هيَ التي علمتني كيف اعشقُها

البارت الثالث عشر

_______________________
"غرفة سارة"
كانت جالسه على السرير وقدامها دُرر شبكت اياديها في بعض وتحولت خدودها للون الوردي ماتعرف كيف تفاتحها بالموضوع نزلت دُرر عيونها لاياديها ثم حولت نظرها لسارة ضحكت بخفه:شفيك؟
توترت سارة:اااا
دُرر:خليني احزر،كلمك فارس صح؟
هزت سارة رأسها:ايه
عدلت دُرر جلستها تبتسم:وش قالك؟
سارة:يقول يبي يخطبني من ابوي
صرخت دُرر بحماس:اخيرًا انتصر الحب
فزت سارة تغطي فمها:وجعه اسكتي
بعدت دُرر يدها:وش قلتيله
جلست سارة:ماقلت له شيء
عبست دُرر:تمزحين؟متى صار هذا كله
رفعت سارة يدها:خمس ايام اتوقع
دُرر: خممس ايام وللحين ماقلتي له شيء
سارة:مدريي خايفه
دُرر:تحبينه؟
شبكت سارة يدينها في بعض:احبه
دُرر:استخرتي طيب؟
سارة:ايوه وارتحت
دُرر:طيب من ايش خايفه
رفعت سارة اكتافها:مادري
مسكتها دُرر من يدها تقوم وتقومها معها:امشي امشي متوترة انتي بس
مشت معها سارة:تشوفين؟
دُرر:ايه ايه
نزلو تحت يشوفون ميار متمدده على الكنب والبنات بالمطبخ دخلت سارة المطبخ ودُرر جلست عند ميار ناظرت دُرر لميار تشوفها تناظر للسطح وتهوجس
دُرر:تهوجسين في من؟
ميار: اخخ
ضحكت دُرر:لهالدرجه
لفت عليها ميار:طول عمري اقول مستحيل احب
دُرر:بشري عساه يحبك بعد
عدلت جلستها ميار:اسكتي اسكتي لاتفتحين جروحي
ضحكت دُرر: افاا حب من طرف واحد
ابتسم ميار:هو مو حب حب يعني اعجاب
غمزت لها دُرر:تلعبينها عليي تري قافطتكم
شتت نظرها ميار:شعرفك انتي مين اقصد
ضربتها دُرر على كتفها بخفه:نظراتك فاضحتك
حطت ميار يدها على وجهها:لهدرجه واضح
ضحكت دُرر:واحسه يحبك بعد
تنهدت ميار تناظرها:ماتوقع
نفت برأسها:احساسي مايخيب
تنهدت دُرر تستند بضهرها على الكنب:عصافير الحب كثرانين
ضحكت ميار:ميين؟
ضحكت دُرر توقف تغير الموضوع:تعالي نشوف كيكتهم وش صار عليها
وقفت معها ميار:راح امسكك بيوم وتعلميني من هم
دخلت المطبخ تسولف وتضحك معهم تبي تنسي نفسها الي صار اليوم من الحقيقه الي الى الان ماتعرف وش هي، او من سلمان الي واضح انه ضاق اليوم من كلامها،او من الي بيصير بالمستقبل،رفعت انظارها لحماس تشوفها تزين الكيكه والجهه الثانيه تشوف سلمى تسوي القهوة وريتال عندها تزين الصحون والفناجيل وسارة جالسه فوق الطاوله تسولف عليهم وميار جالسه تحوس في الثلاجه وتتحلطم لانها مالقت العصير الي كانت مخبيته،
اخذت حماس الكيكه من خلصت تزيينها:خلصصت
كانت سلمى تصب القوه بالدلة:وانا خلصت
حطت ريتال اخر فنجال بالسفره:وانا بعد خلصت
نطقت سارة الي كانت للحين فوق الطاوله:بس سالفتي ماخلصت
ضحكت دُرر تطلع من المطبخ:امشي كمليها هنا
نزلت سارة من الطاوله:جايتك
مر الوقت وكانت اصوات سوالفهم وضحكهم ماليه البيت ،ناظروا كلهم للباب من فتح ودخلت منه الجدة صفيه ووراها الباقين وقفت دُرر تطلع فوق اول مالمحتهم بدون مايشوفوها دخلت غرفتها تتمدد على السرير تشوف الساعه للحين9 تنهدت ماتعرف وش بتسوي الحين هذا الوقت كله ماتبي تنزل ويشوفونها ماتبي تشوف احد خاصة عائشه وجدتها صفيه جلست تتربع من جت ببالها فكرة تتوقع منها انها تقدر تلاقي اهلها لو كانو صدق على قيد الحياة مسكت جوالها اول من طرا على بالها سلمان ماتدري تدق عليه ولا لا من وقت مارجعو من التلّ للحين ماتكلموا مع بعض نفت برأسها ترمي الجوال على السرير وقفت تدور بالغرفه تدور على "الاشيء" طفشت مالقت اي شيء يسليها تربعت على السرير شغلت ايبادها تفتح مسلسها زفرت لانه كل شوي يعلق بسبب النت بالمزرعه قفلته وتروح تطلع دفترها حق الرسم والاقلام تتربع على الارض تحطها قدامها لعل وعسى يجيها الشغف وترسم ويعدي الوقت جلست تناظر الدفتر لمدة خمس دقايق تقريبا طفشت تقوم تأخذ جهاز السكر تناظره ماتعرف ليش تناظره حطت اصبعها تبي تجربه تأوهت بالم تحط اصبعها بفمها من اوجعها وقفت تروح تتمدد على السرير بطفش ترفع جوالها تشوف الساعه شافتها للحين10
تأفتت:الوقت حالف مايمشي
عدلت جلستها تفتح الاتصالات تروح على رقمه تنفست بتوتر تضغط على رقمه وترمي الجوال على السرير