انتي ربيع العمر في كل الفصول!

part 24

.....

وصلوا لغرفة مهره وكانت على السرير وتصيح بكل صوتها ركضت لها العنود وقالت:  فاهد ساعدني نلبسها بسرعه خذها للمستشفى..

مهره ناظرتها وصرخت عليها:  اطلعييي براا من عندييي
اطلعييي
العنود بخوف عليها:  اهدي لا تولدين هنا اهدي بسرعه يا فاهد خل نسعفها..

نوره كانت واقفه هي وخواتها ويبكون وفاهد راح يا خذ عباتها ومهره تصرخ بكل صوتها
ودخلت فهده وغرور ومشاعل والجميع اجتمع عندها وهم يهدونها وهي رافضه تطلع من البيت:  طلعووو ذي الحيه من عندي انا ماني طالعه من البيت ابولد هنا طلعوووهااا من عندي..

فاهد بعصبيه:  اسكتي وخليهم يلبسونك.

مهره بصراخ:  ايييي ما ترضاها على حبيبة القلب اطلعييي براا من عندييي اطلعييي براا من عندييي اطلعييي براا..

العنود وقفت:  طيب طيب اهدي انا بطلع...

صدت العنود وشافت بنات مهره واقفات ويبكون توجهت لهم وقالت:  تعالوا معي امكم بخير وما بيصير شي تعالو حبيباتي..

نوره وهي تبكي:  امي بتموت.

العنود مسحت على شعرها:  لا ان شاء الله تعالي معي خلونا نطلع..

خذتهم العنود وهم يبكون بخوف على امهم وطلعتهم من الغرفه وهي تدعي لمهره ان الله يقومها بالسلامه وهي تتذكر ألم الولاده الي جاها بجواد الصغير..

فاهد كان منخبص مع صراخ مهره وقال:  خلينا ناخذك للمستشفى.

مهره كانت تضغط على بطنها وتصرخ بألم وتبكي:  لا لااا قلت لكم ابولد في البيت كل بناتي والدتهم في البيت ماني طالعه..

فهده جلست عندها:  اجل احنا بنولدك.

مهره بصراخ:  ااااه بموووووت يببببه..

فاهد بخوف جلس عندها ومسح على راسها:  اهدي اهدي واسمعي شوري خلنا ناخذك للمستشفى لا يصيبك شي.

مهره هزت راسها بالرفض وهي تأن بوجع وتبكي..

فهده:  خلاص خلها تولد هنا ما بيصيبها شي كلنا ولدنا عيالنا في البيت..

مهره سحبت الفراش وهي تعضه وتصرخ بألم
وبدت غرور وفهده ومشاعل يولدونها..

وفاهد طلع من الغرفه وهو يدعي الله يقومها بالسلامه ويحفضها..

ووقف على باب الغرفه وهو يسمح صراخها مالي البيت وطلعت مشاعل تركض وماهي الا ثواني وجابت موبه ومناشف ودخلت وقفلت الباب وفاهد يمشي في الممر وهو يدعي وخايف عليها ويدعي الله يحفظها هي والي في بطنها ويخليها لبناتها..

كانت تصرخ وتبكي وهو يفرك يديه بتوتر في بعض ويحس قلبه بيتوقف من الخوف والقلق..

اما عند العنود خذت كل بنات مهره ودخلتهم لغرفتها وهم يبكون بخوف على امهم
جلستهم وقالت بحنيه:  خلاص حبيباتي لا تخافون ان شاء الله امكم تطيب وما يصيبها شي لا تخافون بل لا تقدون كذا تبكون ادعوا لها ادعوا ان الله يحفظها ويقومها بالسلامة!..