هيَ التي علمتني كيف اعشقُها

البارت الثاني عشر

___________________________
"في المزرعه"
وقفت السياره قدام باب المزرعه نزلت بسرعه ودخلت البيت توجهت لغرفتها بدون ماتتكلم مع احد قفلت الباب ترمي عباتها على الارض ترتكي عليه بضهرها نزلت تجلس على الارض تفيض دموعها الي كانت ماسكتها من اول مادخلو عليها بالمستشفى هي ماتدري دموع حزن ولا دموع سعاده ان اهلها للحين موجودين وتقدر تشوفهم ولا دموع عتاب على كل الي يدرون ومخبين عليها ولا دموع خذلان من اهلها الي ماكلفو على نفسهم يسئلون عنها حتى او هذا الي تضنه ضمت ركبها لصدرها تحط رأسها على ركبها تبكي تبكي تطلع كل الي بداخلها وقفت تفتح شنطتها تطلع من بين الملابس صوره شافت الصوره  تلتمسها كانت الصوره عبارة عن امها وابوها عند بعض كل الي كان معها عنهم هذي الصوره والعقد الي بعنقها ماخلعته ولا مره بحياتها احتضنت الصوره تنزل دموعها مره ثانيه مسحت دموعها بسرعه من سمعت صوت الباب يدق تقدمت تفتحه تشوف سلمان واقف قدامها وبيده كيس ناظرت للكيس ثم حولت نظرها له:وش ذا؟
مد لها سلمان الكيس:جهاز السكر
مسكت الكيس تلف بتقفل الباب:شكرًا
حط يده على الباب يدفه يدخل ويسكر الباب
لفت عليه دُرر:سلمان تك..
قطع كلامها سلمان من تقدم يحضنها
شدت على ثوبه من ورا يطيح الكيس من يدها تبكي تحس بالامان جمبه تحس انه مخرجها الوحيد تحس انه الوحيد الي تقدر تطلع كل الي بقلبها عنده
شد عليها ينطق:اسف والله اسف
دُرر:مو انت الي المفروض تعتذر"ابتعدت عنه تناظره"هم الي المفروض يعتذرون مو انت!
حط يده على كتفها والثاني اشر فيها على نفسه:اعتذر لاني ماكنت معك اعتذر لاني خليتك تسمعين هذا كله لحالك اعتذر لاني ماقدرت اخفف عنك اعتذر "واشر على كيس جهاز السكر" لانه جاك منهم وانا ما قدرت اسوي شيء
مسحت الدمعه الي كانت على خدها:سلمان
سلمان:سمي،لبيه،عيونه
دُرر:شكرًا
ابتسم سلمان يشدها لحضنه:لا تشكريني
ابعدها عنه يمسح دموعها والحين ابتسمي ابي اشوف غمازتك
ابتسمت دُرر تبان غمازاتها الي يحبها غمازاتها الي تأسره تجيب اجله غمازاتها الي تجيبه من اقصاه لين عندها تقدم يقبل غمازتها ابتعد عنها يمسك يدها:من اليوم مابي اشوف اي تعابير حزن على وجهك
مسك يدها يسحبها معه خارج الغرفه وقف من وقفت يسمعها تنطق:مابي اشوف احد
شد على يدها يمشي يسحبها معه:مراح اوديك عند احد

"في الاسطبل"
دُرر:ليه جايبني هنا؟
تقدم سلمان يفتح باب كسار يمسك اللجام حقه ويطلعه برا الاسطبل ركب فوق الخيل يمد يده لدُرر:اركبي!
ضحكت دُرر:تستهبل؟
سلمان:وليه استهبل
دُرر:تعرف وش بيصير لو شافنا احد
مرر نظره حول المكان:بس انا ماشوف اي احد
نفت دُرر:خلها مره ثانيه
نزل سلمان من الخيل يتقدم نحوها يحملها فحضنه يطلعها فوق الخيل بالغصب:مو جالس اسئلك انا
ركب وراها يصير ضهرها مقابل صدره مد يده يمسك اللجام صرخت بخوف من سحب اللجام وصهل الخيل يوقف على قدمين سحبها لحضنه وهو يضحك:افاا تخافين
ضربته على يده:مايضحك
مشى بالخيل تشوفه يطلع من اسوار المزرعه:سلمان وين رايح؟
نطق سلمان بابتسامه:بوديك مكان كنا دايم نجيه انا وفارس اذا جينا المزرعه
دُرر:بس..
سلمان:مافي بس مراح نتأخر كلها ربع ساعه
دُرر:ماجبت عباتي
سلمان:مافي احد عشان تخافين يشوفك
حطت رأسها على صدره تبتسم ترفع رأسها تناظره نزل نظره لها وبادلها الابتسامه:لهدرجه انا مزيون جالسه تتأمليني؟
ضحكت تضرب صدره بخفه:تخسي
رفعت انظارها تأشر على تلّ مرتفع:راح نطلع هناك؟
هز رأسه:ايه

"بيت الشعر"
ابو سلمان:يبه البنت لو عرفت بالسالفه مانعرف وش ممكن تسوي بنفسها
زفر الجد سلطان:وانا وش اقول مابيها تعرف اني ورا كل شيء واني الي غصبت اهلها يتركونها عندي
ابو غيث:تتوقعون راح تتفهم الموضوع لو علمناها؟
نطق الجد سلطان بحده:ولا اشوف احد يطري الموضوع هذا عندها الموضوع هذا مقفلينه من19سنه لا اشوف احد يرجع يفتحه!
تنهد ابو سلمان:جاني علم ان فيصل توفى قبل يومين بالمرض ال*****
ابو غيث:لا حول ولا قوة الا بالله
الجد سلطان:الله يرحمه ويغفر له
ابو سلمان:انا اشوف انه ضروري نعلمها في النهايه هي بنته
كان هذا الكلام كله ينقال تحت مسامع شخص هم جاهلين وجوده ابتسم من طرت في باله فكرة فكرة باستطاعتها يقدر انه يأخذ دُرر تصير حلاله، ملكه، لحاله،وهو يدري ان سلمان يحبها ومو بس يحبها يدري انه يموت فهواها وهذي كانت كالفرصه الي اتيحت له ومستحيل انه يقصر فيها، كأنه باب انفتح في وجهه باب يقدر من خلاله يوصل لها ويكسب قلبها وينسيها حبها لسلمان، فرصة تقدم له على طبق من ذهب
اخذ نفس يدخل بيت الشعر ويتكلم بصوته الجهوري:السلام عليكم
ردو عليه السلام وهم جاهلين انه سامع حكيهم
جلس بجانب ابوه وهو يلتفت على جده:انا ماكان قصدي اني اتنصت عليكم بس قدر الله واني سمعت حكيكم عن اهل دُرر
توتر ابو غيث ينطق:من متى وانت تسمع
غيث:من اول مابديتوا تتكلمون
رفع الجد سلطان العصا واشر عليه:لا اشوفك تفتح فمك او تجيب عن السيرة ذي عند احد!
ابتسم غيث يحط يده على خشمه:على خشمي بس بشرط
هبده ابوه على رأسه:يولد تتشرط من جدك
حط غيث يده على رأسه:يبه الشرط موب صعب
هبده ابوه على رأسه مره ثانيه:ارضخ يولد وبتسكت بدون شروط
نطق الجد سلطان:وش شرطك؟
ابو غيث:بس يبه
الجد سلطان:انطق انطق وانا ابوك انطق
ابتسم غيث ابتسامه عريضه اخيرًا راح يتحقق مراده:ابيكم..................

"عند ابطالنا"
كانت دُرر جالسه على صخره كبيره وتناظر المزرعه من فوق وغروب الشمس نزلت انظارها لسلمان تشوفه يربط لجام الخيل في الشجره لوحت له من فوق:يلا تعال المنظر يجنن
ناظرها سلمان ينفض يدينه في بعض:جايك
رفع ثوبه يربطه على خصره وعصب رأسه بشماغه ناظرت شكله وكيف شعره طالع من قدام بطريقه مبعثره ترفع جوالها تبي تأخذ له صوره بدون مايدري انتبه لها يبتسم ويرفع يده يسوي حبتين ابتسمت تلتقط الصوره:يلا امش
طلع عندها يجلس بجانبها يحاوطها بيدينه حطت رأسها على صدره يناظرون للغروب هو يدري انها تحب منظر الغروب عشان كذا قرر يجيبها هنا
رفعت انظارها له من اظلم المكان:نرجع؟
نفى برأسه:علميني وش صار بينك وبين جدي
تنتهدت:قلتلك مابي اتكلم عن هذا الموضوع
مسك اكتافها يلفها له:وسلطان ليش يدري؟
رفعت اكتافها تتكلم بغصه:ماعرف ماعرف
شد سلمان على كتفها:يعني مراح تعلميني؟راح تسكين ومراح تكلمين جدي؟
ابعدت يده من على كتفها:خلاص مو مهم الموضوع اذا جدي مايبي يتكلم
وقف سلمان يبتعد:طول عمرك ضعيفه طول عمرك تسكتين عن حقك وتعطين الناس الي حولك اكبر من حجمهم
نزل تحت يفك لجام الخيل نزلت وراه ركب الخيل وساعدها تركب وراه وصلو المزرعه وطول الطريق كان الصمت هو سيد المكان نزلت هي عند باب المزرعه وهو كمل للاسطبل ناظرت حولها عقدت حواجبها ماشافت احد دخلت داخل تشوف البنات كلهم مجتمعين في الصاله تقدمت تجلس عندهم وتنطق:وينهم فيه؟
حماس:راحو المزرعه الي جمبنا يقولون بنتعرف عليهم
هزت دُرر رأسها:والعيال
حماس:راحو معهم سلطان وعبدالله وعلي نايم فوق
ضحكت ريتال:فارس ومروان يقولون بيستكشفون المزرعه
نطت حماس:شرااايكم نسوي كيكه البرتقال
وافقوها سلمى وريتال:قدام
وقفت سارة تمسك دُرر وتقومها معها:تعالي ابيك شوي"لفت على حماس":روحو انتم واحنا شوي ونجيكم

انتهى......
_______________________