بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~روح~>
سديت الجهاز دخل محمد تمدد يحاول ينام
و انا گاعدة فززني صوت فردوس يهز البيت من غرفتها تصرخ
فردوس:الحگونننيييي بطننييي تتگطعععع راح الولد مني راح بسبب هاي الحية
الله لا يوفقها
فزيت من مكاني محمد گلي امشي لغرفتها شوفي شبيها المرة
خليت شال على راسي وركضت لغرفة سجاد دخلت سجى لحگتني و خالتي
ماجدة:اسم الله عليج يمة
فردوس:عمة احس راح الولد مني بسبب هاي المجرمة
سجاد:يمة انا راح اخذها للمستشفى
ماجدة:يمة انت نزلها و انا البس عباتي و الحگك
فردوس:لاااا مااريد مستشفى خلص راح الولد من ضربوني
سجى:من المغرب كلشي مابيج و نزلتي تحجين و تريدين تعزلين شو هسة يلا طاح الطفل؟
فردوس: كلة بسببكم خسرت ابني مالحگت افرح بي
سجاد:مو وقت مشاكل يلا اخذج للمستشفى
فردوس:لااا انا اروح لأهلي همة ياخذوني
سجاد شالها بحظنة اخذها للسيارة و خالتي نزلت لبست عبايتها
و راحت ويا سجاد للمستشفى رجعت لغرفتي شفت محمد يبدل ملابسة گال انا رايح وراهم
روح:انا جاية وياك
محمد:مو وقتها هسة تسمعج كلام و تجرحج
روح:قابلة انا قابلة بس وديني وياك
محمد:يلا بسرعة انا انتظر بالسيارة
نزل محمد و انا رحت لبست عباتي و سجى ظلت يم عمي
نزلت ركبت بالسيارة و محمد يسوق بسرعة و وصلنا المستشفى
خالتي و سجاد كاعدين رحت انا گعدت يم خالتي
سبحتها ايدها و تدعي
محمد:ها خوية اكو شي خطير؟؟؟
سجاد:والله ماادري خوية دخلتها الدكتورة جوة و بعدها
محمد:ان شاء الله خير
ظلو سجاد و محمد يفترون بالممر بعد شوية طلعت الدكتورة ركضت عليها اطمن عن فردوس
روح:دكتورة عيوني شلون وضع الام و الجنين
خوما تاذى؟؟؟
الدكتورة:عزيزتي زوجها بلغني عنها حامل و صاير عدها مغص
و المريضة تكول اجهاض اصلا ماكو حمل منو بلغكم عن حملها
روح:ها والله دكتورة ماادري اي دكتورة تراجع
الدكتورة:على العموم عزيزتي مابيها الا العافية ان شاء الله
انطيناها مسكن صاير عدها مغص و هسة شوية و تهدأ
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
