2ရက်ခန့်ကြာသော်....
Wonwooထုတ်ထားသမျှ ပိုက်ဆံတွေကို အိတ်နဲ့ ထည့်လာကာ Kim Minseoနဲ့ ချိန်းထားတဲ့cafe ထွက်လာခဲ့တယ်။ cafeရောက်တော့ ကြိုရောက်နှင့်နေတဲ့ Kim Minseoထိုင်နေတဲ့ ၀ိုင်းကို သွားလိုက်တယ်။
"ဦးလေး ဒီမှာ ပိုက်ဆံ ဒီမှာ စာချုပ် လက်မှတ်ထိုးပေးပါ"
"ကောင်းပါပြီ ကူညီလို့ ကျေးဇူးပါ Wonwoo"
Kim Minseoနဲ့ ငွေချည်းသဘောတူစာချုပ်ကို ချုပ်ပြီး ပိုက်ဆံပေးကာ ထွက်မည်အပြု Minseoက တားလေတယ်။
"Wonwoo ဦးလေး အခု Kevinနဲ့ စာရင်းရှင်းမှာမလို့ အသိသက်သေ အနေနဲ့ လိုက်ခဲ့ပေးပါလား"
"တစ်ခြားသူ ခေါ်လို့မရဘူးလား"
"အခု အခြေအနေမှာ ယုံကြည်ရမယ့်သူက Wonwooပဲ ရှိလို့ပါ တောင်းဆိုပါတယ်"
တောင်းတောင်းဆိုဆို ပြောလာတာကြောင့် Wonwooလည်း လက်မခံချင်ပဲ ခံလိုက်ရတယ်။
မိဘတွေ မသိအောင် လုပ်နေရတာကြောင့် ဒီကိစ္စ မြန်မြန်သာ ပြီးစေချင်တော့တယ်။
Wonwooကားနဲ့ပဲ တူတူ Kevinချိန်းတဲ့ Kevinရဲ့ ရုံးခန်းကို လာလိုက်ကြတယ်။ ချိန်းတဲ့ဆီရောက်တော့ ညနေ၆နာရီပင် ကျော်လို့နေလေပြီ။ အဆောက်အဦး ၀င်ပေါက်မှာတည်းက အစောင့်အကြပ်တွေ များပြားစွာ ရှိလေတယ်။
ရုံးခန်းထဲရောက်တော့....
"အို...အကြွေးလာဆပ်တာလား ထိုင်ဗျာ ထိုင်
ကလေးလေးလည်း ပါလာတာပဲ ကို့ကို လွမ်းလို့လား ဟားးးဟားးးး"
ရိသဲ့သဲ့တွေ ပြောနေတဲ့ Kevinကို Wonwooဂရုမစိုက်ပဲ နေလိုက်ကာ sofaမှာ ၀င်ထိုင်လိုက်ပြီး ပါလာတဲ့ ငွေထုပ်ကို စားပွဲပေါ် တင်ထားလိုက်တယ်။
"ခင်ဗျားနဲ့ ဦးလေးရဲ့ စာချုပ်ကို ထုတ်ပေးပါ"
"အိုခေ ဒီမှာပါ"
Kevinက စားပွဲပေါ်က ဖိုင်တွဲကို Wonwooလက်ထဲ ထည့်ပေးလေတယ်။ Wonwooလည်း စာချုပ်ကို အသေအချာဖတ်ပြီးမှ Kim Minseoကို ပြလိုက်ကာ Kevinကို ပြောလိုက်တယ်။
"စာချုပ်အရဆို ၅၀၀၀အတိ ဆပ်ရမှာနော် ဒီအိတ်၂လုံးထဲမှာ ၅၀၀၀အတိပဲ Bankက ထုတ်လာတာမလို့ စိုးရိမ်စရာမရှိဘူး"
