بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~روح~>
دخلنا جوة انا و هدى شفتها لونها اصفر و مو على بعضها
گعدتها عندي انطيتها ماي و مسكن بعد شوية و هية تفتر
و سجى تصرخ روح هدى طاحت الحگيني عفت كلشي من ايدي ركضت عليها
سجى:الحگي فجأة طاحت مدري شبيها
روح:سلام قولا من رب رحيم
اضربها على وجهها و ارش ماي ماتصحى
روح:سجى خليج هنا انا اروح اصيح محمد ناخذها للمستشفى
رحت بسرعة على محمد
روح:محمد هدى تخربطت و ماتصحى عفية الحگ ماادري شسوي
محمد:لبسي عبايتج بسرعة لما اخذها انا للسيارة ناخدها للمستشفى
ركض محمد ياخذ هدى للسيارة و انا لبست عبايتي و لحگتهم
محمد يسوق بسرعة و هدى مو بوعيها وصلنا للمستشفى
محمد شايلها دخلنا للمستشفى سوولها تحاليل
الدكتور:عزيزي المريضة عدها فقر دم حاد اهتمو بتغذيتها و لازم ترتاح لا تتعبوها
محمد:تمام دكتور ان شاء الله
الدكتور:معافاية ان شاء الله
گعدت يمها و هية مفتحة عيونها و ساكتة
روح:حبيبي شلونج هسة؟
هدى:دايخة
محمد:تخسى الدوخة هسة شلون كبد اجيبلج ترجعين مثل الحصان
هدى:اايييععع مااريد
روح:هههه غصبا ماعليج لعد شلون تطيبين لازم تاكلين زبيب
و كبد تعوضين الدم عندج ست الحسن
محمد:ماعليج بيها ام هادي تتكفل بالموضوع
روح:هههه اي والله
هدى:دايخة كافي تحجون
و انا احاجيها اجا بلال
بلال:سلام عليكم
:و عليكم السلام ورحمة الله وبركاته
بلال:حمودي شلون صارت
محمد:الحمد لله زينة بس عدها فقر دم حاد
بلال:والله رحت للبيت سجى گالت راحو هدى متخربطة
بسرعة ركبت السيارة و بوجهي جيتكم
روح:لا خوية ماكو شي يخوف ان شاء الله
بلال:الحمد لله
صحة وعافية إن شاء الله هدى
هدى:الله يعافيك عيوني
روح:يلا عيني سندس گعدي نروح للبيت
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
