بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
"العَدلُ قليلٌ... و الظُلمُ اكثَر
لكنَّ الاملَ كبيرٌ... و الله اكبر"
<~سجى~>
شنو الموضوع البنات وين ؟ خفت من منظر ابوهن
عيونه حمر وعصبي نار حسيته شويه ياكلني
رحت
امشي بسرعه للمدرسه على أمل اشوفهن هناك بس
مالگيتهن اليوم ممداومات رحت لمحمد يداوم وياي بمدرستي لگيته جاي يرسم
سجى:حمني ياعيون اختك روح وريحانه مموجودات لا بالمدرسه ولا بالبيت
محمد:چا وين راحن ؟
سجى:لو ادري بيهن اجي اسألك؟
محمد:شدراني وين صاحباتج موليات يمكن عدهن صديقه وراحن الها
سجى:بلكي
رجعت لصفي ضايجة شنو روح غايبه وهيه صديقتي الوحيده
وليش ابوها هيچ مسوي بالبيت هواي اسأله براسي
رجعنا للبيت عبرت على بيت ريحانه بس لگيته مقفول
چا وينهم بالصدفه طلعت جارتهم تذب الزباله(تكرمون)
سجى:مرحبا خاله ماتعرفين ريحانه وروح وين؟
شيماء:هلا هلا خالة عندي موجودات بالبيت عمت عيني عليهن
اذا تردين تشوفيهم تعالي بلكي من يشوفوج يفرحون
دخلت وياها للبيت كلش خفت و متوترة و أيدي ترجف
من الخوف لأن ماما گلتلي لا تدخلين لبيت احد غريب ممكن يخطفوچ وگفت بالطارمه
سجى:خاله عادي تصيحيلهم انا تعبانه ولازم اروح
شيماء: اي ماما هسه اصيحلهم
طلعن البنات الي ريحانه حضنتني
ريحانه:هم زين اجيتي شكراً الج نريد منج خدمه عادي تروحين لبيتنه تجيبين ملابسنه وكتبنا
اباوع لروح جليد واگفه
روح :
طلعت سجى حتى تجيب اغراض النا من بيتنا تأخرت
وخفت خاف بابا يشوفها بعد فتره ساعه او نص ساعه
هيه اجت ووياها كلشيي نحتاجه تشكرنا منها وحظنتني
اول مره بحياتي احد يحضني غير اختي طلعت سجى واحنه رجعنه لبيت خاله شيماء
ريحانه: اي خاله خلي اكملج شصار البارحة بابا جاب ويا بطاله
كلش هواي اتوقع عصير كل مره يدخل للغرفه يشربهم حتى مانشرب ويا
شيماء:يااا (عرفت انو هوا مو عصير وجاي يجيب شرب للبيت بس حاولت ماتبينلنا)
ريحانه:واجيت گتله بابا انطيني بس العصير ريحته مثل شراب الگحه
گاملي بعصبيه گلي تريدين من الخوف گتله لا بابا ماريد
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
