ركب عايض السياره وحط راسه على الدركسون
سارة:وشفيك ؟ صار شي ؟
عايض:لا
سارة:وش قالو طيب
عايض:ماصار شي دخلوه العناية ويقولون وضعه سليم ومدري وشو كيف سليم ومدخلينه العنايه ابوي فيه علم مايبيه يوصلنا لكن بعرفه ان شاء الله
سارة:نوف وينها
عايض:داخل ، ماقدرت اتحمل ريحة المستشفى والضيم الي فيه
سارة:طيب وين بنروح الحين
عايض:مدري مدري ما ابغا أفكر خلاص راسي بينفجر
سارة تنهدت وهي تشبك يدينها ببعض
بعد دقايق ماسمعت له اي صوت التفتت وشافته نايم بنفس الوضعيه رفعت راسه وعدّلت نومته
-
مشعل:والله لا اندمه عطني الموقع بس
- يرجال دقايق يكون عندك
مشعل:انتظرك
بعد ثواني قام مشعل وبيده عصا خشبيه مشى وجا يطلع لكن الباب كان مقفل ب احكام ، عضّ شفته ومشى لغرفة جدته على اطراف اصابعه يحاول يدور المفتاح اخيرا لقاه فوق التسريحه خذاه وطلع برا : وشو ورعان حنّا يقفلون علينا البيبان ماصارت والله
فتح الباب وطلع اخذ سيارته شغلها ومشى ب اقصى سرعه كان مسرع سرعه جنونيه للموقع الي انرسل له من خويّه
وصل الموقع وناظر البيت الكبير والسيارت الفخمه الي حوله تلثّم وضحك بخبث:بسيطه
اخذ العصا الي بالسياره الخشبيه وتقدم يكسر الكميرات خلّص وقعد يتنفس بسرعه خايف احد يطلع ويشوفه تكّى على السياره يرتاح شوي لكنه استوعب انه قاعد يسوي جريمه ولازم يخلص ب اسرع وقت قبل اي احد يطلع ويشوفه !
كمّل على اول سيارة شافها قدامه كسّرها تكسير خلّص وركب سيارته ودز من عند البيت دقّ على خويه:خلاص كسرت السيارة والكميرات
:يارجال كفو كففففو
مشعل ضحك: افا علييك بعدين انت شبتسوي
: ناويه ناويه والله يامشعل ما اخليه
مشعل:لا رحت له كلمني بجيك ونروح سوا
: ان شاء الله بكره الحين انت ارجع البيت ارقد شف الساعه كم
مشعل:ايه برجع الحين اساسا منحاش جدتي كانت مقفله الباب وانا زارف المفتاح
: وشو ورع متوسط انت يحبسونك للحين
مشعل:ياخي جايب لهم مصايب متوقع بيخلوني على هواي
: المهم ارجع انت الحين ولا قمت دق علي وقابلني برا باخذك
مشعل:ان شاء الله
قفّل ورفع صوت المسجل ولا همه ولا يشوف الي سواه شي ماكان خايف ولا هزّ فيه شعره الي سوّاه كان واثق ان محد بيعرفه او يشوفه حتّى ولا فكّر بالعواقب والي بيجيه
-
دخل الغرفه ونزل الشماغ وتلحف ورجع يفتح جواله يشوف محادثه مع حب الطفوله الي قرر يبتعد عنها عشان الحرام لكنّه ماقوى وارسل
" حبيبتي صاحيه ؟ "
ردت بعد دقيقتين " ايه ليش "
" تدقين ؟ "
" عندي اهلي "
عقّد حجاجه وحس بنار تغلي بصدره : قومي من عندهم ودقي
" مشعل خلاص عاد "
" قومي ودقي علي اخلصي مانيب رايق ترا "
" مسوي شي ؟ متضايق ؟ ليش ملزّم ادق هالوقت"
" روحي غرفتك ودقّي "
" خلاص الحين اكلمك "
