هيَ التي علمتني كيف اعشقُها

البارت السابع والعشرين

قراءة ممتعه للجميع♡
___________________
"عند عرايسنا 1:29ص"
دخل مروان الشقه بالأكل وسكر الباب وراه:قلبي وصل الأكل
طلعت هاجر من الغرفه وهي تتثاوب بنعاس:طولت
حط مروان الأكل على الأرض وهو للحين ماناظر لـ هاجر:اسف بس المحل كان زحمه
ناظر فيها:ولا الود ودي م......
سكت يبلع ريقه وتوترت هاجر من نظراته الي كانت متركزه على روبها الأبيض الي كان يوصل لركبها توترت تنطق:مالقيت غيره بالشنطه الي جابوها أهلي
صحى مروان على نفسه وصد يحط الأكل:لاتهتمين وتعالي كلي
جلست هاجر وبدو ياكلون آشر مروان على صحن:ذوقي من الإيدام هذا بتدمنينه
نفت هاجر:لا ماحبه
مروان:قد ذقتيه؟
هاجر:لا
مروان:وكيف عرفتي انك ماتحبينه؟
رفعت هاجر اكتافها:مدري حسيت
مروان:حسيتي أجل ماعترف انا بالأحاسيس
أخذ من الخبز وأخذ شوي من الإيدام ومده لها:ذوقيه واحكمي
هاجر:مابي ماحبه
مروان:والله لاتذوقينه
هاجر:لييه تحلف طييب!
مروان:يبنت الحلال ذوقي بس
مدت يدها بتأخذها من يده:عطني طيب
نفى مروان:لا من يدي
هاجر:خلاص معد ابي
مروان:مو على كيفك قولي اااا
ضحكت هاجر بصدمه:عمري مو خمس سنوات ترا
مروان:على العناد هذا اعطيك سنتين بعد خمسه كثيره عليك
هاجر:خلاص طيب بذوق
مده لها مروان تذوق الأكل من يده
غصت هاجر باللقمه وضرب مروان ضهرها بخفه:بسم الله علييك
مد يده يمسح الأكل الي على طرف شفايفها بطرف اصبعه:ها كيف جاز لك؟
صدت بخجل تنطق:لا مو حلو
مد يده لفكها يخليها تناظره وصغر عيونه:كذابه جاز لك
مدت يدها تمسح الأكل الي على شنبه تغير الموضوع:ماتعرف تاكل؟
مسك يدها الي على خده وأقترب منها:الي مايعرف ياكل يعرف يسوي اشياء ثانيه
بلعت ريقها من اقترب منها مروان يقطع المسافه بينهم يتلامس انفها مع انفه، تختلط انفاسهم من شدة قربهم من بعض بهاللحظه،شدت على يدها من الصمت الي صار سيد المكان وعيون مروان الي تشتت مابين عيونها الفاتنه وشفايفها التوتيه،اقدم يطبع قبله سريعه على شفايفها وابتعد يناظرها لكن سرعان ما اندفع يُقبلها يذوق عبق العسل من ثغرها يروي قلبه العطشان،اول قُبله تجمع بين وردة اللوتس وعشيقها،قُبله تتلوها قُبله يهيم فيها ويهيم بتفاصيلها البسيطه

"آسر 3:29"
دخل البيت وهو تعبان بالحيل ناظر بأنحاء البيت الي كانت كل الليتات الي فيه طافيه وهدوء،تذكر ايامه وقت وفاة ابوه كيف كان يرجع من دوامه والبيت مافيه اي شيء يدل على انه فيه حياة
تنهد ينفي الذكريات الي جت في باله فجأه وطلع لـ غرفة دُرر فتح باب الغرفه وناظر بأنحاء الغرفه يشوف دُرر الي واضح انها كانت تصلي وغلبها النوم ونامت على السجاده تقدم ناحيتها يمد يده يأخذها بحضنه ووقف يتقدم ينزلها على السرير،ابعد خصلة شعرها الي نزلت على عيونها ونطق بهمس:أسف ياعيون آسر،بس والله انه من خوفي عليك
طبع قُبلة على خدها وأخذ نفسه يطلع من غرفتها يدخل غرفته يأخذ له شور دافي وتوجه لـ سريره ينام بعد يوم متععب بالنسبه له،صح علاقته مع اهل ابوه مو قويه ومايطيقهم هو أصلًا لكن فكرة انه يسجن ولد عمه بيده الثنتين متعبه ومايقدر يطلع له حجه لأن كل الأدله ضده من الفديوهات الي لقوها وهو بنفسه اعترف انه سواها لكن بدون قصد،لكن مايقدرون يطلعونه او يحكمون عليه بـ شيء قبل يطلع لهم تقرير كامل عن صحة سلمان،غفت عيون آسر هذيك الليله وهو تفكيره مشوش