالغ من العمر 6 سنوات
نطقت دُرر وهي جالسه تتأمل ملامح امها:آسر هذي..!
جاء آسر من خلفها:ايه هذي امي رسمتها بس ماقدرت تكملها لأنه صارت ظروف وقتها وبعدها حملت فيك وتعرفين الي صار بعدها
ناظرته تنطق:عادي تطلعها غرفتي؟
عقد آسر حواجبه:ليه؟
دُرر:ابي أكمل اللوحه
آسر:متأكده انك راح تكملينها مثل ماكانت تبيها امي؟
دُرر:انا بنت حنان إذا ماكنت تدري
ابتسم آسر بخفه:والنعم
كملت دُرر تستكشف بأغراض امها:آسر عادي أسألك سؤال؟
آسر:آمري
دُرر:الحين وين أهل امي؟
استغرب آسر:ليه جدي وجدتي ماعلموك؟
نفت دُرر:كل ما سألتهم يقولون لي ان امي مقطوعه من شجره،بس بعد كل الي صار شكيت بكلامهم
آسر:صدق كلامهم غلط امي مو يتيمه
دُرر:وينهم طيب حتى ماجو سألوا لا علي ولا عليك
تقدم آسر من دُرر الي كانت جالسه على ركبها ونزل نفسه لمستواها:لأن اهل امي كانوا معارضين فكره زواج بنتهم من ولد سلطان
دُرر:ليه؟
آسر:امي وأبوي كانت بينهم قصة حب قبل يتزوجون ويوم عرفوا أهل امي رفضوا انها تتزوجه وخلوها تقطع العلاقه بـ أبوي،ويوم أبوي عرف راح عند جدي سلطان يعلمه يخطب له أمي بس جدي اول ماعرف ان امي قبيلتها آل هادي رفض ورفض بقوه لأن كانت بينهم مشاكل من زمن طويل
جلس ابوي يقنع بجدي لـ مدة اسبوعين تقريبًا وجدي كان رافض الفكره هذي تمامًا ان ولده يأخذ من آل هادي مستحيل! حتى أخوان جدي الي أكبر منه جو يقنعونه لكن راس جدي كان يابس بالنهايه راح ابوي يخطبها مع اعمامي وراحوا معه كبار العائله كلهم عشان يخطبون أمي لأبوي،لكن يوم وصلوا ابوي والي معه عشان يخطبون امي رفضوا أهل امي بحجة ان البنت هي الي رافضه الفكره لكن ابوي طلب منهم انه يبي يسمع رفضها هي شخصيًا،طلع جدي مهنى ابو امي لـ غرفتها وهددها قبل تنزل ان ترفضه وافقت امي ونزلت تحت وقفت عند الباب المجلس من برا وأبوي الي على اعصابه لكن اعتلت ابتسامه انتصار على وجه ابوي وقت سمع موافقتها عكس ابوها الي تلاشت ابتسامته من ردها طلع ابوي وأهله من بيت اهل امي بعد ماحددوا وقت الخطبه
ويوم عرسهم رفض جدي سلطان يحضر عرس ابوي ونفس الشيء مع جدي مهنى الي قال لأمي بالحرف الواحد"دامك وافقتي عليه انا لاني بأبوك ولا أعرفك وعيني لا تشوفك مره ثانيه"
ومن وقتها وامي ماشافت اهلها حتى وقت ولادتها فيني ماجو ولا حتى وقت توفت وللحين واحنا ماندري عن ارضهم ووينهم فيه
دُرر:شكلهم عانوا كثير بحياتهم
رفع آسر اكتافه:أوقات تحسين ان الموت أريح لك من الي جالسه تعيشينه
دُرر:تتوقع ان حياتنا بتزين؟
آسر:ليه مو عاجبتك حياتك معي؟
ابتسمت بخفه:مو كذا قصدي بالعكس،انت عارف انا وش أقصد
آسر:وإذا مارجعت علاقتك معهم مثل قبل وش بيصير يعني، يكفي انك معي الحين
ناظرته وتجمعت الدموع بعيونها
مد يده يمسح الدمعه الي تمردت تنزل على خدها:لا ماسمح لك دموعك غاليه علي