بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~هدى~>
بلال:عمه انا راح اسافر وبعد ماارجع
شنو؟
شنو يسافر هذا مايعرف يحجي خير شكو (بداخلي احجي)
بلال:اي عمه اريد ائسس حياتي بالخارج لأن احس نفسي
هنا ماعندي مستقبل وحتى من اتزوج مايكون لأبنائي مستقبل
ماجده:يا يمه صدگ تحجي
بلال:والله يمه شبيج
ماجده:وابوك شنو رأيه ؟
بلال:قنعته واقتنع ودعالي واليوم بليل طيارتي
ماجدة:يمه لا تغرب نفسك فدوة رحتلك
بلال:عود من مايوالمني الجو هناك ارجع مو بعيده عني الرجعه
ماجدة:الله يوفقك يمه ويفتحها بوجهك
بلال:بعد روحي امي الثانيه انتِ ، يلا هسه اترخص اروح
احظر الجنط والبطاقة الموحده واشيائي اكملها واودع
اصدقائي بعد وراي هواي اشياء هههه
ماجدة:الله وياك يمه
هوا طلع وخاله ماجده دخلت للبيت بعده بطارمه وانا طلعت ورا
هدى:بلال
بلال:هلا هدهد هم زين اجيتي اريد احجي وياج واودعج
هدى:صدگ الكلام لو تتشاقه؟
بلال:لا مااتشاقه ، الله يوفقج ويحفظج ان شاء الله انتبهي لنفسج
هدى:يعني صدگ ؟
بلال:اي والله شبيج
هدى:لا تسافر
بلال:ليش؟
هدى:اي لا تسافر
بلال:غير اعرف ليش مااسافر ؟
هدى:محمد مسوي مفاجئه لروح وانتَ لازم تكون موجود نجهز انا وياك هالمفاجئه
بلال:انتِ تريديني اسافر؟
هدى:لا مااريد
بلال:تمام راح الغي الطيارة
هدى:صدگ والله ؟
بلال:كم هدهد عدنا ؟
هدى:كلش فرحتني شكراً لأن مارديت طلبي
رجعت يم روح ولگيتها تلعب الاطفال وتناغيلهم وهم يناغون
روح:هدى شوفيهم احسهم بسرعه كبروا ومالحگت عليهم
هدى:الله يحفظهم الج ويخليهم
روح:انا كلش تعبتج وشلعت گلبج شكراً على كلشي
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
