هيَ التي علمتني كيف اعشقُها

البارت الخامس

عم الهدوء لثواني من الطرفين
سحبت يدها من يده بهدوء تنهدت وهي تستند بضهرها على المرتبه وتناظر من الشباك: ودني الشاليه
حرك السيارة متوجه للشاليه بدون ماينطق حرف
وصلو الشاليه نزلت من السيارة بخطوات متسارعه دخلت الشاليه
-عند سلمان-
دخل غرفته جلس على السرير يفكر يمكن ماكان المفروض يعترف الحين؟ او يمكن ماتحبه؟ تحب غيره؟ لا لا يمكن مستحيه ايوه ايوه مستحيه
-عند دُرر-
دخلت الغرفه تستند بضهرها على الباب تتنفس بسرعه من الي صار تقدمت بسرعه اخذت الرسمه الي كان عبارة عن سلمان ايه نعم سلمان كان الشماغ على كتفه وشعره مو مرتب والضحكة مزينه ثغره مثير وجدا تأملته دقايق بعدها اخذت العطر الي شرته جابت كرتونة العطر فتحتها حطت الرسمه داخلها وفوقها العطر وقفلت عليها زينت الكرتون بشريطة باللون النيلي ووردة الجوري الزرقاء اخذت بعدها بطاقه كتبت فيها وحطتها على صندوق العطر اخذتها باستعجال طلعت متوجهه لغرفة سلمان بالتحديد لكونها عارفه انه بالغرفه تبلع ريقها تشجع نفسها حطت الهديه عند الباب ودقت الباب وفكت سبرنت
-عند سلمان-
جالس يهوجس عن دُرر قاطع هواجيسه صوت الباب تأفف يقوم يفتحه وينصدم من الهديه الي عند الباب استغرب وماتوقع ولا واحد بالميه انها ممكن تكون دُرر جلس ثواني يتأمل شكل الهديه الجميل اخذ البطاقه وهو يقرأ محتواها بعيون لامعه
-محتوى الرساله-

        وانا احبك وابيك.

دُرر♡                           

فتح الهديه وضحك من شاف العطر وعرف انه الي عجبه بالمحل انتبه للورقه الي تحت العطر اخذها وانصدم من شاف نفسه بالورقة ابتسم ابتسامه حب  وسعادة من انها تحبه بعد

-دُرر-
متمدده عالسرير بتوتر من وش يتكون ردة فعله وقت يشوف الهديه ويعرف انها منها فزت من سمعت صوت دق الباب توجهت له وهي تدعي بنفسها انه مايكون سلمان فتحت الباب وانصدمت من الي حضنها بدون سابق انذار:س. سلمان
حط اصبعه على شفايفها يسكتها: اششش
تكلمت بتوتر: اطلع لايشوفنا احد
هز راسه وهو يمسح على خدها: على فكرة الرسمه تحفه
ابتسمت بغرور: اعرف
ضحك بقوة: من وين لك هالثقه كلها
حطت اصبعها على شفايفه: وجع قصر صوتك ويلا اطلع برا
سلمان: طردة ذي؟
دُرر: افهمها مثل ماتبي
طلع وهو يدندن بأغنية والابتسامه شاقه وجهه
(اهههه شااء ربيي في لقاانا شاااء
صرت لييي كليي بلا استثنااء
مااتخيييل دناااي من غيييرك
انت ألف عمرييي واانت اليااااء)
تمددت تتقلب على السرير تضم المخده بخجل من تذكرت قربهم من بعض قبل شوي
تمدد على ضهره بالسرير ماسك الاسواره حقتها ويهوجس بعيونها الي اسرته عيونها الي جابته من اقصاه يهوجس باعترافها له مرت دقايق ونام وهو مو حاس بنفسه

(مرت يومين مثل العسل على ابطالنا وكذالك الكل رجعو بيتهم وكلن راح غرفته يجهز نفسه لان كان عندهم عزيمه)

"مجتمعين البنات كلهم بغرفة دُرر"
ريتال: بنات مين تعرف تضبط لي الايلاينر؟
حماس: تعالي انا اضبطه لك
ريتال: منقذنتيي
جتهم سارة وهي تستعرض عليهم الفستان: بنات كيف الفستان حلو؟
دُرر: وااه يجنن ومو محليه الا انتي
سلمى: جوهرة تمشي على الارض
حماس: لو اني ولد تزوجتك يشيخه
"ضحكو كلهم عليها"
سارة: والله مو الحلو الا انتو
دخلت عليهم حصه: يلا انزلو جو الضيوف
دُرر: ابشري يعمه
نزلو ورا حصه وسلمو على الضيوف
طلعت سارة بعد دقايق تشوف البزران فالحوش تقدمت لدورات المياه(اكرمكم الله) حقت الرجال وقفت عند المغاسل ترفع جوالها وتجلس تتصور

"مجلس الرجال"
مروان: يعيال شرايكم نطلع نجلس برا الاجواء زينه
خلف(ولد جارهم عمره23): اي بالله
وقف فارس: بروح اضبط الجلسه دقايق والحقوني
هزو روسهم له وطلع

"عند فارس"
شافها جالسه تتمايل وتصور عند المغاسل هام في تفاصيلها لثواني شعرها الطويل عاتم السواد ولا فستانها البنفسجي الهادئ الي محدد تفاصيل جسمها من فوق ومأخذ راحته من تحت تقدم نحوها من دون ما تنتبه له وقف خلفها وتكلم
فارس: وش تسوين هنا؟
فزت سارة: يمه احسبك واحد من الضيوف
فارس: يعني تعرفين ان في ضيوف وممكن بأي لحضه يطلع احد منهم
سارة: كنت بصور بس وبرجع ماصار شيء
تقدم خطوتين نحوها توترت ورجعت حتى اسطدمت بالمغسله وصار فارس مقابلها بالضبط اقشعر جسمها اول ما لمست اصابعه طرف خصرها
سارة بهمس: فارس شفيك
حاوط خصرها وهو هايم بعيونها: انا ماقلت لك؟
سارة بتوتر:لا وش
فارس: تبين تعرفين
هزت راسها: ايه
حنى رأسه حتى يكون مساوي لطولها: انا اح...
قاطعه صوت العيال الخارجين من المجلس تدارك فارس الوضع وسحبها من يدها داخل الحمام(الله يكرمكم)
سارة بخوف وهمس: فارس اخوي معهم
فارس: اشش مراح يصير شيء
سارة: الحمام مره ضيق
كانت سارة حرفيا متوسطه حضنه
غطت فمها تحاول تكتم صوتها من سمعت صوت سلمان عند المغاسل صارت تتنفس بصعوبه ولاحظ فارس هذا الشيء
سارة بهمس حتى مايسمعها الا فارس: مقدر اتنفس
قربها منه وحنى نفسه
غمضت عيونها من طبع شفايفه في شفايفها
ابتعد ورجع طبع شفايفه في ثغرها كانت جذابة وبقوة اخذت نفس من ابتعد وامتلأت الدموع محاجرها طلعت اول ماتأكدت ان معد فيه احد في الخارج
ضرب الجدار بقوة وقهر من نفسه..
انتهى......

___________________________________________
سورييي البارت قصير بس القادم اجمل بأذن الله💗