هيَ التي علمتني كيف اعشقُها

البارت الثالث والعشرين

قرائه ممتعه للجميع
أعتذر عن اي أخطاء إملائيه سهوت عنها
______
"غيث ودُرر"
وصلوا غيث ودُرر لـ الرياض الساعه ٧ المساء تقريبًا
ناظر غيث لـ دُرر:نتعشى اول ولا تبين السينيما؟
كانت جاليه تناظر من الشباك لأنحاء شوارع شرق الرياض:بكيفك الي تبيه
غيث:احنا وش قلنا؟
دُرر:خلاص السينيما اصلًا انا مو جوعانه

"في السينيما"
أخذ غيث التذاكر وناظر دُرر:ماتخافين من الرعب؟
دُرر:انا الرعب يخاف مني مو انا أخاف منه
ضحك غيث بخفه:ايه ايه نشوف الحين
دخلوا القاعه وناظرت دُرر بِأنحاء القاعه:مافي احد
غيث:ايه حجزت القاعه هذي كلها لنا انا وانتي لحالنا
دُرر:غيث ليه كلفت على نفسك مايستاهل!
غيث:الا يستاهل لو تطلبين مني اشتري لك السينيما كله شريته لك
أشتغلت مقدمة الفلم ومسك غيث يد دُرر يمشون لأحد المقاعد:يلا بدأ الفلم
مرت دقايق وجت لقطه رعب وصرخت دُرر تخبي وجهها بكتف غيث ضحك ينطق:هذي الي ماتخاف من الرعب
اعتدلت دُرر بجلستها:أصلًا ان.....
ماكملت كلامها وقت جت لقطه رعب ثانيه صرخت ترجع تخبي وجهها بكتف غيث وغيث الي فاطس ضحك عليها مع ان اللقطات ماكانت تخوف بس هي كل ماجت لقطه تخبي وجهها بكتف غيث عشان ماتشوف وغيث الي كل شوي يدعي انه تجي لقطه رعب عشان تحتمي فيه وهي الي كل ماشافت رعب حتى لو مع البنات تخبي وجهها بأقرب وحده عندها هي متعوده تسةي هذي الحركه وراح عن بالها ان الي بجانبها غيث الشخص الي تكرهه من كل قلبها

"مروان"
مروان الي دخل على امه بالغرفه:بغيتيني بـ شيء يمه؟
هزت حصه رأسها:تعال أجلس
تقدم منها مروان يجلس بجانبها:سمي
حصه:انا فكرت واستخرت وشفتها مناسبه لك وانا موافقه على زواجك من بنت ال سيف
نطق مروان بصدمه ونسى ان الي قدامه امه:احلفييي
حصه:تكذبني؟
نفى مروان برأسه وهو مبتسم بصدمه:لا لا يمه
تقدم يقبل رأسها ويدينها:الله لايحرمنا منك
ابتسمت حصه:ولا منك انت وأخوانك
مروان:متى بنروح نخطب يمه
حصه:شفيك مستعجل بكرا ان شاء الله
مروان:ماينفع اليوم؟
حصه:لا ماينفع ماعطيناهم خبر حتى
طلع مروان من الغرفه وهو يدندن ومستانس لأبعد درجه

"دُرر وغيث"
الي خلص الفلم وقالها انه بيوديها لأحد الحدائق الكبيره الي بشرق الرياض كانوا جالسين يمشون بأنحاء الحديقه وطاحت أنظار دُرر على بركة البط اشرت بيدها عليها:غيث شف بطوط
ناظرها غيث ونطق:تعالي نروح عندهم
تقدموا عند البركه وأخذ غيث شوي من فتات الخبز من المسؤول عن البركه ونزل يوكل البط من يده رفع انظاره لدُرر:تعالي جربي توكليهم
دُرر:مايعضون
نفى غيث ومد يده يمسك يدها ويرفعها ويحط ببطان كفها شوي من فتات الخبز:شوفي الحين
مد يدها وجت بطوطه صعنونه تأكل منها ودُرر الي مستانسه ورافعه جوالها وجالسه تصور
خلصوا ووقفت هي وغيث ونطق غيث:تعالي نلحق على النافوره قبل تشتغل
وصلوا للنافوره ولحسن حظهم انهم وصلوا قبل الزحمه قرب وقت ان النافوره تشتغل وبدأ المكان يزدحم من الناس حط غيث يده على كتف دُرر وخلاها قدامه بحيث ان ضهرها يكون ملاصق لصدره
توترت دُرر تنطق:غيث!
غيث:عشان الزحمه بس
كانت بتعارض لكن لمعت عيونها تتلاشى حروفها وقت أشتغلت النافوره وكان شكلها خيال
غيث:لاتنسين تصورين
دُرر:اي صح
أخذت جوالها وبدأت تصور وغيث الي محاوطها بيده وهو قالها عشان الزحمه كـ عذر ولا هو يبي يستغل كل لحضه تكون عي قريبه منه بهذا اليوم لأنه مستحيل يتكرر
انتهى اليوم الي كان افضل يوم بالنسبه لغيث ودُرر الي استانست بكل تفاصيله وما مشوا من الرياض الا على الفجر تقريبًا