هيَ التي علمتني كيف اعشقُها

البارت الحادي عشر

"العصر5م"
دخلت الصاله وهي تتثاوب مانامت البارح الا متأخر جلست عند جدتها تحط رأسها على كتفها خلخلت الجده يدها بشعر دُرر:ليه نايمه للحين تعبانه؟
نفت دُرر برأسها:لا نمت متأخر البارح
الجده صفيه:كله من الجوال هذا لعب بعقولكم
ضحكت دُرر بخفه:لا يمه مو منه بس ماعرفت انام
تدخلت ام غيث:والله ماندري سهرانه عشان كذا ولا عشان شيء ثاني
عقدت حواجبها دُرر تعدل جلستها:شقصدك عمه
ارتكت ام غيث بضهرها على الكنبه:عارفه قصدي زين ولا مين يطلع الفجر لحاله
اشرت دُرر على نفسها:تشككين بتربيتي
اخذت ام غيث فنجال القهوه:تربية حنان ولا المفروض مانستغرب هالحركات
وقفت دُرر بعصبيه: اسم امي ماينذكر على لسانك وتربيتها مو انتي وامثالك الي يقيمونها
تكلمت الجده صفيه بحده:دُرر!!
لفت دُرر لجدتها:ماتتكلم عن امي الله يرحمها وهي بقبرها بالشينه
ام غيث:الجمله هذي تنقال للاشخاص الميتين
لفت دُرر عليها:وامي متوفيه
حطت ام غيث الفنجال على الطاوله: لا ام....
قطع كلامها صوت الجد سلطان الي دخل يضرب بعصاه عالارض:عائشه!
وقفت ام غيث تنطق: ولمتى وهي مو عارفه الحقيقه
نطق الجد سلطان بحده: مو شغلك انتي ولا اشوف احد يجيب هالسيره مرة ثانيه
زفرت ام غيث تجلس والتفتت دُرر لها:اي حقيقه؟
صدت ام غيث عنها تشرب من قهوتها
لفت دُرر لجدتها:يمه
صدت الجده صفيه تنفي برأسها:مافي اي حقيقه
لفت دُرر لجدها تشوفه طلع ركضت وراه وهي ضايعه بافكارها هل فعلاً اهلها مو ميتين او عائشه جالسه تكذب بس ردة فعل جدها سلطان تثبت ان كلامها صح شافت جدها قدامها وهي تتمنى ان كل كلمه قالتها عائشه كذب وانها تبي تنرفزها بس تنهدت تناديه بغصه: يبه
التفت لها جدها سلطان: هلا يابوي انتي
تقدمت نحوهه توقف قدامه: وش الحقيقه الي تتكلم عنها عمتي
شد على عصاته: مافي اي حقيقه عمتك جالسه تطلع كلام من راسها
دُرر: يبه ردة فعلك وقتها تثبت ان كلامها صح
تكلم بحده: مافي اي حقيقه وقفلي على الموضوع
نطقت دُرر بصوت مرتفع من دون قصد:يبه السالفه فيها امي السالفه تخصني كيف قفلي عليها!
سكت الجد يمشي يبتعد عنها مايبيها تعرف بالحقيقه مايبي حبها له يقلب كرهه له مايبي يعلمها بفعلته الشينه بنفسه مايبي يشوفها مكسوره قدامه وهو مو قادر يسوي لها شيء مايبي يكون سبب حزنها في المستقبل الحقيقه الي مخبيها له اكثر من 19 سنه هل راح تنكشف؟ هو يدري انها راح تعرف بالنهايه بس مايبيها تعرف الحين يدري انها راح تنهار وتكرهه لو عرفت الحين لف يمينه من شاف احفاده جايين من عند شبة النار من سمعوا اصواتهم العاليه
مشت دُرر خلفه:يبه لاتخبي علي شيء كبير مثل كذا
تنهد الجد سلطان ينفي برأسه بكل اسف ويمشي يدخل بيت الشعر عند الرجال يتركها خلفه يتركها خلفه محطمه من تجاهله يتركها خلفه تدخل بداومات من التفكير يتركها خلفه وهي متأكده انو اهلها للحين على قيد الحياة وانه سالفة وفاتهم كلها فلم هم ممثلينه عليها بس ليه؟وليه اهلها وافقوا يتخلون عنها؟مليون سؤال وسؤال يدور ببالها بهاللحظه، تلاشت كل افكارها من سمعت صوت يتكلم
سارة:وش صاير؟
ناظرتها دُرر تتمرد دمعه على خدها:سارة
خافت سارة عليها تركض تحضنها:شفيك
شدت دُرر على حضنها:امي
تكلم فارس:امي صفيه فيها شيء!؟
ابتعدت دُرر عن حضن سارة تضرب صدرها:امي انا انا!
تقدمت ريتال تمسكها من اكتافها:فهمينا طيب!
حطت دُرر يدها على رأسها تغمض عيونها من اجتاحها صداع قوي وحست ان الدنيا جالسه تدور فيها ماحست بنفسها الا وهي مغمى عليها في حضن ريتال تقدم سلطان من شاف الوضع صار جدي يمسك دُرر ينزلها على للارض لف على سلمان:روح شغل السياره بسرعه!
مسكها سلطان يحملها ويلف على سارة:روحي جيبي عباتها وعباتك راح تجين معنا
دخلت سارة وهي تركض دخلت الغرفه تلبس عباتها وتطلع وبيدها عبات دُرر قابلت امها قدامها:وين رايحه
توترت سارة:يمه رايحين نتمشى شوي مراح نتأخر
ام سلمان:علمتي ابوك؟
هزت رأسها سارة وهي تمشي:ايوه علمته
طلعت سارة تركض للسياره ركبت ورا وسلطان وسلمان قدام لف عليها سلمان:لبسيها عباتها
هزت رأسها تتقدم تمسكها: حرارتها مرتفعه وتنفسها بطيء
شد سلطان على الدركسون يسرع لان اقرب مستشفى لهم تبعد نصف ساعه تقريبًا

"في المستشفى"
سارة جالسه على الكرسي ويدها بوجهها خايفه
وسلمان يمشي رايح جاي متوتر ووترهم معه
تكلم سلطان بحدة:اجلس وترتنا
جلس سلمان يتكلم:تأخر الدكتور
سلطان:ترا ما كملت خمس دقايق
التفتوا للباب من طلع الدكتور يبعد الكمامه من على وجهه وقفو سلطان وسلمان يتقدمون نحوهه
سلمان: بشر
تكلم الدكتور:ايش الاهمال هذا الي فيكم
عقد سلمان حواجبه:اي اهمال
الدكتور:متى اخر مره عطيتوها ابرة السكر،السكر منخفض عندها
سلمان:بس هي ماعندها السكر
الدكتور:الموضوع بسيط بس انتو انتبهو عليها وعلى سكرها لا ينزل
هز رأسه سلطان:ابشر
رفع انظاره سلمان للدكتور يشوفه يبتعد وتقدم يفتح الباب يشوفها جالسه وصاده تناظر للشباك
ناظرتهم من شافتهم دخلو كلهم
سارة:كي...
ماكملت كلامها من نطقت دُرر: كنتو تدرون؟
بلع ريقه سلطان وسارة وسلمان عقدو حواجبهم نطقت سارة:ندري بإيش؟
رفعت انظارها لسلطان:كنت تدري
تنهد سلطان يصد يحط يده في جيبه
نطقت دُرر بغصه:انت تدري وانا الي المفروض ادري محد علمني
ناظرها سلطان:اسمعيني
نزلت دموعها تتكلم بحده:اسمع اييش!؟اسمع كيف خبيتو علي؟اسمع كيف لكم19سنه ساكتين! اسمع ايش
نطق سلطان:مو بكيفي
دُرر:اجل بكيف ميين؟
تنهد سلطان:العلم كله عند جدك
تقدم سلطان يطلع:بروح اكلمهم يطلعونك الحين
وقف سلمان ينطق:الحين تعلميني وش صاير!
صدت دُرر:مابي اتكلم مع احد الحين
شد سلمان على يده:كلكم تعرفون بالسالفه وانا زي الاطرش بالزفه
تقدمت سارة تحضن دُرر:سلمان الي فيها مكفيها خلاص
زفر سلمان بغضب يطلع من الغرفه يشوف سلطان متجه نحوهه:وش السالفه!
سلطان:خلها هي تعلمك
سلمان بعصبيه:لين متى وانتم مهمشيني كذا
تخطاه سلطان يدخل يكلمهم انهم راح يطلعون الحين

انتهى...