دخلت بُثينة : قد كلمت غزيّل ؟
يلعب بالسبحه : مابيها يمه مابييييها
بُثينة بعصبيه : تبيها غصباً عنك
طلعت وقفلت الباب وفتح عايض جواله دخل حساب نوّار وكتب لها
نوّار صاحيه ؟
نوّار : لا مابي اشوفك ترسلي على هالحساب مره ثانيه
عايض : والله اني قلقان عليك مره ولا عرفت انام مرتاح محتاسه دنياي مره
نوّار:مالها داعي كل هالشوشره بعد كم يوم زواجك من حبيبتك ولا ؟ الله يوفقكم
عايض : سمعت انك تعبانه شصاير
نوّار : ماني تعبانه وحتى لو تعبانه مايخصك
عايض : جعل التعب لامن بغاك مايدلك جعله بضلوعي ياعين ابوي
نوّار : عايض انت مارح تفهم ابداً خلاص انا وانت مالنا نصيب ! روح الله يوفقك
عايض : باخذك وعيونهم تشوف
نوّار : حتى لو جيت لم بيتنا ماني موافقه ، انت كنت تقول اني الأولى دايم والحين ؟
عايض : انتي الاولى بقلبي والله يانوّار
نوّار : عايض تدري ان ذا يعتبر خيانه ؟ ترضى احد يكلم زوجتك بدلك ؟ خلاص عاييض
____________________
مشى للمزرعه وطق الباب فتحت نوّار و بهمس : شتتتبي شتبي
عايض : قصّري صوتس ، امسكي ذا الكيس امي قالت رح ودّه لساميه ام هايف
هزت راسها : ماتجي مره ثانيه سامع ؟
عايض قرب بهمس : اقسم بمن احل القسم ورفع السماء وابسط الارض لو ماتركتي العناد ذا وحركاتك الي مال امها داعي وسخافتك لااكفر فيك والله
نوّار : بدال ماتحن وتحتويني شف كلامك وتبيني اتزوجك كمان ياخوّان
عايض : من المفروض يحتوي الثاني هاه ؟ شايفتني اهدد ؟
نوّار تقلده: والله لا اكفر فيك ذا شتسميه
عايض : حُب وعشق وهييياام وتمللللك ، هذي لغة حب عايض يانوّار
نوّار : ماتعبت من عتابك ؟ ماتعبت وانت تعاتبني بكل مره وارفضك
عايض : انا مندفع لك وخايف من هالاندفاع والله اخ يانوّار اتعب من رغبتي بك ولا من انك تحسّبين بقلبي غيرك ؟
نوّار : وافقت عليك غزيّل ؟
عايض يكذب عليها: ماوصلني شي للحين
نوّار : اجل كل واحد يشوف طريقه انا بتزوج وانت الله يستر عليك
عايض : انتي حرم عايض ولو صرتي شي غيره بيكون دمك بيدي هذاني معلمك حرام حرم ددم يانوّار ان جاك واحد وقبلتي فيه انتي داريه وش بسوي وعارفه سواياي زين وماضيي وكل هالهرج ذا وبقططططع عييون الي يشوفك مثاليه غير عيوني لاتشكين برغباتي فيك يانوّار عشان ما اندّمك
نوّار سمعت خطوات وشهقت :عايض
عايض : اهجدي محد شايفنا بطلع انا وكلامي الي قلته ثبّتيه براسك فاهمه ؟
تقدّم جدّها : ارحب ياعايض
فزّت نوّار واقترب عايض يسلّم على راسه : البقى ياجدّ
الجدّ : شعلومك يابوك شالاخبار
عايض هز راسه : الحمدلله ياجدي وانت شخبارك
الجدّ : بخير يابوك دامك بخير
ابتسم عايض : انا استأذن ياجدّي كان ودك بشي تراني حولك
الجدّ : شبغيت يومنك جيت
عايض : الوالده قالت اوصّل اكل لعمتي ساميه وعطيت نوّار تعطيها
الجد هز راسه : زين زين ودعتك الله
عايض : فمان الله
