بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
اول مرة اعرف بمكانتي بگلبة وحبي الة يومية يزيد تذكرت اغنيه (كلما اشوفه يدگ گلبي واتمنى لو يدري بحبي )
تذكرت انو انا ولا مرة گايلتلة احبك وهالكلمة ماراح اگولها لحد مااكون جاهزة لهالشي
......................................................................
سجى:
فجأة سمعنا صوت صياح عالي روح تصيح و تبجي
فزيت من مكاني
سمعت صريخها من الحمام افتح بالباب مايفتح الحمام والمغاسل صايرات بطارمة البيت
دخلت للبيت ركض رحت لفيروز
سجى:خالة فدوة اروحلچ اريد مفتاح الحمام روح مقفول عليها الحمام
فيروز:يايااا چا خالة المفتاح موجود من داخل
رحت لروح گتلها المفتاح شوفي من جوا هيه تبچي وخايفة ادري بيها تخاف من الظلمة
روح:لچ ماكو والله ماكو هنة قفلنة
سجى:منو منو
ماكو صوت لروح
ردت اتصل على محمد بس تذكرت ان محمد مايگدر يجي لأن اخو العريس
و لازم يكون موجود يم المعازيم مدري ليش اجا ببالي الحسن لأن أيد محمد اليمنى
ماعندي رقمه بس عندي صفحته على الانستگرام دخلت واتصلت علي رد وصوت الاغاني كلش عالي يمه
الحسن: الوووو منووووو
سجى:انا سجى الحسن الحگ
الحسن:مااسمعك لحظة
مبين ابتعد من الصوت
سجى:الحسن الحگ فدوة اروحلك انقفل الباب على روح ومانگدر نفتحة وهية تخربطت جوا
الحسن:جايكم
انتظرتة وانا رحت يم روح ادگ بالباب وماكو الكل ملتهي بالحنة والهوسة والاغاني وسرى خطية محتاره شتسوي
تأخر الحسن
مديت راسي اشوف زلمه بشارع اگله
شفته جاي يمشي سريع من شافني خزرني
الحسن:شلون تطلعين بالباب والزلم رايحه راجعه
هيه وينها وينها
سجى:هايه هنا
الحسن:سويلي طريق
سجى:ماكو احد سرى سدي باب المطبخ
سرى سدتة ودخل بدفعة وحده كسر الباب واجه
الحسن: شيليها ماگدر اشيلها وانا رايح اجيب السيارة
رحت ركض گلت لأمي ماگلت لبيبي خاف تتخربط انوب تموت علينه امي صوفرت وتوترت وگتلها رايحه ناخذهه
ماجدة:بسلامة امي انتبهي لنفسچ
سجى:صار يمه ادعيلي
ماجدة:الله يستر ويعديها على خير
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
