بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~محمد~>
اسمع صوت انفجار و طلق ببيتنا گمت بكل سرعتي مااشوف
گدامي غير سلاحي جوا الچرباية اسمع صوت طلق انا بسرعة
فتحتة من جنطتة وخليت بي المخزن وروح وراي لازمتني
روح:مروتك محمد لا تطلع
محمد:دخلي ولا تطلعين وراي
روح:بداعتي محمد
صرخت بيها
محمد:ابقيي جواا گتلچ
طلعت برا واشوف سجاد بالممر بيده مسدس سحبت
اقسام وهوا هم والدي تلگانا من الدرج
اركان:لا تطلعون بويه
سجاد:شنو مو زلم شنو مانطلع
محمد:سجاد امشي وراي
اركان:محمدد شنو تكسر حچايتي
محمد:شنو بس هم الزلم الي يدگون بيتنا
طلعنا بسرعه ووالدي ورانا خايف علينه طلعت واشوف
سيارتين ترمي بأتجاهنا انا وگفت ارمي عليهم وصرت
ورا السياره شويه وسجاد وياي وگفوا سوا يسحبون
العتاد واحنا اشتغلناهم فجأه اسمع صوت سجاد التفت
والگا متصوب رجعت علي وگمت اضغط على السلاح
بكل حيلي صارت نار بأيدي شافوني هيچ شغلوا وراحوا
بسرعه ذبيت السلاح وحضنت سجاد
محمد:سجاد سجااد خويه
سجاد:مابيه شي مابيه شي بس ايدي
عرفتها حرارة الطلقه بعدها لذلك مايحس بألمها هسة
دخلتة جوا ودمه ينزل عليه احسه حار اجت سجى تركص
سجى:يمه عضيدي يمه
سجاد:ولچ ماكو شي
نزعت شالها ولفت ايده
سجى:يمه بأيده باباااااا اخذوا للمستشفى بسرعه .
انا مخلي على گلبي والدي ركض جاب السياره واخذنا
للمستشفى دخلوا لغرفة العمليات بسرعه حتى يطلعون الطلقه من ايده
سجى:
يمه اخوي بالمستشفى والدتي صعد ضغطها واغمى
عليها من اللي شافته وروح انتهت من البچي محمله
نفسها ذنب الي صار وانا محتاره بين امي وبين روح
الي صوفرت وفردوس اللي تلطم
فردوس:يمه رجلي مات يمه راح رجلي من ايدي
سجى:اسم الله فال الله ولا فالچ حرام عليچ
فردوس:انتِ شفتي دمه شلون ولچ تارس الطرمه دمه ولچ يمهههههه
گعدت تصرخ وانا اتصل على محمد
روح على صريخ فردوس تخربطت صدگت اللي تگوله فردوس
دخلت هدى وام هادي مخطوف لونهم وگعدت ام هادي
تواسي امي وگلت لهدى تصعد روح لغرفتها گعدت
اسوي عصير لأمي وروح راح يموتن اسمع صياح فوگ
وصوت فردوس طاغي على الكل تركت العصاره وصعدت اركض
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
