اقترب يعطي الناقه اكلها ورجع ورا يجلس بتعب قام بعد ثواني يكمّل وشاف اتصال من سارة رجع يدق ونطق:لبّيه
سارة:اسمع عايض سويت اكل احسبك ؟
عايض:لالا مطول انا
سارة:طيب وينك
عايض:عند الحلال
سارة:طيب انتبه على نفسك
عايض:ودعتك الله فمان الله
سارة قفّلت ومشت للمطبخ تكمل طبختها
-
عايض جلس جنبها ونطقت سارة وبيدّها الجوال:شصار على البيت ؟
هز راسه:ماشيه الامور
سارة التفتت عليه:متى بنروح ؟
عايض:لاصار بيننا ثالث
سارة ناظرته بتعجب:شقصدك ؟ انطم
عايض:وشو ؟ قصدي ثالثنا ورع
سارة:ماني جايبه ورعان
عايض ضحك:بنشوف
سارة ناظرته:انطم
عايض ضحك:طيب طيب
-
دخل عليها تحط روج احمر مثل لون فستانها الي يوصل فوق ركبتها بشوي وكعبها وشعرها المنثور على ظهرها وسلسالها الالماس الي حول عنقها ومناكيرها الحمرا:خلصتي ؟
سارة:شوي بس تعال ركب لي الحلق
مدت الحلق له واقترب منها يركّبه لها:تحصّني
سارة هزت راسها وابتسمت:شرايك ؟
عايض يمسح على شواربه:علي الحراام انس موت حَمر
ابتسمت ومشت تاخذ شنطتها:مشيناا
عايض مسك طرف الطرحه ورفعها على وجهها:به رجال
-
دخلت ولفتت الانظار بجمالها واختلافها بينهم جلست جنب العنود ونطقت بُثينة بهمس:اقربي
قرّبت ونطقت:فستانك كنّه قصير ؟
سارة تنهدت وقامت من عندها اقتربت نوّار منها:واو احمر لايق علييك الا اسمعي كيفه عايض كيف صار
سارة احترّت ونطقت:بخير الحمدلله
نوّار تلمس السلسال:من مين ؟ يجنن الماس هذا ؟
هزت سارة راسها وابتسمت:عايض جابه لي بداية زواجنا ، اي الماس
تلاشت ابتسامتها من عرفت انه من عايض:اها الله يديمكم
سارة:امين
مشت من عندها وطلعت سارة تتنفس
مشعل:ساحب علينا عشان حرمتك يعني حياة زوجيه وكذا
عايض:حرمتي تسواك وتسوى جدّك السابع
مشعل ناظره:عندها خوات ؟
عايض هز راسه بالنفّي:ماودك تطس صجيت راسي
مشعل:يخوي اسولف معك ماتستاهل
عايض:قم دوّر هايف قم لايكون ذابح له واحد ولا شي
مشعل ضحك:ما استغربها
عايض شاف عبدالرحمٰن يتقدم له وقام سلّم على راسه:ارحب ياجدّ
عبدالرحمن:الله يبقيك ياولدي اقعد اقعد
مشعل تنهد يجلس جنب جدّه
وجلس عايض قبال الجدّ يسولف
-
اقتربت منها وحده من العجّز ونطقت:من انتي بنتً له ؟
ابتسمت:بنت غدير
لمست ذراعينها العجوز:يازينك انتي معرسه ؟
رفعت يدها توريها الخاتم:ايه ياجدّه ايه
العجوز:منهو زوجتس ؟
سارة شبكت يدينها ببعض:عايض ولد سعود
العجوز:مالقيتي الاهو ؟ الله يوفقكم الله يوفقكم
سارة توترت ونطقت:ليش ياجدّه ؟ تعرفين عنه شي ماعرفه ؟
العجوز:لاوالله يابنيتي بس يعرفونه انه راعي مشاكل وياكثر مصايبه ، لكن لقى نصيبه الله يوفقكم
ابتسمت سارة ومشت للعنود:وع شهالعرس كنهم اول مره يشوفوني
العنود:ترا محد يعرفك هنا
سارة تنهدت:بكلم عايض ملّيت
العنود:اساسا كلنا بنروح شوي
