هيَ التي علمتني كيف اعشقُها

البارت الواحد والعشرين

طرق غيث باب الغرفه الي دُرر فيها:أفتحي بكلمك
طق الباب بقوه وقت ماسمع لها صوت:دُرر،أفتحي لا أكسره الحين!
تأففت دُرر توقف تفتح الباب:نعم!,في أتهامات ثانيه نسيت تقولها؟
أنصدم غيث من دموعها مد يده يبي يمسك يدها
أبعدت يدها تتراجع للخلف:ولا تفكر تلمسني حتى
تقدم منها غيث:أنا زوجك
دُرر:تخسي ماعتبرتك الا شخص مايهتم الا بنفسه بس
تقدم غيث يخلخل يده بشعرها من الخلف ويقربها له:أعلمك أنا الحين مين الي يخسي
ناظرت دُرر لقربها له تكره هذا القرب جدًا غمضت عيونها تهمس:أكرهك!
غيث:أحبك
فتحت دُرر عيونها:تحب شخص يكرهك ومايبيك؟
غيث:حبه يجي مع الوقت
أقشعر جسمها وقت حست بيده تتمرد تلمس ضهرها من تحت تيشيرتها،نزلت يدها ليده تبعدها:ولا تفكر
سحبها له يرتطم جسمها بصدره رفعت رأسها تناظره ينطق بحدة خفيفه:متى بترضخين ويطيح الحطب الي براسك،أنا زوجك أفهمي
دُرر:اذا طلقتني
شد على يدها:بأحلامك ذي ماخذيتك عشان أطلقك بالنهايه
أبتسمت دُرر بتحدي:أتمنى تكون قد كلامك بعدين
نزل غيث رأسه لمستواها وأبتسم ينطق:قده وبتشوفين
مدت يدها تنطق:جوالي
نفى غيث برأسه ينطق:اذا علمتيني وش كنتي تسوين في غرفة سلمان وقتها أفكر أعطيك
دُرر:والله مادخلتها شفيك مو مصدقني
غيث:امي ماتكذب!
دُرر:ماقلت تكذب يمكن شافت وحده من خواته وتحسبها أنا
غيث:هي أكدت أنها أنتي تقول شافتك بعيونها وانتي تطلعين من غرفته
ميلت دُرر رأسها بخفه:ليه تزوجتني اذا كنت راح تصدق كل كلمه تنقال عني؟
غيث:لأنك تحبينه لو شخص غيره ماكنت راح أصدق
سكتت دُرر تناظره تعبت،تعبت من كثر ماتعلمه انها مادخلت غرفته بس هو مو مصدقها
مد لها جوالها:خذيه وصدقيني راح أعرف بالنهايه اذا كنتي تكذبين علي
أخذت جوالها من يده تشوفه يتراجع ويطلع من الغرفه أخذت المقص الي كان على الطاوله ووقفت أمام المرأة مسكت شعرها الي كان يوصل لأسفل ضهرها غمضت عيونها تقصه حتى كتوفها فتحت عينها تشوف شعرها المقصوص بين يدها وناظرت لنفسها وأبتسمت تنطق:ياحلوي حتى بالشعر القصير أجنن
طلعت من الغرفه تناظر لأنحاء البيت مالمحت وجود لـ غيث وعرفت أنه بالغرفه دخلت المطبخ تسوي لها شيء تاكله وطلعت تجلس بالصاله تشغل مسلسلها
رفعت أنظارها بعد دقايق لـ غيث الي طلع من الغرفه بعد ما أخذ شور تارك المنشفه على كتوفه وشعره المبعثر ناظرها لثواني وتنهد يصد يدخل المطبخ،ماهتمت دُرر صدت تكمل تتابع مسلسلها ومحد تجرأ ينطق كلمه لثاني بعد الي صار غيث للحين مو مصدق دُرر وحاط بباله ان أمه وأخته يقولون الحقيقه ودُرر الي جالسه تكذب عليه ،دُرر تكرهه وزاد كرهها له ولأمه وأخته الي حاشرين نفسهم بـ كل شيء يخصها ومو راضين يخلونها بحالها

"اليوم الثاني 8:37ص"
دخل عبدالله عند أمه:يمه
حصه:إن كانك بتفتح معي موضوع زواجك من بنت عائشه فـ أنا مو موافقه
جلس عندها يحاول يقنعها:يمه والله انها مو نفس امها عطيها فرصه تكفين
صدت حصه ماتبي تناظره وكمل عبدالله كلامه:لا تكسرين قلبي فيها
ناظرته حصه:المشكله مو فيها المشكله بأمها ما أبيك تعاني معها
عبدالله:بس...
قاطعته تنطق:مافي بس قراري مراح يتغير
عبدالله:أنا أبي أعاني بس تكفين وافقي او أعطيني سبب واحد مقنع
دخل عليهم سلطان يسكر الباب:وش فيكم أصواتكم عاليه
حصه:تعال خذ أخوك
ناظر سلطان عبدالله الي نطق:يمه طلبتك
صدت حصه تناظر سلطان الي أستغرب ينطق:شفيه!
حصه:يبيني أخطب له بنت عائشه
سلطان:لمار؟
نفى عبدالله:لا ميار
سلطان:طيب وش فيها
حصه:الي فيها انها بنت عائشه
سلطان:بس يمه هذا مو سبب كافي يخليك ترفضين
عبدالله:شفتي حتى سلطان يقول نفس الشيء
حصه:انتو مو عارفين امها وش سوت علشان تقولون انه مو سبب كافي
عبدالله:طيب علمينا
حصه:عائشه كانت سبب في أنه دُرر تعتبر يتيمه
انصدمو ونطق سلطان:كيف؟
حصه:مو مهم كيف المهم اني مابيها تخرب حياة ولدي اذا تزوج بنتها مثل ماخربت حياة أخوي وبنته
عبدالله:يمه ماني صغير عشان تخرب حياتي
حصه:الا صغير وعروستك جاهزه ان كانك صامل وتبي تعرس
نطق عبدالله بغصه:يمه!
ناظر عبدالله لـ سلطان يبيه يتكلم يفهم أمه ناظره سلطان يهز برأسه أنه راح يحاول يقنعها مع أنه هو وعبدالله كلهم عارفين طبع أمهم وانها مستحيل تغير رأيها بسهوله وقف عبدالله يطلع من الغرفه بدون مايقول شيء
حول سلطان نظره لـ أمه:يمه ماكان لك داعي تكسرينه كذا
أستغفرت حصه:أنت الكبير والمفروض تدري اني خايفه عليه
تقدم سلطان يجلس بجانب أمه:خايفه بس ماتوصل تحرمينه من البنت الي هو يبيها
حصه:أنت ماتدري أمها وش سوت
سلطان:والله لو انها ذابحه أحد بنتها وش ذنبها!
سكت شوي وكمل ينطق:طيب وش الي هي سوته عشان تقولين هذا عنها؟
تنهدت تنطق تعلمه هي وش سوت تحت صدمة سلطان وهو يسمع هذا كله....