بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
<~روح~>
طلعوا الكل على صوت صريخها طاحت عبايتها وچانت صدمة للكل
من شفناها صاحب الرداء الاسود انكشف عنه الرداء وطلع فردوس تصرخ
فردوس:يمه ولج جنييي يبووووويييي
طلعو الكل
و شفنا يركض وراها واحد همين لابس اسود وقناع زومبي
كلنا تفاجئنا من وجود فردوس ببيتنا ومنو هذا الجاي يخوفها
عمو اركان راح يمهن ووگف يم فردوس وگفن من المطاردة
نزعت العبايه سرى وتضحك على فردوس
سرى:ها ام السحورة
فردوس:احترمي نفسچ
اركان:بنات عيب
دخل جوا اخذ تلفونه واتصل على أبو فردوس حتى يجي للبيت
فردوس:عمو مروتك لاتگول لأهلي
اركان:اتصلت بوالدچ وهوا بالطريق
يباوعلها بخزر
فردوس :عمو غلطت ومنك السماح
اركان:بعد كل الي سويتي وجايه تطلبين سماح؟
فردوس:عمو مروتك
اركان:هسه يجي والدچ مااريدچ تحچين هسه گدام ابوچ يصير الحچي
اجت سرى لابسه ملابس البيت گعدت يم عمو اركان
سرى:عمو انا راح اشرحلك الصار
اركان:تفضلي
سرى:عمو روح اجتني فد مرة وگالتلي اكو خيال اسود بالحديقة توقعت روح تتهيء وتتخيل
روح:اي عمو يشهد الله المنظر مرعب وگلت لسجاد وسجاد ماصدگني
سجاد:والله نزلت مالكيت شي
سرى:اي عمو انا گلت مامعقولة الى أن بيوم من الايام
فاتحة شباك غرفتي لگيت هالخيال انتبهت اكثر جاي يدفن شي
ياربي مستحيل بقيت اباوع لحد مارجعت طلعت من الباب
وكأن شيء لم يكن بعد يومين كذلك اجت من اجت هالمرة
انتبهت أنو هذا شخص عادي وانتبهتلها أنها مره وجسمها
مثل فردوس اجت ببالي هالفكره وماگدرت اگول لأحد
انا اسفه على تصرفي بس عمو ماتحملت من شفت
اختي وصديقتي تشك بنفسها أنها مجنونه او تتهيء وشخص ثاني يسوي سحر ويدفن بالبيت
اركان:بارك الله بيچ بابا ماقصرتي والنعم منچ ومن صداقتچ
سرى:الله يحفظك عمو
تفاجئت بخطة سرى وتفكيرها بيه وحبها الي دمعت عيوني
وبداخلي اگول ونعم ماختارت ريحانه حتى بأختيارها للصديقات
عرفت تختار وخلتني حتى انا اختارها صديقه والنعم منها الله يرحمچ ريحانه.
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
