انتي ربيع العمر في كل الفصول!

part 17

... . . ..

وصل يوسف عند باب بيت حمدان ووقف السياره وفتحت فَي الباب وطلعت من السياره وقالت:  ماني متاخره.

اومئ يوسف وهو صاد عنها..

وتوجهت فَي لباب البيت وطلعت المفتاح من شنطتها
ومدت يدها وفتحت الباب ودخلت للبيت وتوقفت رجولها وهي تشوف الفوضى الي في الصالة عقدت حواجبها وناظرت باب غرفة حمدان ولكن ما ابدت للموضوع بال وتوجهت لغرفتها وفتحت الباب ودخلت وتوجهت بسرعه للدولاب فتحته وطلعت كل ملابسها وسحبت الفلوس وفتحت شنطتها ودخلتها  وهي تتلفت قبل يدخل حمدان..

توجهت تاخذ لها شنطة ملابس وتاخذ لها الملابس المهمه الي تحتاجها والي تشوف انها  بتكون مناسبه. 

وتوجهت تاخذ لها مكياجها وباقي أكسسواراتها سحبت شنطتها وطلعت للصالة وهي مستغربة من الي صاير في الصاله  ناظرت باب غرفة حمدان وتقدمت بفضول للباب ورفعت يدها للباب وفتحت الباب وطلّت براسها واتسعت عيونها بصدمه وهي تشوفها فوضى عارمه والزجاج متناثر في كل مكان والمرايه مكسوره والعطور منثوره فتحت الباب كاملاً وهمست: هذا وش!!.

دخلت للداخل بصدمه وهي تناظر كل مكان!
بلعت ريقها بخوف وقالت:  لا يكون احد دخل يسرق!
لا لا وين يسرق اكيد جته الحاله وفصل!.. يا ربي وش ذا كله!!.

مسكت راسها وهي مصدومه من تغير المكان مالهم الا ساعات من طلعوا من البيت وش الي قلبه كذا!.

تنهدت وطلعت للصالة وناظرت غرفة اجدادها وراحت لها دخلت وتوجهت للدولاب طلعت لهم كم غرض وخذت علاجاتهم ودخلتها في شنطه وطلعت من الغرفه وناظرت غرفة حمدان بقلق..

وتوجهت لباب البيت وطلعت وقفلت البيت وتوجهت للسياره وهي تجر خلفها شنطة ملابسها وشنطة ملابس جدانها...

انتبه عليها يوسف ونزل وهو يقول:  ادخلي انا باخذهم..

تركت فَي الشنط وتوجهت للسياره ودخلت ويوسف اخذ الشنط ودخلهم السيارة وتوجه لمكانه وحرك السيارة وهو ساكت اما فَي فكانت تفكر بصمت وش الي وصل البيت لهذا الحال!.

اكملوا طريقهم راجعين لبيت جواد..

"في بيت جواد" 
طلعت الجده من غرفتها للصالة وهي ما تدري وين تروح فنادت بهدوء. 
الجده:  ملاك وانا امك، يا ملاك! يا فَي..

نزل جواد من الدرج وبجنبه ملاك وابتسم لها وقال:  سمّي يا عمه..

توجهت لها ملاك ومسكت يدها: آمري وش تبين؟

الجده ناظرت جواد وقالت:  سم الله عدوك "وناظرت ملاك"  ما ياآمر عليك ظالم، بس بغيت وانا امك توديني لغرفة فَي ودي اقعد معها شوي تلقين البنت الحين متضايقه ولا متوتره من التغيير..
ملاك:  ابشري.

جواد:  بتوديك ملاك ولا تتضايقين ولا تتضايق هي التغيير ان شاء الله فيه فايده لا تقلق.