هيَ التي علمتني كيف اعشقُها

البارت السابع

اشرقت شمس صباح جديد على عائلة ثنيان خرجت من دورة المياه(اكرمكم الله) تفتح النافذة تشاهد رذاذ المطر الخفيف وتسمع زقزقة العصافير بابتسامة طفيفه انسحبت بعد دقائق تبدل ملابسها تلبس بلوفر باللون الارجواني وبنطلون كارجو يكتسيه اللون الاسود جعلت شعرها القصير ينسدل على كتفيها رشت بعطرها المفضل ووضعت مسك على اماكن النبض خرجت من غرفتها تتجه للمطبخ تجهز مشروب ساخن وهي تدندن بكلمات اغنيه لـ عبدالمجيد
(انت مانت انسان اكثر
قلبي مو من قلبك اصغر
ومثل ماتشعر تأكد انيييي اشعرر
فييني منك فيييك مني
غصب عننك غصب عنيي
التقينا واللقى قسممى مقدر)
سكتت تكمل المشروب فزت تلف من سمعت الي كمل الاغنيه
(هان طعن السيف ولا طعن الكلاام)
كملت معه الاغنيه ينطقوها بنفس الوقت
(من حبيبي الي وسط حضنيي يناام)
ضحكت تتكلم: روعتني
نطق: مادريت انك خوافه
نطقت وهي تجهز الاكواب: تخسي مو خوافه بس فزيت
ارتكى على الثلاجه يعدل الفروه على اكتفاه يناظرها:تبقين خوافه
نطقت: صه صه
ضحك وتقدم بيطلع من المطبخ بس وقف من نادت عليه: عبدالله
التفت عبدالله عليها يناظرها متجهه نحوه وبيدها كوبين مدت له احد الاكواب ناظر الكوب وحول نظره لها: هذا لي؟
ميار بطقطقه: لا لي انا شرايك يعني
اخذ الكوب: مايحتاج ليه تعبتي نفسك
هزت رأسها بالنفي: انا كذا ولا كذا كنت بسوي
تكلم وهو يناظر الكوب الي بين يدينه: الاجواء زينه شرايك نجلس بالحوش؟
تكلمت بحماس:تم اول مرة اتفق معك
مشت تسبقه وهو خلفها جلست بين العشب وهو جلس جمبها بمسافه تتأمل السماء نطقت تسأله: كم باقي وندخل الشتاء؟
عبدالله: اسبوع تقريبا
احتضنت الكوب بيدها تأخذ منه شوي من حرارته
انتبه عليها وانتبه لرجفتها من البرد: بردانه تبين فروتي؟
هزت رأسها بالنفي: لا مو برد
يأخذ الفروه يقترب منها يحاوط اكتافها بالفروه ضحك ينطق: جالسه ترجفين وتقولين مو برد
امسكت اطراف الفروه ونطقت: مو بردان انت؟
اكتفى انه ينفي براسه
ناظرته تشوفه امامها يعدل الفروه حست بشعور غريب لوهله اول مره تحس فيه نفت الاحساس على طول اول مابتعد يجلس مكانه ماتبي تفكر بالموضوع
مرت دقايق و الصمت كان سيد المكان شتت نظره من عليها اول ماشافها تلتفت عليه ونطقت: مين انا؟
عقد حواجبه من السؤال ونطق بضحكه: كيف مين انتي؟
عدلت جلستها تصير مقابله له: وش اسمي!
نطق عبدالله: شفيك جاك فقدان للذاكره
ميار بقلة صبر: يامسلم انطق وش اسمي
عبدالله: ميار
ابتسمت ابتسامه عريضه بدون ماتنطق ولا شيء
ضحك عبدالله: شاربه شيء!
ضحكت: لا بس كنت بشوف تفرق بيني وبين اختي ولا
عبدالله: بشري وعسى نجحت بالاختبار؟
نفت برأسها: لا تونا هذا اول سؤال
ابتسم يعدل جلسته: عطيني السؤال الثاني
ميار: كيف عرفت اني ميار
عبدالله: اول شيء شعرك لون شعرك افتح من شعر اختك اثنين«اشر على بلوفرها» تحبين اللون بالنفسجي ثلاثه اختك اربعه وعشرين ساعه عند امك ماتجي تجلس معنا اربعه«ناظر السماء بابتسامه» الشامه الي عند شفايفك مو عند اختك
ابتسمت تضم رجولها لصدرها بتنهيده: كيف فرقت بينا بأسبوع بس تقريبا
ابتسم يهمس لنفسه: اسألي قلبي لا تسأليني انا
نزلت انظارها له: قلت شيء؟
هز رأسه: قوة ملاحظه بس
تلاشت ابتسامتها تستقيم تدخل داخل
استغرب بس مافكر بالموضوع اخذ فروته الي تركتها مكانها ابتسم من اشتم ريحة عطرها بالفروة ينرسم شكلها بمخيلته
_____________________________________
دخل المطبخ يشوفهم الي جالسه تفطر والي تسوي قهوه والي يسولف تنهد بضيق وقت شافها سكتت اول ماشافته تقدمت تطلع من المطبخ بدون ماترفع نظرها له التفت يناظر لدُرر الي متكتفه تناظرهم وتنظار حالهم تقدم يوقف جمبها يهمس لها: وش اسوي
دُرر بنفس الهمس: لازم تتكلم معها واضح شايله على خاطرها منك
فارس: انتي ماتشوفينها كل ماشافتني تصد عني
تنهدت دُرر: مالومها ولازم تصبر انت بعد طبيعي مابتناظر برقعة وجهك بعد الي صار
فارس: انا الحين جايك ابيك تهونين علي بس انك جالسه تزيدينها
ضحكت تنطق: مو مشكلتي
خرج من المطبخ يشوفها جالسه بالصالة تناظر الفراغ غارقة بافكارها شتتت انظارها تناظر للجهه الثانيه اول ماشافته تنهد يتقدم ينطق: بت
قاطع كلامه دخول امه وحصه تنهدت براحه اول ماشافتهم زفر بضيق يطلع من البيت بكبره

انتهى..
_________________
البارت قصير بس بعوضكم في البارت الجاي✨