هيَ التي علمتني كيف اعشقُها

البارت التاسع

مرت يومين هادئه تقريباً على ابطالنا وسارة وحبيب القلب فارس...
صباح يوم السبت اليوم الي بيتجهون فيه للمزرعه المزرعه الي بيقضون فيها ثلاث شهور وشوي ثلاث شهور مليئه بالاحداث السعيده والحزينه والصادمه
___________
فز من سريره من الماء البارد الي انكب عليه وعرف من صوت ضحكتها انها حماس حركاتها ماتخفى عليهم
سلمان بصراخ: حماااس يابزر
انفجرت حماس تضحك: هذا اخر حل معكم
تأفف يقوم يبدل ملابسه وطلعت حماس من الغرفه وناويتهم نية قشرا اتجهت للغرفه المقابله لغرفة سلمان وكانت غرفة فارس فتحت الباب بهدوء تدخل على رؤوس اصابعها وبيدها كوب ماء بارد وصلت عند السرير
نطقت بصوت خافت: 1.. . 2.. . . 3
وكبت الماء على وجهه انفجرت ضحك من ردة فعله وملامح وجهه المصدومه ناظرها لثواني يرمش بسرعه مو مستوعب
نطقت بضحكه: يلا يلا قم ايش الكسل هذا
نطق فارس بقل صبر: والله لو ماتطلعين يـ حماس لارتكب فيك جريمه
ضحكت تطلع من الغرفه تتجه لفريستها الاخيره دامها خلصت منهم كلهم دخلت غرفته شافته نايم على السرير تقدمت توقف عنده بابتسامه خبث ترفع كوب الماء وتهمس: 1.. 2.. 3
طاح الكوب من يدها من اليد الي انمدت تسحبها ناحيته يرتطم رأسها بصدره العاري إحمر وجهها من استوعبت الي صار فزت بتقوم بس ماقدرت من يدينه الي كانت مثبتتها
حماس: علي فكنيي
علي: وش كنتي بتسوين؟
ابتسمت الابتسامه البريئه تناظر وجهه: ماكنت بسوي شيء
ناظر للماء الي انكب بالارض ورجع نظره لها: والماي هذا وش جابه معك؟
نطقت: شدعوه كنت بقومك واعطيك اياه تشربه
استوعبت انها للحين جالسه بحضنه ودفته تبيه يبعد: ابعد عني بس
ابتسم: طيب واذا قلتلك اني مراح افكك الا بعد ماتعترفين وش كنتي بتسوين
تأففت بضجر: قلتلك كنت بعطيك اياه ليه مو مصدق
ضحك ينطق: مافي مراح افكك
نطقت: الصدق كنت بجي اكبه عليك عشان تقوم
اخذ جواله يناظر الساعه يشوفها للحين 6 ونطق:تستهبلين
هزت رأسها بالنفي:لا ليه؟
نطق: الساعه للحين 6
نطقت بابتسامه توقف قدام السرير وتحرك يدها بحماس: بنروح المزرعه اليوم ياذكي
ضحك ينطق: راح نروح الضهر مو الحين شفيك متحمسه
عبست تناظره: تمزح؟
نطق يهز رأسه بالنفي: لا ماأمزح
نطقت: مقدر اتحمل 6ساعات ثانيه
قام من السرير اخذ له ملابس ونطق: البسي عباتك وانتظريني تحت
عقدت حواجبها: ليه؟
نطق: مو قلتي ماتقدرين تتحملين للضهر بطلعك شوي
ابتسمت ابتسامه عريضه وتنطق: يافاهمنيي
تقدم يدخل دورة المياه: يلا شوي وجايك
طلعت من الغرفه: لا تتأخر
نطق يقفل الباب: من عيوني

رفعت انظارها له تشوفه نازل من فوق وبيده مفتاح السياره وقفت تنطق: سيارة مين زارف المره ذي؟
ضحك ينطق: سيارة سلمان
وكمل كلامه: نروح؟
نطقت وهي تلبس عباتها: ايوه
طلع من البيت يركب السياره يشوفها وهي تفتح باب السياره تركب بجانبه
حرك السياره وفتح جواله يمده لها بمعنى تشغل اغاني وبالفعل اخذت الجوال شغلت اغنيه لـ عبدالمجيد عبدالله
وبدأت تغني وتحرك ايدها بحماس مع الاغنيه
(تموت ماجبت راسي لو كثر زييينك
وامووت مايشتكي قلبيي من اوجاعه
ياللي تبي تطعن فؤادي بسكيينك
النفس تامر ولكن مالها طاعهه
صدقتت نظرة عيونك في محبيينك
والعين يازين بعض احياان خدااعه)
عض شفايفه يناظرها كيف تغني وتحرك اكتافها مع الاغنيه
مرت دقايق وهو يسترق النظر لها بين فتره وفتره
مد يده يطفي الاغاني ويوقف السياره: وصلنا
ناظرت من الشباك وشافته محل فطور
ناظرها ونطق: ننزل ولا نفطر بالسياره؟
هزت رأسها بالنفي: بالسياره
فتح الباب ينطق: وش تبين؟
نطقت: ايشيء على ذوقك
هز رأسه ينزل يقفل الباب وراه
مرت ربع ساعه تقريبا وانفتح باب السياره يدخل علي بالفطور يحطه بالمرتبه الي ورا يقفل باب السياره ويحرك
ناظرته تنطق بتساؤل: وين رايحين؟
علي: الحين بتشوفين
هزت رأسها تكمل تشغل اغاني وتغني معها
ناظرت للمكان بانبهار من الدريشه من توقفت السياره كان المكان اشبه بالخيال مكان يخلو من الناس نزلت من السياره وعيونها تلمع من جمال المكان تنبهر من العشب الاخضر الكثير ولا الاشجار الي محاوطه المكان ولا الورد الي بكل مكان ولا اصوات العصافير يلي يخليك ترتاح غصب حولت نظرها لـ علي تشوفه مرتكي على السياره يناظرها بابتسامه نطقت: علي المكاان يجنن
ضحك علي يتقدم نحوها: عجبك؟
ابتسمت تمشي بالانحاء: تمززح؟ المكان خيااال
فرش الفرشه وتقدم يحط الفطور ينده لها: تعالي افطري بعدين كملي تصويرك راح يبرد
جت تجلس مقابل له والابتسامه مافارقت وجهها ونطقت: ليه توك تعلمني بالمكان هذا؟
مد لها كوب الشاهي: انا وكم واحد من اخوياي دايم نجتمع هنا وجبتك لانهم مسافرين محد موجود
خذت قطعه من الخبز تمدها لصحن الكبده وتنطق: حسافه اليوم بنروح المزرعه ولا كان خليتك تجيبني كل يوم هنا
ضحك علي ينطق: بأحلامك اصلا ماجبتك هنا الا عش....
ماكمل كلامه من حشرت حماس قطعه الخبز الي كانت بيدها بثغره: اكل اكل بس
مر الوقت وأخذ علي الاغراض يدخلها بالسياره ويناظر حماس الي كانت جالسه فوق صخره كبيره و مافطرت زين عشان تقوم تصور ونطق ينادي لها: يلا حماس رايحين
عبست حماس تتقدم نحوه: خير تونا جينا
رفع الجوال بوجهها ينطق: الساعه قدها ثمانيه اكيد قامو الحين
راحت تدخل السياره وهو بالمثل في نصف الطريق وقف عند كوفي يطلب ماتشا لحماس وقهوه سوداء له مد لها الماتشا وكملو للبيت
دخلت حماس البيت وخلفها علي ناظرهم سلمان الي كان جالس بالحوش يسولف مع العيال صفر سلمان عشان ينتبهون له ونطق:مفتاحي
تقدم لهم علي يرمي المفتاح له:امسك
دخلت حماس وقابلت حصه والجده جالسين بالصاله يسولفون شافتهم حصه ونطقت: دامكم كلكم قايمين جدكم سلطان يقول نزلو اغراضكم شوي وراح نمشي
طلعت فوق تدخل غرفة دُرر تشوفهم كلهم مجتمعين فيها وتتكلم بحماس: عمهه تقول شوي وراح نروح نزلو اغراضكم
فزت رتيل من دخلتها وصراخها: طيب بشوييش بشوييش
ابتسمت حماس تجلس عندهم وتنطق: اسفه تحمست
نطقت دُرر تضربها من اكتافها:شفتك مصوره بالسناب وين رحتي
نطقت سارة:شفتها المكان يجنن
ضحكت حماس: فااتكممم خياال
سلمى: بدينا خيانات
ابتسمت رتيل بخبث: مع مين حبيب القلب؟
احمرت خدودها تنطق:شدعوه اعتبره اخوي
نطقو كلهم بنفس الوقت: اممممممممم
ميار: تسوقينها على مين
رتيل: تراك وااضح واضح
نطقت حماس: وش عرفكم انتم اصلا تطلعون كلام من روسكم
دُرر: توكم بزران وش الكلام الجديد هذا
ضربتها حماس على كتفها: اكلو هوا بس
ضحكت سارة توقف وتنطق: يلا خلو عنكم الكلام الي ماله داعي ونزلو اغراضكم
طلعت وطلعو كلهم خلفها
اخذت دُرر شنطتين وحده على الضهر والثانيه تسحبها على الارض طلعت من غرفتها وصادفت سلمان ضحك وقت شافها مبتلشه بشنطتها لانها ثقيله مشى لعندها يسحب الشنطه من يدها ويأخذ الي بضهرها وينطق: عطيني اياها
مدت يدها لشنطتها: وش شايفني طفله مقدر على شنطه
ضحك ينطق: ايوه طفله
عبست وجهها من سحب الشنطة من يدها ونطقت: انت الطفل
مشى ينزل من الدرج وهي خلفه ونطق: طفله
دُرر: طفل
سلمان: طفله
شافهم فارس وهم نازلين وللحين يتناقرون: يلا ياتوم وجيري اخرتونا
نطقت دُرر تأشر على سلمان: قول للطفل هذا هو الي اخرنا
نطق سلمان يرفع شنطتها: هذي جزاتي يالطفله
تكتفت تناظره: محد طلب منك يالطفل
دخل عليهم سلطان: كلكم اطفال بس خلصونا
طلعو وشافوهم كلهم مجتمعين بالحوش وجالسين يتقسمون بالسيارات وكان التقسيم كالأتي
(محمد والجد والجده وعائشه
مهند وياسمين وحصه
غيث وميار ولمار وعلي
فارس وسلمان وسارة ودُرر وحماس
سلطان ومروان وعبدالله ورتيل وسلمى)

"سيارة سلمان"
نطق فارس الي كان جالس قدام بجانب سلمان: مين بيشغل الاغاني
نطت ساره الي كان جالسه خلف سلمان: انا
اخذت الجوال من ايده: مين تبون تسمعون؟
نطقت حماس ودُرر بنفس الوقت: عبدالمجيد
سلمان: شجوكم عبدالمجيد شغلي ابو نوره بس
ساره: لا ابو نوره ولا عبدالمجيد اصاله
شغلت ساره اصاله وبدو يغنون البنات معها
(تمشينا والارض غيووم
حوالينا تدور نجوم
وانا في وجهك اتأمل
واقول الله لو تدريي
بعدها من منامي قمت
حضنت الصوره وتبسمت
وعرفت ان الزعل احيان
يزيد الحب ياعمري...)
كملو يغنون مع الاغنيه ومر الوقت وهم بين السوالف والغناء والهواش وتبادل نظرات بين ساره وفارس ودُرر وسلمان وحماس كأنها مزهريه بينهم محد معطيها وجه
وقف سلمان عند السوبر ماركت ووقفت وراه سيارة سلطان  وغيث اما اهاليهم كملو طريقهم نزل سلطان وتكلم بصوت عالي شوي: الكل يجي قدامي يلا
وقفو البنات قدامه والعيال بجانبه
سلطان: اول شيء لا اشوف احد قاش السوبر كله كلن يأخذ الي يحتاجه حتى نوصل اثنين روحو دورة المياه لان باقي ثلاث ساعات للمزرعه ومافي دوراة مياه في الطريق ثلاثه قدامكم ربع ساعه بس..
ركض الكل للسوبر بعد ماقال اخر كلمه وانتشرو فيها مرت عشر دقايق والبعض طلع والبعض للحين داخل حاسب سلطان الي شراه وتكلم بصوت عالي خمس دقايق لو ماجيتو راح نمشي خرج يشوف العيال متكين على سيارته يسولفون تقدم نحوهم يسولف معهم على بال مايخلصو البنات مرت دقايق وطلعو البنات وكلن ركب سيارته وحركو

-بعد ثلاث ساعات الساعه1:43م-
وصلو المزرعه ونزلو شافو اهاليهم وصلو قبلهم وبدؤو ينضفون المزرعه من الغبره خلصو بعد ساعتين تقريبا ودخلو البنات كلهم غرفه وحده يرتاحون فيها حتى الليل وتبدأ فعالياتهم........

انتهى...