بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
سجى:
ثاني يوم بيوم صباحية فردوس اجانا خبر مرد گلبنا كلنا وقهرنا كلنا وخلانه ننسى فرحة عرس سجاد
جنا كاعدين محمد اجا يحجي ويا ابوي
محمد:صباح الخير يابة
أركان:صباح النور هلا بابا
محمد:قبل شوية جاني اتصال يكولون طارق طالع من السجن
أركان:لا حول ولا قوة الا بالله العلي العظيم صدك عود
محمد:اي والله
من سمعت هالخبر دار كدامي كل اللي صار
بيهن
و دارت ببالي هواي تساؤلات
هذا واحد منهم رجع
البنية ليش هيج يريدون يعذبوها؟
شمسوية الهم حتى هيج يكرهوها؟
محمد قاطع تفكيري و كال
محمد:خوية لبسي عباتج و تعاي وياي
سجى:وين نروح؟
محمد: نجيب ام هادي و روح يمنا مو زين يظلن وحدهن و هذا طلع
سجى:تمام يلا
رحت لبست عباتي و رحنا دكينا الباب طلعت الحجية
محمد:سلام عليكم شلونج بيبي
ام هادي:ياهلا يمة هلا بولدي تفضلو
دخلنا للبيت
محمد:حجية زاد فضلج عندي موضوع وياج
ام هادي:اي يمة كول
محمد:حجية طارق طلع
ام هادي:يمتة طلع هذا
محمد:والله حسب مافهمت اليوم حجية
ام هادي:لا حول ولا قوة الا بالله العلي العظيم والله تعبنا من المشاكل
محمد:بيبي رايد منج تتحظرن هسة اخذجن وياي للبيت مو زينة ظلتكم بالبيت و هذا طلع
دخلت روح
روح:الله اعلم شنو تنتظرنا مصايب بعد
محمد:ماكو شي ان شاء الله بس للحيطة تكونون يمي
ام هادي:يلا يمة امشي نتحظر
اخذناهم للبيت دخلنا
ماجدة:ياهلا حجية ياهلا نورتي البيت
ام هادي:بالمهلي يمة
كعدت يسولفن
و انا و روح كاعدين محمد طلع برا دقايق و سمعت يحجي بالتلفون
محمد:مااتاخر مسافة الطريق و انا جايك
دخل مستعجل
محمد:يمة هسة بلال اتصل علية باقر ابن خالو محمد مو زين رايح انا يمهم للمستشفى
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
