هيَ التي علمتني كيف اعشقُها

البارت الرابع عشر

___________________________
"الصبح"
تقلبت على السرير بانزعاج من رنين الجوال مدت يدها تبحث عنه لقت الجوال تحطه على اذنها سمعت احد ينطق من الجوال:بنت وينك؟
همهمت له بدون كلام

"سلمان"
كان حاط الجوال سبيكر وجالس يرتب السيارة من داخل:يلا انزلي انا في السيارة
عقد حواجبه من ماسمع ولا صوت لها نزل انظاره للجوال يتأكد اذا قفلت او لا شافها للحين متصله بس مالها صوت: دُرر؟
قفل جواله ينزل من السيارة يدخل البيت تأخرت عليه ماطلعت وهم متفقين الساعه 5وهم طالعين عشان محد ينتبه عليهم والحين قربت على 6،
دق باب غرفتها ينتظر ردها طول ماسمع اي صوت لها فتح الباب بشويش يدخل رأسه يناظر بعيونه لانحاء الغرفه يبحث عنها شافها للحين نايمه تقدم يوقف عندها وتكلم بحده:وجعه للحين نايمه!
تقلبت دُرر بانزعاج ترفع البطانيه على وجهها
نطق سلمان بتهديد:قومي ولا بقومك بطريقتي
زفرت تعتدل بجلستها:محد ينام عندكم انتم
سلمان:الساعه سته راح نتأخر ومراح نقدر نطلع الا بكرا
همهمت توقف تدخل دورة المياه(الله يكرمكم)
جلس سلمان على سريرها ينتظرها ضم مخدتها يشتم فيها ريحة عطرها الي يحبه، صغر عيونه من شاف دفتر مرمي على الارض عند السرير مد يده يأخذه تربع على السرير يفتحه شاف رسوماتها طاحت عينه على رسمة بيت من الخارج لفتت انتباهه فتح الصفحة الثانيه يشوف تكملة البيت من جميع الجهات فتح الصفحة الي بعدها شاف تصميم لصالة البيت والي بعدها المطبخ وشاف تصميم لغرفة النوم  ،الي بعدها شاف غرفة والي عرفه من الرسمة انها غرفة مرسم جلس يقلب بين الورق وشاف تصاميم غرف وتصميم الحوش الخلفي والامامي للبيت،مسك جواله يأخذ صور للرسومات الي في الدفتر كانت رسمة البيت شكلها مميز،حط الجوال بجيبه من سمع صوت باب دورة المياه ينفتح،لف عليها كانت لابسه تيشيرت بيبي بنك باكمام طويله ورافعه الاكمام حتى كوعها وبنطلون جينز باللون الازرق ورابطة شعرها لبست ساعة جلد باللون الاسود وخاتم فضي عليه فراشة،لاحظ كل صغيرة وكبيره من لمحها مقبله عليه بهذي اللحظه.
نطقت:وش تسوي؟
نفى سلمان برأسه:ولاشيء، اشوف رسوماتك
تقدمت منه دُرر توقف عنده تأخذ الدفتر وتقلب في اوراقه
نطق سلمان:ليه راسمة تصاميم البيت من برا ومن داخل؟
ابتسمت دُرر نفثت شعرها بكل ثقة:بيتي المستقبلي مع رفيق روحي
ناظرها سلمان وناظر كيف خصلات شعرها طايحه على وجهها بشكل مفتن للعين والقلب ،ابتسم من سمع جملتها"رفيق روحي"
كانت جالسه تتكلم وتسولف عليه بحماس وتشرح له، سكتت تحمر خدودها من قبلها بخدها بدون سابق انذار:سلمان!
نطق سلمان وهو هايم فيها:تدرين اني احب شعرك؟
رفعت دُرر شعرها بيدها من قدام تلتف تأخذ عباتها وتنطق:يلا لا نتأخر
وقف سلمان:شوفو مين يتكلم عن التأخير

"في السيارة"
سلمان:نفطر اول؟
نفت دُرر:لا خلنا نروح المركز اول
هز رأسه سلمان يحرك السيارة متوجهين للمركز فتح سلمان جواله ومده لدُرر عشان تشغل اغاني على بال مايوصلون:امسكي
مسكت دُرر جواله وابتسمت:اوهه عبدالمجيد على هالصباح
نطق سلمان:وش عبدالمجيد شغلي ابو نوره
دُرر:مع احترامي لابو نوره بس ذوقك مخنز
سلمان:ياشييخه خلينا ساكتين انتي وعبدالمجيد بعد
رفعت دُرر الجوال:انا الي بشغل ولا انت؟
سلمان:كيف بتحمل ساعه كامله
ضحكت دُرر تشغل الاغنيه:تتحمل تتحمل
شغلت وحده من اغاني عبدالمجيد الي تحبها بدت تغني من جاء البارت المحبب لها
(ومالي غييرك وماالك الا انا حبايب
يكرهك نصفيي ونصفي فيك ذايب
الهوى غلابب وامر الله غاالب
الزمك طول العمر لا اجي ولا روح
كنيي مقيد وقيدي مو سلاسل
قيدي اخلاص ووفاء ولا انت قاايل
لو يقووم الكون وتخسف بي زلازل
ماحرك سااكن، بك ميير مسموح!)
مد يده سلمان تتشابك يده بيدها يشوفها كيف تغني ويسمع صوتها ويغني معها..