بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
قالوا جُننت بمن تهوى فقلت لهم
ما لذّة العيش إلا للمـجـانـين
هاتوا جنوني وهاتوا من جُنِنتُ به
فإنّي وفيُّ بجنوني لا تلومونـي
<~محمد~>
محمد:شلون ؟؟
گعدت لگيت روح يم راسي
روح:محمد سعد مطلع علينا سالفه كلش جبيره من ريحان
دزت الاكل لبيت شيماء شايفها سعد وشايفني رايحة لبيتكم
ومتصل على حمزه گايله تعال لم عرضك جاي يفتر بالبيوت
من بعد اخوك بنات اخوك صايرات طبه وطلعه وحدهن
ويه الولد و اجا حمزه طاير عقله يكسر ويصيح ويريد
ياخذنا وهسه جاي يتعارك هو وبيبي اني طلعت مااعرف وين انطي وجهي …..
محمد:روحي للبيت انا جاي وراچ
روح:فدوه استعجل وجيب وياك عمو اركان
محمد :تمام انتبهي لنفسچ
راحت روح وانا بسرعه لبست ملابسي واتصلت على والدي
محمد:الو يابه انتَ وين ؟
اركان:جاي بالطريق شصاير
سولفتله السالفه كلها انا رحت لبيت ام هادي اسمع صوت صياح حمزه بعلو صوتة
حمزه:بنات اخوي تفتر بالشوارع واحنه ساكتيننن امشننن ساقطات
محمد: هيييييووووو انتَ صوتك وين واصل اذا عندك
حجي احجي لزلمه لا تستقوي على نسوان وحدهن
حمزه: وانتَ منو حضرتك بلا صغراً ؟
محمد: انا محمد ابن اركان اكسر راسه اللي يصغرني
حمزه: روح روح الشغله مو يمك
محمد:يمي ونص واتدخل غصبا عليك
حمزه: امشي لك
هجمت علي ضربته بوكس على وجهه انبطت شفته
دم لفيت راسي اشوف روح تبجي و ام هادي تلطم و حاظنة
ريحانة ماحسيت بي الا حمزة غدرني بحديدة ضربني اغمى عليه
روح :
هنا احنه گلنه محمد مات خبصنا الدنيا الصريخ و بيبي
تلطم و تخمش بوجها سحبني حمزه من شعري كل قوته
وانا اسحب بنفسي واصرخ بيبي تبجي و تشوف محمد ينزف
تصيح بعلو صوتها و بحركة كلب الله لا يوفقكم هجمتو بيتي
و حركتو كلبي ماكفاكم كتلتو بنتي تاخذون بناتها و تكتلون ولد الناس
كالت ريحانة الحكي خلصي اختج مايدرن يروحن لمحمد
اللي طاح بالكاع مايگعد وانا سحبني حمزه بكل قوته
يسب ويغلط طلعني غصب اخذني بالسياره يمشي بكل سرعه ويصيح ويغلط
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
