بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~روح~>
اجا محمد للبيت بسرعه يمشي من مشيته عرفنه اكو شي
ماجدة:يمه حمودي شبيك شصاير
محمد:ماصاير يمه ماصاير
ماجدة:لا والله صاير احچيلي وگفت گلبي يمه
محمد:بلال بالمركز مقدم علي دعوة ايهاب وهسه لازمينة
روح:يارب العالمين دخيلك ياابا الحسن
ماجدة:سودة عليه يمه وليدي
محمد:ماكو شي هسه راح نروح لأيهاب نطيح حضه ونگله يرفع الدعوة
روح:اجي وياك
محمد:وين جايه
روح:اجي وياك وناخذ هدى تهدده انو جاي يبتزها
محمد:ومنيلها دليل ؟
روح:لا عدها انا گايلتلها ماتحذف شي كلشي مسكرن
محمد:امشي روح
رحت لغرفتي بسرعه بدلت واتصلت على هدى
روح:هدى لبسي بسرعة
هدى:شكو ولج
روح:لبسي جايين عليج انا ومحمد بلال بالمركز
هدى:شنووو شكو
روح:ايهاب مشتكي على بلال خطية
هدى:عزااا يلا يلا جاية
طلعنا وهدى اجت علينا صعدنا بالسياره ومحمد يريد الحسن يجي ويانا
هدى:لا فدوة لا تگول للحسن استحي منه كلش
محمد:تمام بس اذا ذب حچايه محد يخلصه مني والله
روح:طلعي كل السكرينات العندچ وهددي بيهن
محمد: اذا بدأ يچفص انا اموته گدامچن والي تصرخ اكتلها ويا
روح:انا اصلن تلگاني فوگه اگطعه تگطع
هدى:غير چذابه انتِ
روح:شوفيني من گد مامقهوره منه راح اطلع حرگت فردوس كلها بي
وصلنا ودگينا بابهم طلعلنا سحبة محمد من ياخته وشمرة على السياره وحچه من بين سنونه
محمد:هسه تجي وياي ترفع الدعوه عن بلال
ايهاب:ماارفعها
محمد:گتلك ترفعها غصباً عليك
وصاح هدى و هية طلعت السكرينات وخلتهن بوجه ايهاب
هدى:اذا ماتسحب الدعوة راح اشتكي عليك بتهمة الابتزاز
محمد:تعرف شگد حكمها لو لا؟ والغرامه؟
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
