هيَ التي علمتني كيف اعشقُها

البارت الخامس عشر

"مجلس الرجال"
دخل فارس يشوف جده وعمامه والعيال كلهم موجودين تقدم يجلس عند ابوه ونطق بهمس:يبه
ابو غيث بنفس الهمس:ها يبوك؟
فارس:يبه انا قررت قرار
ابو غيث:الله يستر من قراراتك،اسلم
ضحك فارس:شدعوه يبه ابي اخطب بس
تنهد ابو غيث:جاك الثاني
ناظره فارس باستغراب:شقصدك يبه؟
ابتسم ابو غيث يغير الموضوع:منهي الي تبيها ومنهو ابوها؟
اعتدل فارس بجلسته واعتلت ابتسامه على وجهه:سارة
ابو غيث:سارة بنت عمك مهند؟
هز فارس رأسه
ابو غيث:والنعم فيها وفي ابوها
فارس:يعني موافق؟
ابو غيث:موافق
ابتسم فارس يقبل رأسه:الله لا يحرميني منك يبه
نطق ابو غيث بصوت عالي:يابو سلمان
لف عليه مهند:سم؟
ابو غيث:جايك خاطب بيخطب من عندك
ابو سلمان:الله يحيه ولد منهو؟
فارس:انا ياعم
ابتسم ابو سلمان:والنعم فيك وفي ابوك نعرفك ونعرف اخلاقك وانت اولا من الغريب وانا عن نفسي موافق بس الشور الاول والاخير للبنت
فارس:خذو راحتكم ياعم والله يكتب الي فيه الخير ان كانها موافقه ولا رافضه هذي حريتها بالاخير
الجد سلطان:الا منهي الي تبيها
فارس:سارة ابي سارة ياجد
الجد سلطان:ما شاء الله اخترت اطيب بناتي

"عند البنات"
كانو كلهم مجتمعين بمجلس لحالهم بعيد عن اهلهم جو بنات عم وخالات هاجر(فرح،ميسم،مريم،هيام،ابتهاج، والباقين ماجو)بين سوالفهم وضحكهم دخلوا بجو مع بعض على طول كانهم يعرفون بعض من سنين مو من كم ساعه،دق جوال فرح:اخوي يتصل شكل القهوه وصلت
وقفت تأخذ طرحتها وتكلم اختها:هيام انزلي معي
وقفت ريتال:بجي معكم
طلعو برا وشافو سلطان ومروان ماسكين البتال اخو فرح وهيام سوالف شافهم سلطان مقبلين عليهم:وش جايبكم؟
البتال:ايه جبت لهم قهوه وكلمت خواتي يجون ياخذونها
مروان:وينهي ماشوف شيء معك
البتال:بالسيارة
طلعو سلطان ومروان يساعدونه
مروان:هذا كله لكم
ريتال:اذكر الله
مروان:اذا انكبت عليكم او صار لها شيء اعرفوا انها من عيني
خذت ريتال قهوتها:ذوقها واذكر الله
مسك مروان القهوه وشفط نصها
شهقت ريتال تضربه على كتفه:يالبزر خلصتها
مروان:شدعوه توه
اخذ سلطان القهوه من مروان وعطاها ريتال:ادخلوا ادخلوا
ناظرت ريتال مروان:انا اوريك اصبر علي
خذو القهوه ومشو راجعين للمجلس بنص الطريق نطقت هيام:منهو هذا المزيون
ضحكت ريتال:اخوي مروان
فرح:والي معه؟
ريتال:بعد اخوي سلطان
فرح مثلت انها دايخه:امسكيني يجنن
دخلو للمجلس وضحكت ريتال:عاد هذا اعقل واحد من اخواني
دُرر:شفيكم تأخرتو؟
حطو القهوه على الطاوله ونطقت ريتال:سلطان ومروان ماسكين اخوهم سوالف عند الباب
جلسوا وكل وحده اخذت قهوتها
ناظرت مريم قهوة ريتال:ما شاء الله خلصتي قهوتك وانتي جايه
رفعت ريتال قهوتها تشوفها للنص:مروان البزر عطيته يذوقها وشربها كلها
ضحكوا البنات الا هاجر الي حست بشعور غريب من سمعت اسمه هي عرفت ان الي حضنها بالمطبخ اخو ريتال من نطق اسمها وتوقعت انه هو الي تقصده الحين نفت كل الافكار الي جت في بالها ونطقت بينها وبين نفسها:مستحيل اني حبيته مستحيل
صحت على نفسها من سمعت اسمها
فرح:هاجر اكلمك وين رحتي
هاجر:موجودة موجودة
رفعت حماس الجوال وصرخت:بنات صورهه
ناظروها البنات واخذت صورة تجمعهم كلهم:بحطها افتار للقروب الي بنسويه
رفعت ميسم جوالها من جاها اشعار وضحكت:اسم القروب البقرات التائهات
ضحكت حماس:شرايك بس
دخلت عليهم ام البتال:يلا يابنات رايحين
عبست فرح:يمه ماشبعنا بنجلس شوي
نفت ام البتال:راح نرجع يوم ثاني يلا
قاموا البنات يتحاضنون ويتوادعون من بعض
دُرر:تعالو زورونا مره ثانيه
هاجر:ابشري وانتم بعد تعالو
دُرر:من عيوني
طلعوا وجلسوا البنات لحالهم
ميار:حبيتههم
ريتال:صدق دخلوا قلبي بسرعه
سارة:كأني اعرفهم من سنين مو من كم ساعه