بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~هدى~>
بقيت بحيره من امري معقوله الي صار ضميت وجهي
بأبن اختي وصرخت صارت هوسه
سجاد:امشي خويه امشي لاتخافين ماكو شي
رفعت عيني لمكان الحادث الناس تجمعت عليها واشوف
بس الدم واللحم تطشر صاحب التريله حرك بسرعه
وشرد دخلني سجاد للقاعه وراح شاور والده واثنينهم طلعوا برا القاعه
ام هادي:هدى يمه شبيج بنيتي ؟
هدى:بيبي امشي وياي واسولفلج
رحنا لغرفة تبديل الملابس اللي بالقاعه شوية ودخلت سجى ورانا
سجى:شبيكم ؟
هدى:فردوس ماتت
سجى:شنو؟؟شجاي تگولين انتِ
ام هادي:يمه شدراج اسم الله الرحمٰن
گعدت على الكرسي بجيت وسولفتلهن الموقف
هدى:شفت اللحم تطشر گدامي وصاحب التريله شرد المنظر يخوف بيبي لحگينيي
تقربت بيبي حضنتني وضلت تسمي عليه وتقرا المعوذات
سجى:وهسه؟
هدى:مادري راح عمو اركان وسجاد طلعوا برا اتوقع حتى يگولون لأهلها
سجى: وهسه وين الطفل؟
هدى:خليته يم سرى
سجى:اووف حسبي الله ونعم الوكيل
ام هادي:يمكرون ويمكر الله والله خير الماكرين ، يلا
يمه هسه اختچ تحس لاتگلولهم بشي گومي هداوي
يمه غسلي وارتاحي تنفسي وطلعي ويه اختج ، وانتِ هم سجى يمه
سجى:بيبي انا مكياجي غالي ماگدر اغسل خاف يروح
على مود فردوس ليش هيه فردوس تسوا ؟ هسه ياخذونها
للمستشفى وترجع تحفر جواتنا شهالموضوع الجبير
ام هادي:هههه يايمه شگد گلبج ميت
سجى:اي گلبي ميت اعترف خلص صار الي صار ومااعتقد
اذا خربت يومي راح يتحسن الوضع اذا شي موبيدي مااخرب الي بيدي على موده
ام هادي:خوش تفكرين
طلعن وانا بقيت بالحمام كلما اصفن اتذكر وكأنوا هسه
صار الموقف تعبت كلش بعد مدة وانا اصفن بالفراغ اجت سجى
سجى:يلا يمعودة راح تصير الزفه كافي
هدى:يلا جايه
سجى:يمعودة هسه بلال يضل باله يم الحب عباله بي شي
أنت تقرأ
روح ألرسام
Romansaيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
