روح ألرسام

بارت 6

بسم الله الرحمن الرحيم

اللهم صلِّ على محمد وآل محمد

~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي

خُذي الوقْتَ الذي تستغرقُهُ اللؤلؤةُ لتتشكَّلْ.. والسُنُونوَّةُ لتصنعَ بجناحيها صيفاً..
خذي الأزْمِنَةَ التي ذَهَبَتْ..
والأزْمِنَةَ التي سوف تأتي..
فالمسافةُ طويلة..
وأنا لستُ مستعجلاً عليكِ..
أو على الشِّعْرْ

<~روح~>

ريحان:حمودي تحسن نجحت العمليه طلعوا الطلقه من جتفه

هنا صار البجييي سجدت سجدة الشكر وانا متحققه
امنياتي شكرت رب العالمين و الائمه واحد واحد
سجى حظنتني 
بعد فتره گامت بيبي وخالة ماجده يسوون ريوگات لسجاد
وعمو اركان ومحمد وانا اساعدهم وسجى تعصر برتقال
وريحان تطلع زيتون مخبوصين وفرحانين لأن محمد
طلع سالم ويمكن هسه گاعد ويسولف وياهم
اجه سجاد ياخذ الريوگ

روح:بيبي خلي اروح ويه سجاد فدوه اريد اتشكر من محمد

ام هادي:لا يمه شتسوين رايحة راح تروح امه واخته عيب زحمه

روح:بيبي انا السبب المشكله وانا الي خليته يتأذه ويوصل لهل مواصيل فدوه خليني اروح

بقت تباوعلي وانا اترجاها

ام هادي: روحي بس ماريد اندم على هذا القرار
انتبهي
لروحج يمه ولا تروحين منا منا خليج يم ام محمد ولاتشلعين گلبهم زين؟

روح:وعد مني مثل ماوصيتيني راح التزم

ام هادي : بأمان الله

رحت وياهم للمستشفى وراحن بيبي وريحان ببيتنا ينظفوا
ويشيلون الگزاز وكلشي كسرة جعفر حسبي الله ونعم الوكيل علي
الله لا يوفقه كسر بيتنا تكسر وصلنا وشافنا عمو اركان
انصدم وخزر سجاد سلمنا علي والتعب والسهر ماكل
ملامحه كلش مقهور مبين على محمد
سلمت علي

اركان:شلونج بابا شلون صرتي ،ان شاء الله مرتاحه؟

روح:الحمد لله على كل حال اكذب عليك لو گتلك مرتاحه
تأنيب الضمير والندم اكلني وشربني احس كل اللي صار
والجاي يصير بسببي احس شلعت گلبكم وأذيتكم على ابنكم
بس والله عمو ماعندي شي وكله افتراء وكذب من سعد
يشهد الله من البيت للمدرسه لبيتكم ومرات مااجيلكم
لأن بيبي ماتقبل والله حرام هيج يصير بينه وبيكم بسبب
شخص حاقد ماادري هسه سعد شنو استفاد من صارت
هوسه وبلبله ودم حسبي الله ونعم الوكيل

اركان:بابا احنه نعرفج انتِ شنو واختج شنو ومعدنكم شنو
والنعم منكم ومن تربيتكم والله على الرغم كل الظروف ضدكم
بس انتو ماشين بالطريق الصح الله يوفقكم يارب وينطيكم العافيه
انتو بناتي تربيتي عرفناكم وانتو صغار وكبرناكم انا وام محمد
على ايدينه نعرفكم شنو ماكو داعي تبررين بس استشرفوا
براسكم وهم عديمين شرف وعديم الشرف كلشي يسوي
عندي حساب ويه سعد اعلمه المرجله مو على نسوان……