هيَ التي علمتني كيف اعشقُها

البارت السابع عشر

"الساعه 3م"
فتحت عيونها بتعب من الصداع الي داهمها بسبب انها نامت البارح وهي تبكي وما كلت شيء من بعد الغدا وقفت تتجه لدورة المياه(اكرمكم الله) تأخذ شور دافي لعل وعسى يخف الصداع شوي طلعت لبست لها تيشيرت ابيض وبنطال اسود،
طلعت من الغرفه تنزل تحت شافت اغلبهم جالسين بالصاله عضت شفتها وقت ما لمحته معهم دخلت المطبخ أخذت كأس ماي شربت منه شوي ترتكي على الطاوله من اشتد عليها الصداع

"بالصاله"
فزو من سمعوا صوت قزاز ينكسر بالمطبخ،يدخلون المطبخ يشوفون القزاز منتثر بجميع انحاء المطبخ شهقت حصه وقت شافت دُرر مغمى عليها،دخل عليهم سلمان وقت سمع صوت صراخهم انصدم من شاف عمته حصه جالسه على الارض وتحاول تصحيها،دخل سلطان:وش صاير!
تقدم سلمان من دُرر يخرج جهاز السكر من جيب ثوبه:الظاهر ان السكر انخفض عليها
مسك يدها برجفه يقيس السكر، رص على اسنانه:سكرها منخفض
اخذ سلطان عصير تفاح وتقدم يعطيه لأمه:خلوها تشربه راح يرفع السكر عندها
فتحت عيونها ببطء بس سرعان ماقفلتها من اوجعها رأسها
طلع سلمان من المطبخ من تأكد ان مافيها شيء
حصه:تحسين بشيء يوجعك؟
دُرر بألم:احس راسي بينفجر
وقفت حصه توقفها معها:تعالي معي
رفعت الجده صفيه انظارها تشوفهم يطلعون من المطبخ وحولت انظارها لسلطان بصدمه:من متى وهي معها سكر وأحنا ليه ماندري؟
سلطان:السكر جاها من شهر تقريبًا اما بالنسبه ليه ماعلمتكم<رفع اكتافه>اسئلوها
طلع من المطبخ يرقى غرفته وهم طلعوا خلفه يشوفون حصه جالسه بالصاله وحاضنه دُرر تتبطب عليها شافتهم حصه ونطقت:ياسمين سوي لها عصير عشان صداع رأسها يخف
هزت ام سلمان رأسها:الحين
مرت دقايق ورجعت لهم ام سلمان بعصير اعشاب مدت الكوب لحصه اخذته حصه ونطقت لدُرر:يلا يابنتي
ناظرت له دُرر:وش ذا
حصه:عصير اعشاب
نفت دُرر:ماحبه
ابعدتها حصه من حضنها تجلسها:اشربي منه شوي عشان يخف الصداع
أخذت كأس العصير وأخذت منه رشفه وابعدته:مو حلو طعمه عشب
ريتال:احلفي احسب طعمه تفاح
ناظرتها دُرر:مو وقت تفاهتك
ابتسمت حصه ونطقت:اشربيه كله
شربته دُرر كله دفعه وحده وحطت الكأس على الطاوله رفعت انظارها لسلمى الي جت:سويت لك شيء تاكلينه
ابتسمت لها دُرر تأخذ الصحن:بوقته ماكليت شيء من البارح
بادلتها سلمى الابتسامه تجلس بجانبها
الجدة صفيه:دُرر
التفت عليها دُرر:هلا يمه
الجدة صفيه:ليه ماقلتي لنا ان معك السكر
صدت دُرر:على أساس بيهمكم لو علمتكم ولا ماعلمتكم
حصه:بنت وش هالكلام؟
دُرر:وش قلت ماقلت الا الحقيقه
ام سلمان:يهمنا كيف مايهمنا
همست لها حصه: هذي جدتك اسلوبك يتحسن معها مهما كان
ناظرت دُرر للجدة صفيه:السكر جاني من ثلاث اسابيع،انا استأذنكم
وقفت تطلع فوق لغرفتها
تنهدت الجدة صفيه بضيق ناظرتها حصه تنطق بترقيع:لا تأخذين من كلامها تعبانه البنت مو عارفه وش قاعدة تقول
أكتفت الجدة صفيه بأنها تهز رأسها

"دُرر"
طلعت دُرر لفوق وقفت مقابل باب غرفة سارة وحماس طرقت الباب تفتحه تدخل وقت سمحت لها سارة تدخل ناظرت لأنحاء الغرفه:وين حماس؟
رفعت سارة اكتافها:نزلت هي وعلي قبل شوي
تقدمت دُرر نحوها تجلس على السرير بتنهيده
ناظرتها سارة:صدق الي سمعته؟
دُرر:وش الي سمعتيه؟
سارة:انخطبتي من غيث
هزت دُرر رأسها:صدق
سارة:انتي تبينه؟
ناظرتها دُرر: وش قصدك؟
سارة:يعني طول عمرك ماتطقينه فجأه اسمع انك وافقتي عليه
رفعت دُرر اكتافها:خليها على الله
مسكتها سارة من اكتافها:ماتبينه صح؟
صدت دُرر تناظر للجهه الثانيه:مابيه
انصدمت سارة:واذا ماتبينه ليه وافقتي عليه!
دُرر بغصه:مو بكيفي
سارة:اذا مو بكيفك بكيف من علميني
تنهدت دُرر بضيق:خلاص تكفين الي فيني مكفيني والله
سارة:تمزحين معي انتي! انتي مو لعبه عندهم يزوجونك على كيفهم
دُرر:مامزح معك ومستحيل اكمل معاه اصلا
سارة:طيب ليه وافقتي عليه اذا ماتبين تكملين معه،<سكتت شوي>لاتقولين علشان جدي
نفت دُرر:مو علشانه
سارة:طيب علشان وش؟
ناظرتها دُرر:اول شيء اوعديني ماتعلمين أحد،وماتنفعلين
خافت سارة تنطق:انطقي خوفتيني
بدت دُرر تعلمها بكل شيء صار من اول مادخل عليها جدها لحتى ماوقعت
كانت سارة تناظرها وهي منصدمه:طيب بإيش هددك؟
أشرت دُرر على قلبها:هددني بشيء غالي على قلبي حييل<رفعت دُرر انظارها لسارة بضياع تنزل دموعها>حتى ماعرف كيف عرف بهذا الشيء ماعررف
حضنتها سارة:لاتسكتين عن حقك تكفين<كملت سارة تنطق>طيب لو لمسك؟
دُرر:يخسي والله مايلمسني ولا يلمس شعره مني
سارة:مراح تقدرين عليه
نفت دُرر:راح اقدر
التفوا يناظرون للباب من انفتح تدخل منه حماس ناظرتهم تنطق:أمي تقول تجهزو في عزيمه الليل مدري عشان وش؟
ناظرت سارة لدُرر ثم حولت انظارها لحماس:عشان خطبة دُرر
صرخت حماس:انخطبتييي!
ابتسمت دُرر بتسليك:ايه
تقدمت تحضنها حماس:مبروووك
دُرر:الله يبارك فيك
حماس:ميين؟
دُرر:غيث
صغرت حماس عيونها:غريبه
دُرر:ليه؟
رفعت حماس اكتافها:مدري احس مو لايقين على بعض،مادري متى أخر مره شفتكم تتكلمون مع بعض
ضحكت دُرر بضيق:القدر
دققت حماس بوجه دُرر:وجهك تعبان
نطقت دُرر بترقيع:مانمت زين البارح
وقفت حماس تبتعد:المهم امي تقول المغرب بيجون المعازيم