هيَ التي علمتني كيف اعشقُها

البارت العاشر

«االليل8»
الامهات قامو بدري وجالسين يسولفون بالصاله ومعهم بعض البنات والعيال دخل عليهم سلمان وهو يتثاوب توه قايم من النوم جلس عند امه يحط رأسه على كتفها ينام مره ثانيه حطت يدها على رأسه فز من سمع صوت صراخ في غرفة البنات يركض يفتح الباب بقوة ناظرها كانت نايمه على فراش بالارض نزل يتساوى مع طولها رفع رأسها على ركبته كانت تحلم وجالسه تبكي حط يده على خدها يضربها بخفه يحاول يخليها تستوعب
مسكت ايده تنطق وهي تبكي:يبه
عقد حواجبه وهمس: يبه؟
ناظر للباب شافهم كلهم مجتمعين:ممكن تطلعون شوي اكيد انها ماتبي احد يشوفها بهالحاله
تدخل غيث: وانت عادي!
تنهد سلمان يناظر فارس فهمه فارس وتقدم يمسك غيث ويطلعه بالغصب وطلعو كلهم وراه وقفلو الباب وراهم
دف غيث فارس يبعده عنه ويشد على يده
ناظره فارس وصد يرتكي على الجدار
الجدة: ياحُبَيبَتي يادُرر
جلست ام غيث وجمبها بنتها لمار وهمست: حركاتها ماتخليها
ضحكت لمار وهمست: بتبقى رخيصه كل عمرها واضح انها كانت تمثل

«عند سلمان»
شدت على كم ثوبه تبكي: يبه تكفى لا تخليني
شدها لحضنه يخليها تبكي وتطلع كل الي بداخلها
دُرر: ليه؟.. "طلعت شهقه منها" ليه ماتقدر ليهه!
شد عليها: دُرر "ضرب خدها بخفه عشان تصحصح"
نطقت بصوت مكتوم: لا تخليني
شد على يدها: مراح اخليك بس ركزي معي الحين
فتحت عيونها ببطء: س.سلمان
هز راسه: ايه يابوي انتي ايه
ناظرت حولها: وين ابوي وين راح؟
سلمان: ابوك ماجاء كنتي تحلمين
نفت برأسها بسرعه: لا لا كنت اكلمه قبل شوي وين راح سلمان لا تخبي علي تكفى علمني وين راح
تنهد سلمان: هذا كله حلم ركزي معي ابوك متوفي
نفت برأسها بسرعه وهي تبكي: لا تكذب كنت اكلمه قبل شوي
نزلها على الفراش يلحفها باللحاف: ارتاحي انتي الحين
عدل جلسته بيقوم مسكت ايده: لا تخليه يروح تكفى
نزل ايدها يمسكها: ابشري
طلع من الغرفه سكر الباب وراه شاف فارس قدامه مرتكي على الجدار
وقفت الجده: كيفها الحين يامي
تقدم سلمان يمسك ايدها: كويسه بس كانت تحلم هي ترتاح الحين لحد يزعجها
ضحكت لمار وناظروها كلهم
ناظرتها سارة ونطقت: وش الي يضحك!؟
نطقت لمار:يعني محد لاحظ انها جالسه تمثل عليكم
جلست سارة:لمار مو وقتك الحين والله
ام غيث:وبنتي صادقه ماشفتوها كيف تمسكت بالولد
نطقت ميار:يمه خلاص
وقفت ام غيث:وش خلاص تبوني اسكت على فعايلها الرخيصه
تكلم غيث بحده:يمه قلنا خلاص
تأففت ام غيث تجلس وتحط رجل على رجل

"الساعه 10م بالمطبخ"
سلطان جالس يسوي شاهي وفارس جالس فوق الطاوله عنده يسولف معه دخل عليهم علي وهو يتثاوب:وش تسوون؟
نطق سلطان:شاهي منعنع
فتح الثلاجه يناظرها:مافي شيء ينوكل
نفى سلطان:لا ومافي مواقع توصل هنا
زفر علي يجلس على الطاوله:طيب جوعان
نطق سلطان وهو يحط النعناع في الشاهي:راح نشوي بعد شوي تحمل
هز راسه يطلع بره يشوفهم بعيدين عنه جالسين حول شبة النار والرجال ببيت الشعر تقدم يجلس عندهم يناظر حوله:وش فعالياتكم اليوم
نطق مروان:عندي لكم فعاليه يحبها قلبكم
علي:وشهي؟
نطق مروان بحماس:بتعرفونها خلهم يجون هم والشاهي
ناظرهم جايين من بعيد ونطق:الحين بعلمكم وشهي
جلسو كلهم على شكل دائرة
مروان:اول شيء تقسموا فرق كل فريق من خمس اشخاص
دُرر:طيب احنا عددنا11 كيف كل فريق من خمس
مروان:انا مراح العب معكم بكون الحكم
كمل كلامه مروان:راح نوزعكم من عجلة الحظ والي يطلع مع احد مايعترض
هزو كلهم رؤوسهم
وكمل يسترسل بحكيه:الفعاليه راح تكون امثله كل فريق راح يقول نص المثال والفريق الثاني مهمته يكمل المثل
ريتال:الله تجنن الفعاليه تمتم
مروان:اصبري ماخلصنا
حط يده وراه وطلع منها اساور حجمها كبير
ناظرتها ريتال:وش ذا؟
مروان:الفريق الي مايجاوب يتكهرب
رفع انظاره لهم:ها للحين موافقين
ردو كلهم بنفس الوقت:اكييد
حط قدامهم ثلاث صحون داخلها ورق
مروان:الصحن الاخضر الي هو السهل اذا قلنا ان الفريق أ سألو الفريق ب والشخص الي اختاروه يجاوب ماجاوب يتكهربون كلهم اما اذا جاوبو يتكهرب الفريق أ كلهم
الصحن الاصفر مستوى متوسط اذا الي اخترتوه ماجاوب يتكهرب واذا جاوب محد يتكهرب
والاحمر نفس الشيء بس مستوى اصعب
فهمتو؟
نطقو كلهم:اييه
مروان:كويس الحين نقسم الفرق
اخذ جواله يسجل اسمائهم:فارس،سلمان،سلطان،عبدالله،دُرر،سارة،
علي،ريتال،ميار،سلمى
حرك العجله وطلع اسم دُرر:اول اسم دُرر الاربعه الي بيطلعون الحين كلهم معها
حرك العجله وطلع فارس
دُرر:يسس كنت ابيك معي
ابتسم فارس يحط يده على صدره بتفاخر:ازهليني بالفوز
حرك العجله مره ثانيه وطلع سلطان
والمره الثانيه ريتال
المره الثانيه ميار
دُرر:يالبيه يالفريق البطل
ضحكت ريتال:اكيد لاني معكم
حضنتها من جمب:اكييد
مروان:اوكي بكذا يكون سلمان وعلي وسارة وسلمى وعبدالله مع بعض فريق دُرر تعالو كلكم يميني وفريق سلمان يساري
قامو كلهم يترتبون عند بعض بعد ماخلصو نطق مروان يمد لهم الجهاز يلبسونه بيدهم:كل واحد يلبس الجهاز بيده
ناظر دُرر وحول نظره لسلمان انتو الاثنين العبو حجره ورقه مقص للي يلعب اول
رفعت دُرر يدها وسلمان بالمثل وبدؤو يحركون يدهم:حجره ورقه مقص:كلهم سوو حجره
المره الثانيه:حجره ورقه مقص:كلهم سوو ورقه
المره الثالثه:حجره ورقه مقص:كلهم سوو حجره
ريتال:خلاص مصختوها
ضحكت دُرر:خلاص اخر مره صدقوني
لعبو اخر مرة: حجرة ورقه مقص فازت دُرر على سلمان:ييس
مروان:اختارو ورقه الحين من اي لون تبونه
حولت نظرها لهم شرايكم بالاصفر
ريتال:على الاخضر عشان لو غلطو الكهرب يكون اقوى
فارس:واذا جاوبوا احنا نتكهرب لا خلوها الاصفر
سلطان:مين نختار عشان نسأله
فارس:خلونا نبدأ من اول واحد سلمان
مد يده سلطان يأخذ ورقه من الاصفر ويقرأها:حلاة الثوب...... كمل
سلمان:حلاة الثوب ايش؟
سلطان:خلاص احزر
علي:كم كمله هي
فارس:ها ها لحد يتكلم غيره
سلطان:هي خمس كلمات
سلمان:عطني كلمه زياده
سلطان:طيب يلا عشان تتساهلون معنا حلاة الثوب رقعته
سلمان:حلاة الثوب رقعته
فارس:ايوه
سلمان:حلاة الثوب رقعته ممن
فارس وسلطان:ايوههه
سلمان:حلااة الثوب رقعتهه"جاه ايرور جالس يناظر للارض"لف عليهم:تعرفونه انتم
عبدالله وهو ماد يده خايف لايتكهرب بأي لحضه:ايوه ايوه نعرفه
سلمان:قول والله العظيم
ضحكت ريتال:اخلص
سلمان:حلاة الثوب رقعته من تفصيله
صرخت ريتال:غلللط
مدو يدهم كلهم الا سلمان ينتظرون مروان وهم مغمضين عيونهم
علي:اخللص
ضحكت مروان وضغط الزر بقوه متوسطه وكلهم فزو يبعدون الاسواره من تكهربوا
رجعو جلسو والفريق الثاني فاطسين ضحك عليهم
سارة:احح توجع
ضحكت دُرر:هذي كم قوتها
مروان:هذي وسط
سلطان وهو يضحك:حبيت الصراحه
فارس:والله العظيم لناكل تبن اذا هذا الوسط
سلمان حرك يده يأشر على سلطان:نختااار سلطان
سلطان:انا الي اجاوب؟
سلمان:الي تتكهرب
بلع ريقه بابتسامة خوف يعدل جلسته
عبدالله:نختااار دُرر تجاوب
علي:وسلطان يتكهرب
ناظرها سلطان:اعتمد عليك
دُرر:والله شوف اعرف بجاوب
ضحك بسخريه:جزاك الله خير
ضحكت دُرر تضرب يدها بيده:ان شاء الله انك بأمان والله بحاول
مد يده عبدالله يأخذ من الصفراء:اوههه
دُرر:الله يستر
عبدالله:ماينقل اخبارك...
دُرر:هذي سالفه ذي
سلطان:لحظه لحظه البدايه هي كذا
سلمى:ما ينقل اخبارك إلا
سلطان:اها الا
دُرر:والله اني ماعرفها لكن فيه..
قاطعها سلطان:ها ها اصبري استهدي بالله
ضحكو كلهم
ضحكت دُرر:والله العظيم وكأن يدك يدي
سلطان:الله يطمنك الله يطمنك
علي:الكلام الي تقوله قبل تكهربك
ناظرت الارض تفكر:ماينقل اخبارك الا"وصنمت تناظر الارض"
ناظر عبدالله سلمان:نعطيهم حرف جر؟
سلمان بتفكير:اي
عبدالله:في حرف جر بعد إلا
سلطان:طويله ذي
عبدالله:ماينقل اخبارك إلا..شوف والله متعاونين معكم ماينقل اخبارك الا من
رفع ايده بمعنى خلاص واضحه
سلمى:باقي كلمتين بس اجحديها
دُرر رفعت يدها:كلمتيين!
وكملت:ماينقل اخبارك الا من
علي:الكلمه الاخيره على وزن اخبارك
سلمان:والله انه زبطك
علي:والله العظيم خلاص
دُرر:ماينقل اخبارك الا
سلطان:الا من اختارك
علي:ها ها
عبدالله:مروان شف يتكلم
رفع ايدينه الثنتين:ماقلت شيء ماقلت شيء
دُرر:اصلا فيه كلمه قبلها
ضحكت وكملت:تدري لو ماقالو ان فيه حرف جر كنت بقول ماينقل اخبارك الا الجيران
ضحكو ونطق عبدالله:قريبه
ناظره علي بمعنى اسكت
سارة:تري في وقت
مد يده سلطان من سمعها بخوف:ها ها
دُرر:او او اوهه
سلطان:قوليي اي شيء
سلطان:ماينقل اخبارك الا من عرف دارك
ناظره علي وكبرت عيونه وفتح فمه من صدمته
قمط سلطان العافيه وكملت دُرر:عرف دارك
نطق عبدالله وهو يضحك:غللط
انتفظ سلطان من كهربه يفك الاسواره ويرميها
وكلهم ميتين ضحك حتى فريقه
انفجرت دُرر ضحك:والله اني جالسه احاول
عبدالله:ترا قريب
علي:الا من دخل دارك
دُرر:قهر بس كلمه غلط
مروان:ترو بنحسب وقت بس دقيقه تفكرون
ناظره عبدالله:انا ماحتاج دقيقه عطني ثانيتين بس
حط علي ايده على رأسه:ياحيوان هي ولد خلك رجال
عبدالله وهو يناظر مروان:ماعليك
حول عبدالله نظره لعلي:وش قلت؟
علي:وش قلت؟
عبدالله:خلك رجال؟
توهق علي:لا هذا فارس قالها
كبرت عيون فارس:ها
ضحك عبدالله وضرب يده في يد علي:اهاا احسبك انت قلتها
وانفجرو يضحكون
اشر عليهم فارس يناظر فريقه:تشوفون الضحك ذا بيقلب بعد شوي
سلطان:ايهه صح
سحبت ريتال بطاقة من الاحمر:اوهههه
ناظرت في سارة:يقولك نسينا ماكلينا والشحوم...
سارة:كملي كملي
رتيل:اوهه ماباقي شيء
عبدالله:كم باقي
رتيل:ثلاث كلمات
حط علي يده على رأسه بصدمه
ريتال:لا لا بس سهله
عبدالله:عطينا حرف جر
ريتال:اللي
سلطان:اسهلها لك الي بعدها من كان واخواتها
سارة:وش كان واخواتها ياخي معرف خواتها
دقيقه دقيقه "وتكلمت بسرعه"كان لعل مأن كأن فإن
حركت رتيل يدها بمعنى مطولينها:اوهه
سلمى بتوتر:فيي وقتت
سارة:طييب طيبب نسينا ماكلينا والشحوم الي كانت علينا  لا...
قاطعتها ريتال:صححح
ناظرت فيها ثانيتين بعدين نطقت:والله!
ريتال:والله صح
صرخت سلمى تضرب يدها بيد ساره:يسسس
ناظروهم رتيل وفارس وقالو بنفس الوقت:اجحدوهاا اجحدوهاا
سلمان:يعني راح تتكهربون انتم
مروان:لا محد بيتكهرب
علي:لييه
سارة عبست بوجهها:ياليل ياخي
ريتال:تبونا نتكهربب
دُرر ضحكت بصدمه:زعلانيين تبونا نتكهرب!
فارس بصدمه:يبونا نتكهرب الحيوانين واحنا نساعدكم
سلطان:طيب طيب
عبدالله ناظر فريقه:وش نختار
علي:منقهرر ماكهربناهم
سلطان مد ل عبدالله الصحن الاخضر:لو انك رجال اختاره
فارس مسك يده يرجعه:لا هي هي ارجع مكانك ترا احنا بنتكهرب تراني معرف شيء بالامثله
عبدالله:انت وش قلت انت وش قلت
سلطان:لو انك رجاال
عبدالله حط يده بالصحن وسحب كم ورقه
سلمان:ورقه وحده بس ابو نايف
ضحك سلطان يرجع الصحن
اخذ عبدالله الورقة يقرأها وضحك:اتحدااك تجيبها اذاا امك جابت رجال ياللي مقدم الاخضر جاوبها
ناظرو سلطان وفارس في بعض بصدمه ونطق فارس:هو الي مهايطط عليك بتكهربنا احنا ليهه
نطق سلطان لفارس يطلع نفسه:القم مره انت ومره انا 
انفجرو كلهم على صدمة فارس
فارس:ياولد هو الي هايط عليك تسأله ليه
عبدالله:بس بس اخترت
سلطان:خلاص اختارني انا اسكت
فارس:شوف الحيوان
سلطان:يلا عطني
فارس:لحظههه اذا جاوب غلط يتكهرب معنا؟
مروان:لا مايتكهرب
فارس ناظر سلطان:الله ينكب ابليسك
انفجر سلطان ضحك:عوافيي يرجال
سلطان:يلا يلا
عبدالله:حذفت....
فارس:يلا خذلك
سلطان:وش حذفت حذفت حصى؟
فارس:يلا جاوب يحبيبي
سلطان:يعني هي سريعه لهالدرجه
فارس:هذي ايش تجاوب ولا تسولف اسرع
عبدالله:اوهه معليش هذا مثل ثاني
ضحك عبدالله وضحك معه علي
سلطان حضن فارس من جمب:خويي متوتر لاتوترونه اكثر
ناظره فارس:طيب انا اوريك بعد شوي
عبدالله:العين بصيره.....
ضرب يده سلطان في بعض:ايهه ياشيخ
علي:يالله جاوب
سلطان بثقه:واليد قصيره
صرخ عبدالله من تكهرب:اخخ ورع
ضحكو عليه علي وسلمان وصرخو من تكهربو معه
سارة كانت مستانسه وتقول وهي تحرك يدها:ماتكهربت ماتكهربت ماتكهربت
فجأه صرخت ورمت الجهاز من يدها:ياورع
فارس قال لعبدالله:خل القدحه تنفعك
عبدالله أشر على سلطان:هو الي قدح
كانو فريق دُرر يتشاورون مين يختارون
ريتال:ها شرايكم نختارها؟
سلطان:ايه خلاص هي
ميار:نختااار سلمى تجاوب
دُرر:وسلمان يتكهررب
فارس مد يده للاحمر:هيا ضبطناك ولا ماضبطناك صعبه بس الكهرب خفيف
سلمى:خذ الاصفر خذ الاصفر
فارس رجع الورقة الحمراء واخذ الصفراء:ابشري والله مانردك
سلطان أخذ الورقه من فارس:العقل زينه...
سلمى:العقل زينه ايه
ضحك فارس:العقل زينه هذا النص
سلطان:وال... خلاص كمليها
سلمى لفت على فريقها:انتو تعرفونها عشان مايأنبني ضميري؟
سلمان:لا مانعرفها
سلمى:العقل زينه عطوني الي بعدها
فارس:طيب طيب العقل زينه والجهل...
دُرر:ترو باقي كلمه والله كلمه
سلمى بكل ثقه:العقل زينه والجهل رزينه
كلهم قالو بنفس الوقت:غللللط
صرخ سلمان يرمي الاسواره:وش الي رزينههه!
سلمى:العقل زينه والجهل عار مهي على الرتم
سلمان:صح صح
عبدالله مد يده يسحب من الاخضر
علي كان يسولف مع الفريق الثاني لف شاف عبدالله يقرأ ورقه بالاخضر كبرت عيونه:خذييت من الاخضر!!؟
هز عبدالله رأسه بابتسامه
سلمان: يعيال عطوني شيء اضربه فيهه
عبدالله:ماكنتو تشوفووني
سلمان:والله والي رفع سبع ونزل سبع لو عاد تمد يدك على الاخضر
عبدالله:بختار فروس يجاوب وسليطين يتكهرب
سلطان:هيا خذلك
فارس:وش قصدك
عبدالله:الي يطالع لفوق.....
بدا فارس يطالع لفوق:الي يطالع لفوق تنكسر رقبته
نزل راسه يناظر سلطان:والله GG
سلطان:لا لا اسمع هي والله لاجلدك
فارس:بالله الي يطالع فوق شنسوي فيه
عبدالله:يلاا جاوب
فارس:الي يطالع فووق مايطالع تحت
عبدالله:خلاص هذي اجابتك؟
فارس:ايه
عبدالله:كهربهه
سلطان:لا لا..ماكمل كلامه الا وهو متكهرب
فارس سو نفسه متضايق:قهر
رفع انظاره لفارس:طيب طيب انا اوريك
ميار مدت يدها تسحب من الاصفر:الاقوى من العاقل يسلمان وانت ياعبدالله تتكهرب
سلمان:الاقوى من العاقل
ميار:باقي كلمه وحده
سلمان:الاقوى من العاقل الذييب
عبدالله نفض يده يرمي الاسواره من تكهرب:وش ذييبه
سلمان:لاننك ذييب يابو نايف
ميار:الاقوى من العاقل الصامد
سلمان:صعبه يابو نايف بس خليتك ذيب
عبدالله مسك الاسوراه يرميها:العبب بسرعه
مسكه علي وهو يضحك:استهدي بالله
عبدالله:انا الي اجاوب وانا الي اتكهرب انا مايهمني ان بذلت مجهود انا يهمني اني جالس اتكهرب
عبدالله مد يده يسحب من الاصفر ومد يده سلمان وراه بيسحب من الاخضر:دوري دوري
ضربه عبدالله على يده يبعده:دوري اصفقك
قمت سلمان العافيه:سم
سلطان:عبود اختارني انا الي اجاوب وفارس يتكهرب
فارس:ليه اناا
عبدالله:تم
قرأ الورقه:لاتعطني سمكه... يلا جاوب بسرعه
سلطان:وشش
عبدالله:لاتعطني سمكه بل علمني..اخلص
سلطان:اصببر بالهداوه
عبدالله:لاتعطني سمكه فاااصله بل علمني كيف
ضحكو كلهم من شافو جديه عبدالله
سلطان كان جالس يفكر صرخ فارس: هااا كييف ايشش
سلطان:الاجابه هي مايطالع تحت
كبرت عيون فارس وعبدالله فطس ضحك
ضحك سلطان:وربي لاربيك
فك فارس الاسواره يحطها على الارض:دقيقه دقيقه
وقف يدور على شيء:عطوني شيء ارنه فيه
ايش فيييه
سلطان:اصول يحبيبي
جلس فارس يلبس الاسواره:اصول هيا والله لاوريك الاصول بعد شوي
لبس الاسواره وناظر مروان:اخلصص انت
فك الاسواره يرميها من تكهرب ومد يده يأخذ من الاخضر
ريتال:هيي خير شدخلنا احنا بهواشكم نتكهرب معه
فارس:مو شغلي
اخذ الورقه يقرأها:لا تؤجل عمل اليوم الى....
سلمان:مين يجاوب؟
فارس:اي احدد.. انت انت
وكمل كلامه:لا تؤجل عمل اليوم الى..."بدأ يشرح بيده"الى متى بكره والا بعده
سلطان وهو يضحك:بسس يابزر
سلمان وهو فاطس ضحك:يمكن امس
فارس:الى بك..
سلطان:ايوه قول بكره
سلمان:اتوقع اتوقع الى الغد
فارس سو نفسه مصدوم:والله طلعت صح
فز سلطان من تكهرب يرمي الاسواره وهم ميتين ضحك عليه وبعده فارس والباقين........
"مر الوقت وجت الساعه 11"
طلعو البنات من المطبخ وبيدهم الدجاجه الي مبهرينها يتجهوون لمكان الشوي يشوفون الرجال جالسين يولعون النار حطو الدجاجه عندهم ورجعو لشبة النار جاهم سلطان بالعود جلس وبدأ يعزف
وعبدالله يغني:
[وفي عز ماكنت اهوجس فيك
وافتح لك ابواب قلبي خذتني رجلي لبابك
جيتك وانا مذكر اني كنت رايح لك
بس اذكر اني كذا لاطول غيابك
ياما ترددت مدري كييف بشرح لك
اجييك وارجع ابييك وتقوول وش جاابك]
شبكو معه العيال يغنون والبنات يصفقون
[وياابن الاوادم ترا ترا
مليت المحلك انا اعزك واحبك
واعششق تراااابك]
دُرر:الله الله
رفعو انظارهم من سمعو ابو غيث ينادي عليهم وقفو العيال يتجهون نحوهه وجلسو البنات لحالهم كانت دُرر تلعب بالرمل ورقعت انظارها شافت ميار تناظر بعيد ناظرت للمكان الي تناظر فيه وابتسمت ترجع تلعب الرمل:شرايكم بعد العشى نروح عند الخيول؟
سارة:تتوقعين يوافقون نروح الحين
دُرر:ليش لا
سارة:الوقت تأخر خليها بكرا
رفعت دُرر اكتافها:بكيفكم
وقفو يروحون يجهزون السفره والسلطه بعد مانادوهم حطو الاكل واكلو وخلصو وكل واحد راح ينام
"الساعه2الفجر"
طلعت دُرر من الغرفه بدون مايحس فيها احد متوجهه لاسطبل الخيول الي كان بعيد تقريبا بأخر المزرعه شدت على بلوفرها و تطاير شعرها المفتوح من جت نسمة رياح بارده وصلت للاسطبل بعد سبع دقايق تقريبا وهي تمشي فتحت باب الاسطبل تدخل كانت تتمشى بين الخيول ولفتها خيل باللون الاسود اللي كانت فيه دائرة باللون الابيض على وجهه فتحت بابه تدخل عنده وتسكر الباب مدت يدها بخوف تمسح على رأسه ابتسمت من استجاب لها فزت من انفتح الباب تناظر تشوفه واقف بطوله وعرضه قدامها حطت يدها على صدرها تتنفس بسرعه:خوفتني
تقدم يحتضنها من الخلف يقبل خدها:اسف
رفع انظاره للخيل:اشوف حبيتي الكاسر
مدت يدها تمسح ضهر الخيل:ايه
ابتعد عنها يمد يده لرأس الخيل:في العاده مايتقبل احد غيري
نفضت شعرها بغرور:حبيبي انا غير
ناظرها احب نطقها لكلمة"حبيبي":عيدي وش قلتي
دُرر:انا غيير
نفى برأسه:لا لا الي قبلها
توردت ملامحها تخرج من الاسطبل خرج خلفها وهو يضحك:شفيك
دُرر:لا تصدق نفسك
مشى بخطوات سريعه يوصل عندها يحاوط كتفها يقربها منه:سلمان ابعد
قربها منه اكثر عناد
ناظرت قدامها من وصلت للبيت:ابعد وصلنا
ابتعد عنها يدخل الغرفه الي كانت منفصله عن البيت:تصبحين على خير
تقدمت تدخل البيت:وانت من اهله
دخلت الغرفه تنسدح على الفراش وتغطي وجهها بالمخده تبي تصارخ من فرط مشاعرها بهاللحضه.....

انتهى..
_____________
اعتذر اني تأخرت بس كانت عندي ظروف هالاسبوع وعندنا سفره كنت اجهز لها وهذا بارت طويل وخفيف🩵..