هيَ التي علمتني كيف اعشقُها

البارت الثامن

طلع سلمان يشوفها تفطر بالحوش لحالها تقدم يجلس مقابلها
سلمان: من زمان ماجلسنا لحالنا
ضحكت دُرر: متى احنا جلسنا لحالنا اصلا؟
ضحك وشتت نظره يلعب بالعشب رفع نظره لها من تذكر ونطق: وش كنتي تتكلمين فيه انتي وفارس بالمطبخ
نطقت وهي تحرك الملعقه بالصحن: سوالف عاديه
تكلم بحده: سوالف عاديه وجالسين تتهامسون
تنهدت بملل من شكوكه الدايم: ايوه عاديه تبينا نصارخ يعني
سلمان: ماقلت تصارخون بس مو تتهامسون وتضحكون مع بعض
وقفت تأخذ صينيه الفطور: لازم تعكر جوي ولا ماترتاح
دخلت تحط الصينيه بالمطبخ وتطلع الصاله تشوفهم مجتمعين كلهم الا فارس جلست عند سارة حضنتها من كتوفها وهمست لها: شفيك
هزت رأسها وابتسمت: مافيني شيء
سكتت ماتبي تزيدها عليها وهي عارفه وش فيها زين
ناظرو كلهم للجد من بدأ يتكلم
الجد:بما انه ماباقي الا كم يوم وتأجزون ويبدأ الشتاء قررت انه نروح كلنا للمزرعه نقضي فيها الاجازة
صرخت حماس: يييس اخيرا بنطلع من الكهف ذا
فزت رتيل الي كانت جالسه جمبها: اذنيي يامسلمه
ابتسم الجد: روحو جهزو شناطكم من الحين يومين ونمشي
ركضت حماس تطلع فوق وهي تغني
حطت ام سلمان يدها على رأسها: بتجلطني هذي البنت
مسكت دُرر يد سارة ووقفت تمشي: يلا نروح احنا بعد
مر الوقت وبدأت الصاله تفضى بالتدريج

"بعد نصف ساعه"
دق باب غرفتها تقوم تفتحه وتشوفه بهيئته واقف قدامها
دُرر: سلمان تبي شيء
مارد عليها من طاح نضره على ملابسها القصيره كانت لابسه شورت لين ركبتها وتاركه شعرها على راحته
استغربت نظراته وصرخت تقفل الباب بوجهه من استوعبت ليه كان يناظرها كذا
انفجر من الضحك من صرختها وملامح وجهها ونطق: افتحي الباب بكلمك
نطقت بفشيله: اصبر ببدل
سلمان وهو يحاول يكتم ضحكته: يلا انتظرك
ابتسم من انفتح الباب يتقدم يدخل ويقفل الباب وراه شافها متكتفه تناظره: تبي شيء؟
تقدم يحاوط خصرها يقربها له: ابيك
حطت يدها على صدره تحاول تبعده: سلمان ابعد وش تسوي
شد على خصرها: ليه ارسل لك ماتردين
نطقت: اذا بطلت تشك فيني وقتها برد عليك
استغفر ينطق: طبيعي بشك يادُرر تتكلمون بصوت خافت وتضحكون مع بعض اي احد بيشوفكم بيشك فيكم على طول اجل كيف انا
شدت على يدها تنطق: احنا عايشين من واحنا صغار مع بعض ياسلمان واكيد بسولف واضحك معه مثل ماسولف واضحك معك بالضبط ومع الكل في هذا البيت
سلمان بحده: انا مو مثل اي احد في هذا البيت يادُرر افهميي
دُرر: وش الفرق بينك وبينهم مو لأني حبيتك اغير من اسلوبي معهم
سلمان:في فرقق ماتعرفين بالنار الي تشتعل بداخلي لمن اشوفك تضحكين مع غيري
دفته دُرر من صدره تبتعد عنه: مابي اندم اني حبيتك ياسلمان مابي.....واسلوبي مستحيل اغيره
كبرت عيون سلمان بصدمه ينطق: تندمين؟ تتوقعين انك بتندمين لانك حبيتيني؟ تتوقعين ان حبك لي كان غلطه؟
استغفرت تنطق بحده: مو هذا قصدي ليش دايم تحلل المواضيع على كيفك
تكلم ينطق بصوت شبه عالي: اجل وش قصدكك اشرحيلي
دُرر: قصدي شخصيتك ذي الي بتخليني اكرهك انا ماحبيت شخصية سلمان المتحكم الي مايبيني اتكلم مع احد براحتي انا حبيت شخصية سلمان الي دايم نتهاوش انا وياه على اشياء تافهه ونضحك ونسولف مع بعض وكنت اخذ راحتي معهم هذا قصدي بكلامي
تنهد سلمان: طيب اسف لاني فهمتك غلط...واوعدك ماتندمين انك في يوم حبيتيني
تقدمت تجلس على السرير:اتمنى....ولو سمحت اطلع وسكر الباب وراك ابي انام شوي
خرج من الغرفه يسكر الباب وراه يسند بضهره على الباب ويطيح بدوامة هواجيس قاطعه صوت غيث الي نطق: وش تسوي هنا؟
ناظره سلمان بطرف عين ومارد عليه
نطق غيث بحده: جالس اتكلم معك
زفر سلمان: مو فاضيلك غيث فكني من شرك
غيث: مو فاضيلي بس فاضي لقلة الادب على هذا الصباح
تقدم له سلمان بعصبيه يمسكه مع عنقه: مين قليل الادب!!
ضحك غيث بهدف يستفزه وناظره من فوق لتحت: اي والله قليل ادب
ضربه سلمان على وجهه يطيحه بالارض: مو قليل الادب الا انت واشكالك تسمع!
طلعو العيال والبنات من غرفهم من سمعو اصوات صراخهم تقدم مروان وعلي يمسكون سلمان الي كان جالس يضرب في غيث وسلطان تقدم يمسك غيث وناظر سلمان: مبزره انتم مبزره يوم انكم تتضاربون
سلمان بحده: انت ماسمعته وش قال يجلس يشكك في تربيتي
غيث بعصبيه: اشكك فيها ونص دام هذي فعايلك
سلمان: فكني يامروان فكنيي اوريه قلة الادب زين
ضحك غيث: مايحتاج توريني شفتها وخلصت
صرخ سلمان: والله ياغيث لو ماتسكت لاعلمك شغلك
صرخ فيهم سلطان: اسكتو انتو الاثنين خلاص
فك غيث نفسه من سلطان ووقف يبتعد عنهم والمثل عند سلمان دخل غرفته وقفل الباب بقوه
دخل الكل غرفته وفوق روسهم علامة تعجب من هواشهم هم دايم يتهاوشون بس هالمره كان هواشهم مختلف
نزل غيث تحت وقابل جدته وحصه تحت
حصه: ياولدي وش اصوات الصراخ الي جت من فوق
نطق غيث وهو ماسك خشمه: كانو يلعبون وطلعت اصواتهم
الجده: الله يصلحهم هذا كله لعب
دخل غيث المطبخ يطلع الاسعافات الاوليه للكدمات الي بوجهه
طلعت من غرفتها تنزل تحت سلمت على جدتها وحصة ودخلت المطبخ ضحكت من شافته مبتلش مو عارف يعقم جروحهه
غيث: مافي شيء يضحك
دُرر وهي تحاول تمسك ضحكتها: وضعك رياكشن
ابتسم غيث: الشماته بهي بزينه
تقدمت وهي تضحك: عطني عطني انا ازينها لك
خذت المعقم من يده وبدت تعقم الكدمات: ليه تهاوشتو؟
غيث: هو يدور الهواش تعرفينه
نفت برأسها: هواشكم كان جدي المره ذي مو نفس كل مره
حط ايده على ايدها الي على وجهه ونطق: ماعليك مو صاير شيء
هزت رأسها تبتسم: اتمنى مابي اشوفكم تتهاوشون كثرت هوشاتكم ماعرف على وش
حط اطراف اصابعه على خصرها: تخافين علي؟
حطت ايدها على ايده تبعده: ماخاف عليك اخاف عليكم كلكم
حطت المعقم بالعلبه: خلصت تعقيم
ضرب بيده على الطاوله من خرجت من المطبخ: والله ماياخذك غيري يادُرر

"الضهر"
دخل فارس البيت وواضح على وجهه التعب شافته امه وتقدمت نحوهه تمسك وجهه: شفيك مو على بعضك
ابعد ايدها يطمنها: تعبان شوي
ام غيث:روح ارتاح الحين
فارس: ابشري ولا تقوموني على الغدا
ام غيث: مايصير لازم تاكل ماكليت شيء من الصبح
نفى فارس برأسه: اذا قمت راح أكل
تقدم فارس يطلع لغرفته

"على الغدا"
كلهم جالسيت يتغدون الا فارس ماكان معهم
ابو غيث: وين فارس ماشفته من الصبح؟
ام غيث: تعبان ومايبي ياكل الحين
هز رأسه ابو غيث وكمل اكله مأحد عطى الموضوع اهتمام الا ساره من سمعت انه تعبان قامت تبي تروح تشوفه
حصه:وين ي سارة ما أكلتي شيء
نفت سارة: مو جوعانه
طلعت فوق متوجهه لغرفة فارس وقفت مقابل للباب تأخذ نفس وتفتحه بهدوء اقشعر جسمها من برودة الغرفه تقدمت تدخل توصل عند السرير عقدت حواجبها وقت ماشافته في السرير فزت من سمعت باب دورة المياه(اكرمكم الله) ينفتح ويخرج من خلفه فارس صدت من انتبهت انه بدون تيشيرت
استغرب فارس وجودها ابتسم ونطق: اشتقتي لي
نطقت وهي للحين صاده: تخسي ماشتقت
تقدم يقطع المسافه بينهم: وايش جايبك مو الشوق
رجعت لخطواتها للخلف من شافته يتقدم لين ارتطمت بالجدار وصار هو قدامها بالضبط:قالو انك تعبان
مسك فكها يخليها تناظره: ناظريني
تمردت دمعه على خدها: ابعد
انصدم من دموعها هو ما سوا شيء يخليها تبكي كان يبي يتكلم معها لا اكثر ولا اقل ابتعد عنها يناظرها: ماسويت شيء ليه تبكين
نطقت وهي تحاول تشتت نظرها عنه: خايفه
سكت عارف من ايش هي خايفه رفع نظره لها ينطق: اسف
نطقت: تتأسف؟ بيغير اسفك هذا شيء؟
فارس: والله ان الشيطان لعب بعقلي والله
وانا مستعد اروح الحين واخطبك من ابوك على سنة الله ورسوله انا ابيك ويشهد الله اني مو جالس العب معك بس ابي اسمع موافقتك مابي اخطب وترديني
سكتت مو عارفه وش تنطق ماتوقعت كلامه ماتوقعت انه يحبها ماتوقعت هذا السيناريو أبداً
نطق فارس: مابي ردك الحين وقت مافكرتي ردي بس تكفين مابي اشوفك تتجاهليني كل ماجيت تصدين عني
تقدمت تطلع من الغرفه بدون رد دخلت غرفتها تمدد على السرير تفكر

انتهى...
____________________
قررت ان كل جمعه بينزل لكم بارت جديد شرايكم منها البارت يكون طويل واخذ راحتي بالكتابة✨