بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~روح~>
سجى:فردوس احتركت الحگ محمد ماادري شسوي
فز محمد من حيلة
محمد:شنوووو شلون احترگت شصار وياها
سجى:ماادري جنت انا و الجهال بالحديقة سمعت عياطها
و تبجي و مو راضية تحجي شي و سجاد مو بالبيت
محمد:روحو يمها انا اجيب سويج السيارة ناخذها للمستشفى
راح ركض جاب المفتاح و انا سجى رحنا على فردوس
روح:خلي نغطي ايدج بوصلة شي لان كلما يضربها الهوا راح يزيد الألم عليج
فردوس:وخري من يمي انا كاعدة اشتغل و انتي العروس
توج نازلة و الثانية مشغولة بالجهال و انا مخبوصة بخطاركم
روح:يااا والله جنت كاعدة ويا الخطار
سجى:صدك تحجين شبيج انتي نفر من العائلة خطارنا خطارج
و محمد و روح مثل اخوانج شنو هالكلام اللي ماالة معنى
اجا محمد
محمد:ها خوية كومي ناخذج للمستشفى
سجى لبستها شال و ودوها للمستشفى و انا سجى ماقبلت
اروح كالت تسمعج حجاية و تغثج عوفيها ظليت افتر
بالبيت متروس خطار خالة ماجدة كاعدة هية و خالة رباب ام باقر
ماجدة:تعاي يمة تعاي كعدي يمنا
رباب:جنتنا الحلوة شلونها
روح:انا زينة بشوفتج خالة
رباب:يابعد عمري الحجية شلونها
روح:والله الحمد لله كلش زينة
رباب:الله يديم صحتها يارب
روح:الله يسلمج خالة
ماجدة:يمة شبيج وجهج مكلوب صاير شي وياج سامعة شي
روح:خالة فردوس احتركت و دوها محمد و سجى للمستشفى
ماجدة:اي يمة دريت محمد قبل شوية كلي
جانت
بالمطبخ تكلي دجاج و طافر زيت على ايدها شوية
منطيها
مرهم حروق و هسة بالطريق همة
روح:الحمد لله يارب والله خطية انقهرت عليها
وحدها تشتغل
ماجدة:الحمد لله عدت على خير يمة
كمت رحت للمطبخ كمت گليت الدجاج انتبهت
من الشباك
انفتح الباب دخلو للبيت
محمد وكف السيارة و فردوس فاتت هية و سجى
روح: فردوس الحمد لله على سلامتج حبيبتي ماتشوفين شر
ماباوعت بوجهي وفاتت بدون متحجي شي صعدت لغرفتها
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
