بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~هدى~>
جاي اكنس بالطارمة واندگت الباب
هدى:منو ؟
نسرين:انا
هدى:منو انتِ؟
نسرين:عمتچ نسرين
عمة نسرين خفت افوتها للبيت بدون أذن الحجية خاف ماتقبل
دخلت للبيت
هدى:حجية هاي نسرين بالباب
ام هادي:عمتچ؟
هدى:اي بيبي شسالفة افوتها ؟
ام هادي:اي يمه فوتيها
هدى:طلعت فتحت الباب
نسرين:السلام عليكم
هدى:وعليكم السلام اهلاً عمة فوتي
نسرين:اكو احد هنا لو وحدچ ؟
هدى:اي موجودة الحجية تفضلي
دخلت ووياها بنات صغار راحت الحجية يمها بالاستقبال وانا وديت ماي ورحت يمهم
نسرين:اهلاً ببنت اخوي الماتعرفني
هدى:اهلاً بعمتي الطردتني
نسرين:خلي ننسى الماضي ونفتح صفحه جديده بعدين مو انا الطردتچ عمامچ المارادوچ
هدى:اي بس بوقتها انتِ صرتي وياهم
نسرين:چا غير اخواني انا مالي غيرهم
هدى:الله يديمهم الچ
نصيت صوتي وگلت شبعي بيهم
نسرين:اي حجيه اليوم اجيتكم گاصدتكم بطلب
ام هادي:اهلاً بيچ تفضلي
نسرين:هداوي بنيتي انتِ بنت اخوي ووحيدة وجاية
اطلب ايدچ لأبني عصام على سنة الله ورسوله وان شاء الله
انا مثل امچ وماراح اقصر وياچ واحنا نعرفچ انتِ خوش
بنيه ومحترمه وخصوصاً تربية الحجية
ام هادي:الله يحفظچ بس
هدى:من رخصتچ حجية عمة منو گلچ انا ادور خطاب؟
منو گلچ اريد اتزوج؟ منو دگ بابچ وگلچ روحي خطبي؟
منو گلچ عندچ بنت اخو جاهزه للزواج؟ اجيتچ؟ طلبتچ منچ؟
من ضبني العوز دگيت بابچ؟ من جعت دگيت بابچ بماعوني؟
من بردت طلبت منچ لبسه اكله شربه ؟؟؟ من يمچ تجين وتخطبين؟
عمه عذريني مااريد اشوفچ ولا اعرفچ ولا تعرفيني ولا يمكن
ان تقارنين نفسچ بأمي ومستحيل تصيرين أم الي انسي
اصير الچ چنه هذا اخر كلام عندي عذريني انا ماگدر
اگعد بمكان بي انتِ چان كل ظني تجين تحسنين صورتچ يمي
او تستسمحين مني بعد الي بدر منچ بس كلما تجين
تجيبين مصيبه اكبر منچ وتجين من رخصتچ حجيه
انا اترخص منچ خطارچ ثقيلين على گلبي
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
