بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~هدى~>
ََ
سمعت صوت صرخة روح من الطابق الثاني ورونق بعدها على الدرج
نزلت وبوجهها ابتسامة ركضت دفعت رونق وصعدت
لروح اشوفها بالممر متمددة صرخت يجيبون اسعاف
الولد طالعين لأن البيت بس نسوان بي اجا سجاد گال لأمه تساعده
ويشيلوها ماگدرت تنزل الدرج اجت سجى تساعدهم
وراحت وياهم اخذوها وطلعوا انا رجعت ادور على رونق
وبيبي راحت وياهم صعدت للطابق الثاني ادور رونق
لگيتها بغرفة سجى ويم باب الغرفه امها مدنگه راسها اسمعها تحچي بالتلفون
رونق:عليچ الله ماتموت؟ شفتها شلون شالوها عبالك ميته
خاف تسويها صدگ وتشتكي عليه وتسجني كله من وراچ فردوس ورطتيني
دخلت عليها لزمتها من شعرها وطلعتها برا اضرب بيها على وجهها
اريد ائذيها بكل طريقه وين المكان الي يأذي ضربتها بي
هالحقيره تهسترت گمت اضربها بدون وعي اخر شي
طگت شفتها دم صعدن وخالاتها واستبرق يريدن يبعدنا
ام رونق:عوفنها اذا ماكتلتها هيه انا اكتلها
استبرق:ماما صدگ تحچين
هدى:مثل ماسويتي بأختي راح اسوي بيچ
سحلتها من شعرها للدرج وذبيتها منه وگعت بس ماتأذت
لأن بقت مچلبه بالمحجر العار نزلت وراها هنا لزمتني
خالة ماجدة اتنفس حيل وگوا اجر النفس اريد ارجع الزمها انهيها اليوم مابيها مجال
هدى:خاله عوفنيني اللي شافته اختي من رونق مو شويه
وانتو واگفين تتفرجون ماسويتوا حل لهالادبسز حسبي الله
ونعم الوكيل عليها وحده تريد تخبلها ووحده تريد تاخذ رجلها
ووحده تريد تسقط طفلها وتموته ولچن ماتخافن ربچن
ماعدچن غيره ولا مروه رب العالمين فوگ ماحاسباتله حساب
يشوفچن شنو المستويته الچن روح اريد افتهم دمعت اليتيم
ماتخافن تعثرچن حسبي الله ونعم الوكيل بيچن
امها مدنگه وهيه تمسح بوجهه وانا احچي بحرگة دم
ام رونق:صخام الصخمچ ولچ الله ينتقم منچ ماراضيه عليچ
رونق:والله فردوس گالت مايقتلها بس يقتل جنينها
ماجدة:ولچ يمه فردوس ماتطلع من حياتنا شلووووون
انهارت ووگعت بالگاع راحتلها سرى وانا رجعت هجمت على رونق
رونق:محمد مايحب روح وراح يطلگها
هدى:وبعد عندچ لسان تحچين بييي
لزمتها من رگبتها ودفعتها ع الحايط حسيت خشمها انكسر
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
