بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~روح~>
دخلت هدى كامشة وحده والبنيه منزله راسها بس تريد تفلت هدى منها
هدى:بكل عين صلفة جاية بكل عين
رونق:بس عوفيني مسودنة
هدى:لچ انا مسودنة حقيرة نسرة
رونق:لچ عوفيني
تدخلت انا وفستاني حتى افكهن منظرهن يضحك
رونق:لچ اجيت اعتذر منچ منو هاي المسودنة
هدى رجعت هجمت عليها
هدى:لچ شگد صلفة وعينچ قوية ماتنكسر جاية تستسمحين
على شنو هنة وحدة ثنين خياستچ كلها طلعت
رونق:يااا لچ انتِ منو
روح:اختي
رونق:روح اوي شنو هاي اختچ هيلگ
رجعت كفختها هدى
تعمدت مااسوي شي واخلي هدى تكفخ بيها كلساع هههه
روح:فدوة رونق روحي هسه من يكون الوقت مناسب
نسولف بهل موضوع ماريد مشاكل
راحت رونق لبيت خاله ماجده وانا طكيتها بضحكه وسرى هم اجت چانت تبدل
سرى:لچ شدراج بيها هاي رونق گبل هجمتي
هدى :هيه گالت اريد روح گتلها اهلا منو اگلها گلتلي رونق
انا سمعتها رونق سحبتها ولزمتها من شعفتها ام الگمل
شمي اظافري بيهن ريحة جيفه من شعرها الوصخة
روح:هههههههه لچ مو هيچ لا تبالغين
سرى:يمه متت دمعت
هدى:چا انتِ شبيچ مااجيتي ساعدتيني
روح:خليتچ براحتچ تاخذين حقي اتيكيتي مايسمحلي
بعدين هيه تصير بنت خالة زوجي فشله اتعارك وياها
من البدايه يگولون عليه چنه تس من البدايه لازم ياخذون عليه
انطباع حلو وبعدين اطلع خباثتي
سرى:تدسين السم بالعسل
روح:بالضبط اول مااخرب محمد عليهم
هدى: بضبط شتتي النسل اقاربهم مو خوش
روح:اقطع صلة الرحم ههههههههه
اتصلت على سجى
روح:لچ سجيوا وينچ فاتتچ الاكشن
سجى:شصار شصار سمعت رونق مكتوله منو كاتلها
روح:منو گلچ عليچ الله
سجى:الجهال انا بغرفتي جاي امسح المكياج
روح:لچ هدى ورونق صارت بينهن من الشعر والله اختي
بطله طلعت حيف سنين القهر ههههه
أنت تقرأ
روح ألرسام
Storie d'amoreيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
