بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
روح:
وگعت بالگاع واسمع صوت مو غريب عليه دخل شخص ملثم بس وجهه بوجهي ويحچي
:الف مبروك الخطوبة
روح:انت منو شلون دخلت لغرفتي ؟
حمزة:هههه فاجئتچ ؟
هاي احنا أي مكان نريدة ندخله بدون سابق انذار
اجينه بس نباركلچ بخطوبتچ
يحلوة ويارب الله يتمملچ على خير وحبينه نراويچ شغله
تگدرين تعتبرينها هدية بهاي المناسبة السعيدة
اجا عليه سحلني سحل وانا احاول اخلص نفسي منه
روح:ماتخاف؟؟محمد شراح يسوي بيك مو كافي محد بيكم زلمة يكدر يواجهة
تغدرون و تشردون
حمزة:هاي اذا لحگ علينا
سحلني من شعري على غرفة اختي شفت ريحانه مربطة بالشباك وتبچي
روح:الله ينتقم منكم هاي شمسوين بأختي
عوفوها اني انتقمو مني اني بس لاتاذون اختي
ريحانه:انتبهي لنفسچ و لبيبي
حمزة:مثل ماحرمتينا من اخونا راح نحرمچ من اختچ و نحرك كلبج بكل واحد تحبي
واحد واحد ناخذهم منج و يوصل السرة لمحمدج لاتخافين
طلقه وحده
رصاصه وحده
لحظة وحده
بثانيه وحده
انتهى كلشي
انتهى نفس اختي
انتهت حياة اختي
وحلم اختي
ووجود اختي
تطشر دمها بكل مكان انهزموا بأسرع ماعدهم
البيت صار هدوء كلهم راحو
انا بقيت اباوع
تقربت وحرارة دمها صارت بكل جسمي
صرخت بأعلى ماعندي من قوة الطم على وجهي ومن صوت
صرخت وماحسيت بنفسي
ماحسيت من بعد هاليوم بأي طعم بأي شي وگفت ايامي من هاليوم
محمد:
بغرفتي متمدد افكر بروحي و أحاول انام
سمعت صوت صريخ
هذا صوت روحي من بيتنا صوت صريخ بحرگه
بيتنا كلة انخبص
طلعنا اريد اندل طريق بيتهم ماجاي اگدر انتهيت
وحيلي مجاي يحملني
صوت روحي جاي تصرخ دخلت لبيتهم ام هادي مغمي عليها
سجى و امي راحو يگعدون بيها وروح بالطابق الثاني تصرخ
رحت لغرفتها هيه ماكو رحت لغرفة ريحانه لگيتها حاضنة ريحانه واثنينهن دم
اريد اعرف منو الينزف صرخت بيها
محمد: روحيييي
روح:محمد اختيييييييييييي ريحانه ماتت ريحانهه
محمد راحت
شلت ريحانه بسرعه والدم ينزل منها من حملي الها عرفت انتهت حياتها
ماكو دفو بجسمها صار عبارة عن قالب ثلج رحنا كلنا سجاد و امي و سجى اخذوا ام هادي
وانا اخذت ريحانه وروح وياها
اسوق بسرعة
أنت تقرأ
روح ألرسام
Romantizmيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
