كاتبة مُبتدئـة أتمنى تنال اعجابكم روايتي الأولى ماكنك الا شي ثمين اخشى ضياعه ، " بعرفكم بالشخصيات الأساسيه "
القصة خيـالية ولا تمد للواقع بأي صِلة "
"
العائلة الأولى عائلة "نادر بن محمد"
الأب "نَـادِر "متوفي"
الأم "هناي" العمر "٥٠"
الأبن البكر "نَـايّف " العمر "٢٣"
العائلة الثانيه عائلة " عُــمَـر آل عمر "
الأب "عُمـر "٤٨"
الأم "نادين" "٤٤"
البنت "الجَوهرة " ٢٠
الابن "ماجد " ٢٦
العائلة الثالثة " مَــازن آل نـهـيّان "
الأب "مَـازن " ٥٥
الأم "سامية " ٥٠
البنت "نّـوّار" ٢٢
الأبن "هَـايّف " ٢٤
البنت "نُـوره "١٨"
باقي الشخصيات نتعرف عليهم بالبارتات الجاية بأذن الله
"
في قرية بعيدة يسكنها القليل من السُكّان
نايف عند الابل التفت على هايف ونطق : ارحب ياولد العَم ، شالعلوم
نطق هايف متعجب : نايف انت خطبت ؟
نايف ابتسم وهو يثبّت نفسه : ايه
هايف : وماضيك ؟
نايف : قلتها بنفسك ماضي
هايف : وانت بتقعد توهمها أنك ماكنت تكلم قبلها ؟
نايف : هايف ! ذا ماضي وخلصنا منه
هايف : على فكرة توك تبلكهم يوم خطبو لك الجوهرة وهي ماتبيك اصلاً
نايف تنهد وصدّ : لاتتدخل ياخي
"
الجَوهرة : ياجده كلميني عن نايف
سَدن : ولد ناس رجّالً متربي عشرين مره ولابتندمين انس خذيتيه يابنت
الجوهَرة هزت راسها بعدم أرتياح وقامت : انا باخذ لي غفوه
سَدن : عوافي يابنيتي
مشت نوره ورا الجوهرة : لاتتدلعين عاد
الجَوهرة : انتي مو شايفه كيف بدوي ؟ تكفين نورة
نورة : استخرتي ؟
الجَوهرة : ايوا
نورة : ارتحتي ؟
الجَوهرة : شويا بس
نورة تنهدت : استخيري مره ومرتين وثلاث
الجَوهرة سمعت صوت الباب ينفتح ودخل نايف : السلام عليكم
هناي ابتسمت : هلا بولدي هلا
تقدم يبوس راسها وناظرته : كانك جويع ترا به أكل بالمطبخ
تقدم هايف : لي وله ولا له بس ؟
ابتسمت هَناي متعجبه : رح معه بس
مازن بعصبية : هايف الحقني
هايف : يبه باكل
مازن : هايف
مشى هايف ورا مازن ودخلو الغرفه ونطق مازن : وش سمعت عنك ؟
هايف : عساه خير يبه
مازن : مامن خيير طيحت وجهي وكسرت ظهري
هايف : أعَقُب يايبه
مازن : تدخن ؟ تشرب ؟ جاوبني بصراحه
هايف بلع ريقه وهز راسة ينفي الكلام
مازن : هايف تحاكى كفايه كذب !
عض شفايفه متردد : ايه ، ابتليت يايبه
مازن : انا مربيك على كذا ياهايف شمقصر فيه انا
هايف تنهد : يبه اوعدك اوقفها سامحني بس
مازن : هي الثقه مره وحده ياهايف وأن راحت ، ماترجع
هايف : بس يبه
مازن مقاطع كلامه : مابي اسمع شي خلاص تب لربك ياهايف مابينفعك لا خوي وولا غيره
طلع مازن مقفّي وتنهد هايف بضيقه دخل نايف وهو يمسح يده : عسى ماشر
هايف : قفطني
نايف وسع عيونه : احللللف
هايف : ايه
نايف : هايف تتوقع يعلمون الجوهرة ؟
هايف : ابوي يحسبني لحالي مايدري انك معي !
نايف تنهد وهو يمسح على شواربه ناظر هايف وطلع بسرعة من البيت
"
بعد أسابيع "
تم الزواج وتم كل شي
الجوهرة تبكي : خاييفه نورره
نورة : بنت ! ليلة عمرك ذي على فكررة استانسي
الجوهرة تهف على نفسها : متوتره
نورة : الميكب بيخرب
دخلت نادين : جوجو علامك !
الجَوهرة : متوترررره
نادين : هدي ماعليك كل شي بيتم وبيمر ان شاء الله
هزت راسها وقامت عشان تنزل
"
الكل التفت لطلّتها الجميلة المُختلفه رغم توترها وخوفها بس كانت تتظاهر بالسعادة كانت مبتسمه وغمّازتها بارّزه
ركبت السياره وصدت على الدريشه كانت السياره هدوء مافي اي صوت غير صوت السياره
دخلو الفندق وجت تشيل الفستان لكن ماقدرت تنهدت بقل حيله ودخلت الغرفه : نايف ساعدني
فز خايف ونطق : شفيس
صدت : نايف الفستان ماقدرت اشيله
نايف : اشوى احسب صاير لس شي
لفّت عشان يفتح لها السّحاب ونطقت : شوي شوي
لامست يده شعرها وابتسم بخفوت يوخّر شعرها
مسكت الفستان لجل مايطيح والتفتت : شكراً مره
راحت تبدل لبست بجامتها ورفعت شعرها وبدأت تمسح الميكب وتسوي سكنكير قامت دخلت الغرفه شافته نايم خذت جوالها وطلعت الصاله عشان ماتزعجه بالجوال ،
"
قام ماشافها جنبه قام بسرعه يدورها مايدري ليش كان خايف لهدرجه شافها بالصاله نايمه ونطق : جَوهرة
- وشو
نايف : شفيس نايمه هنيّا ؟ ورا ماتقومين غرفتس
الجَوهرة فزّت وتلعثمت بالكلام : ماحسيت بنفسي
تنهد نايف : رايح اجيب اكل ودس بشي ؟
الجَوهرة هزت راسها بالنفي وطلع نايف
"
قام ياكل وناظرها : مابتجين ؟
- لا
نايف : وليه
الجَوهرة : ماودي شبعانه
نايف شاف توترها ورجفتها ونطق : لمتى بتقعدين كذا ؟ وخايفه مني ليه تعالي اكلي
الجَوهرة ناظرته وقامت تجلس عشان تاكل حطت شعرها ورا اذنها : نايف
نايف يفتح الموية : لبيه
الجَوهرة : لاتطلع وتخليني هنا لحالي
نايف : وش جاب الطاري ؟
الجَوهرة رفعت كتوفها : بَس
نايف :جَوهرة اكلي
"
نوره تكلم الجوَهرة : ارتحتي ؟
الجَوهرة : مدري دوبنا شفيك هههههه
نورة : جوجو شفيك ترجفين
الجَوهرة : خايففففه
نورة : خايفه من أيش تستهبلي ؟
الجَوهرة : لاتسأليني
نورة : بقفل جوجو امي تبيني
الجَوهرة : لا نورة
نورة : يلا عاد
تنهدت الجَوهرة وقامت الصاله شافته يشوف المباراه جلست على الكنبه : نايف
نايف التفت : وشفيس
الجَوهرة : ابي نروح عند امي
نايف : تونا ثاني يوم لاتستهبلين
الجَوهرة : بس ناييف
نايف : قومي جهزي اغراضس عشان نسافر بكره
قامت الغرفه قفلت الباب وقعدت تبكي ماكانت تدري وش سبب خوفها وتوترها كان السبب مجهول ..
