شافها تاكل بالمطبخ وساكته تقدّم ونطق:ماسويتي لي ؟
نورة قامت:سو لنفسك
محمد:يانورة شدعوه
نورة مشت للغرفه وتنهد محمد:شالحاله
دخل عندها بعد ثواني:تجهزي وبنروح البر شرايك
نورة هزت راسها:بس عشان الجو حلو ومطر ولا غيره لا
محمد يلف الشماغ على راسه:الحقيني السيارة
-
ركبت السيارة:وقّف عند اي كوفي بالعالم مشتهييييه ققهوه جد
محمد هز راسه:أبشري
نورة تدور الروج:اووف وين حطيته
محمد التفت يناظرها تحط روجها الأحمر عقّد حجاجه:غييري لونه
نورة:محممد محد بيشوفني غيرك بعدين توني شاريته جديد خلني اجربه
محمد:تستهبلين انتي ! "اخذ المنديل يمرره حول شفايفها" عندك مليون لون غيره
نورة ناظرته:منجدك ؟
محمد رفع صوته:اييه من جدّي
نورة:يعني الشغله عناد ؟
محمد:غيره ماهوب عناد
نورة سكتت وصدّت بصدمه من ردّه
نزلو وجلست نورة تسوي القهوة وتناظر محمد الي يناظر جواله:سولف احسن من القعدة على الجوال
محمد حط الجوال بجيبه ويدندن ونورة تحط القهوة صبّت له وعطته:امسك
محمد خذاه من ايدها ونطقت نورة:ترا ماعرف اسوي قهوه كثير بس شوف تعجبك ولالا
محمد جرّبها وابتسم:احلى من قهوة جدتي حتى
ضحكت نورة :اخيراً عجبك شي سويته
-
قبل الغروب بساعة
قام محمد:مشينا
ركب السياره يحاول يشغلها وشهق من شاف البنزين:نووررة
نورة تشيل الاغراض:ووشببك
محمد:تعالي الححقي
نورة تركت كل شي بيدها ومشت تجاهه:ايش
محمد:البنزين مخلص
نورة:تمززح
محمد:والله "حط يده على راسه" جوالي مقفل شوفي جوالك بسرعه تكفين
نورة:مافيه اششارة نت
محمد تنهد:خلاص روحي اجلسي انا بحاول اتصرف
نورة جلست وهي تناظره يدور اشارة نت لكن مافيه نتيجه بدأت تغرب الشمس ويظلم الظلام
محمد يصلّي المغرب وتكتفت نورة من البرد حست بطمأنينه وهي تسمعه يقرأ آيات القرآن بين الهدوء والظلام
-
سارة تنهدت بتعب:بنام معاه
عادل:تستهبلين ؟ بوديك بيتنا تنامين فيه عشان مشوار ترجعين للدمام
تنهدت سارة تهز راسها ومشت مع عادل ونوف
دخلت البيت ومسكت يدها نوف:تعالي نامي بغرفتي انا بنام بالصاله
سارة:تستهبلين نوف ؟ لا انتي اولى بغرفتك
نوف:شدعوه سارونه والله مابيننا
سارة تنهدت ومشت معها جلست على السرير ونطقت نوف:صدقيني عايض بيكون افضل انتي ارتاحي ، اعرف عايض قوي وتحمّل اشياء اكثر من كذا سارة
سارة:الله يطلعه بالسلامه والله خاييفه ما ابي ارجع ل ابوي وامي والعناء الي اعيشه كل يوم
نوف:ماعليك بخليك ببيتنا لين يقوم عايض وتتحسن الاوضاع ، جبتي اغراضك ؟
سارة:ايه جبتها بقوم البس بجامتي تعبانه بشكل
نوف:شرايك اسوي شي ناكله من اليوم مو ماكلين
سارة:عاد تصدقين مالي نفس
نوف:لازم تاكلين امشي بس نسوي باستا ونسولف اغير نفسيتك عاد
سارة ابتسمت ومشت وراها دخلت بُثينة المطبخ:شقاعدين تسوون ؟
نوف:يمه قاعدين نسوي باستا
بُثينة:ايه زين انا بروح اخذ غفوه انتبهو لكم
سارة:ان شاء الله ياعمتي
مشت بُثينة ونطقت نوف:يووه فيه اشياء ناقصه بروح للبقاله
سارة:تستهبلين الحاره كلها مجانين
همست نوف:اقول امشي شدعوه محد حولنا
سارة بهمس:نووف نطلب من البقاله او نقول لعادل اخاف عليك منجدك !
تأففت نوف:طيب بكلم عادل
مشت تاخذ جوالها وتدق عليه ومن حسن حظها اّنه رد عليها
-
نورة بتعب:محممد ابي موييا
محمد:والله عجززت ادور يانوررة تكفين تحمللي
نورة تبكي:خاييفه المكان خلا ومافيه نت ولا اي وسيلة تواصل
محمد:اصبري
بعد صمت التفت محمد يناظر نورة عيونها هلكانه:نورة نوورة
نورة ماكانت ترد مسكها محمد:نوررة تقدرين تقدريين تحمملي
فكّها وقام يدور مويا بكل مكان بالسياره فتح درج السياره يدور لكنه مالقى ، صرخ يضرب الدرج وهو يتنفس بسرعه مشى لنورة الي طايحه شالها وحطها بالسياره وكمّل يدور بعد معاناه لقى مويا طايحه تحت وكانت قليله لكنه اخذها وفتحها واقترب يشرّبها:نوررة تككفين لاتخلين الهمّ همّمين
وعت بعد دقايق تمسك ذراعه بتعب:م.محمد
نزّل نظره لها وحط يده على قلبه يهدّي نفسه
مدّ لها المويا:اشربي
نورة شربت:لقيت نت ؟
محمد نفى براسه ونطقت نورة:خذ جوالي وروح دوّر الساعه ١٢ وللحين مالقينا احد محمد لو تأخرنا اكثر من كذا بموت والله بموت
محمد هز راسه:ابشري ابشري
اخذ جوالها وقام يركض بكل ناحية لين لقى نت دق على هايف بسرعه وقاله كل شي ونطق هايف:ارسل لي الموقع ارسله
محمد:مادرري يضبط معاي النت ولالا تكففى ياهايييف نورة بتمووت وانا حولهاا استعججل
هايف:ارسلي ارسلي الموقع
محمد فتح الواتس يرسل لهايف الموقع ، ركض لمكانهم وجلس على ركبه بتعب تقدّمت له نورة:كلمت مين ؟
محمد:هايف
مسكت كتوفه:شفيك ؟
محمد:مكتوم تعباان وعطشاان
نورة بغصّه:محمد تكفى لاتخليني لحالي هنا وظلام ومافيه احد
محمد:ماني مخليك اجلسي
جلست جنبه متمسكه بذراعه:متى بيجي هايف
محمد:مادري عنّه رجلي ماعد تشيلني والله دايييخ
نورة تبكي:محمد لاتخوفنني ! ليييش دايخ وش تحس فيه
محمد:راسي يددور يانورة
سمع صوت شهاقها كانت شادّه على ذراعه لدرجة انغرزت اظافرها بذراعه:لاتصيحين لاتصيحين هايف بيجي حتى لو صار لي شي هايف موجود زين ؟
نورة تهز راسها بالنفي وهي تبكي:محمد تكفى
ضمّها لصدره وحس بدموعها الحارة مسح على شعرها:اوعدك ماتصبح الا وانتي بالبيت
نورة:هايف طوّل
تنهد محمد:اركبي السيارة تبين ؟
هزت راسها بالنفي:بقعد معك
محمد:شوفي سيارة جايه يمكن هايف
قامت بسرعه تناظر:سيارة هاييف
فز محمد ورفع ثوبه بيدّه يركض عنده
هايف نزل من السيارة:ياويييلي عنك يامحممد علامها عيونك
محمد جلس بالسياره:موييه بسسرعه مويه
مدّ له هايف المويه:اشرب اشرب
ركضت نورة عندهم:جبت بنزين ؟
هز راسه هايف:اجلسي مع محمد
مشى هايف من عندها وتنهدت نورة بتعب
-
سارة تتجهز:يييوه بسرعه نوف
نوف لبست عبايتها:امشي
بُثينة:انتبهو لكم
سارة:اسمعي بنروح اول شي ناخذ كم غرض من السوق
نوف هزت راسها:عايض ارسلو لك المستشفى عنه شي ؟
سارة تنهدت:للحين يقولون نفس حالته ومانعين الزياره والله ياخاطري انه ضايق لكن اتصبّر
نوف:ياحبيبتي الله يطلعه لنا بالسلامه يارب
سارة:ان شاء الله
-
دخل محمد والضيقه بصدره مو راضيه تروح دخل الغرفه وانصدم من شاف قدامه نورة لابسه فستان قصير وحاطه ميكب وبيدّها كيكه وبالونات وبيدها الثانيه ورد وتردد:هاابي بييرثدااي
ابتسم لاشعوري واقتربت نورة تنزل الي بيدها وتلبّسه القُبعه حقت الميلاد كانت تصفق ومبسوطه ولكن محمد مصدددوم لأول مره تعبّره قرّب يضمها ويسمع صوت ضحكتها من ضمّها لصدره ، نورة:شرايك ؟
محمد:ماتوقققعت والله
نورة حطت شعرها ورا اذنها ومشت المطبخ تجيب سكين عشان تقطّع الكيكه جلس محمد على السرير يهوجس ويناظر حوله دخلت نورة بعد ثواني:امش الصاله افضل شرايك
محمد:تم
مشو الصاله ونطق محمد:انا بنفسي مادريت انه يوم ميلادي
نورة ابتسمت:خفت ترجع من اخوياك بدري وانا لسا ماخلصت ، طلبت كل الاشياء ذي وانا بموت توتر
محمد نزل الشماغ من كتوفه وابتسم لكن تلاشت ابتسامته من شاف السوارة الي على يدّها مكتوب عليها "S" بخط صغير لكنه لاحظه
التفتت نورة:اشبك فجأه قلب وجهك
محمد عقّد حجاجه واقترب يمسك ذراعها اطال النظر وفك السوارة من يدها بعنف وقطعها ورماها
نورة:عورتني ! ليش تقطططعها طييب
محمد:شكلك تحسبينه يوم ميلاد ابن الكلب ذاك ولا ؟ شالسواره الزق الي لابستها ذي ! وليت الحرف يستاهل
نورة تلعثمت لأنها نست انها لابستها:اي حرف !
محمد اخذ الشماغ:مابنام هنا خذي راحتك
طلع برا البيت وتنهدت نورة تجلس مكانها
مسكت جوالها تتصور ومبتسمه ونزلتها ستوري
بعد ثواني فتحت وشافت ان سيف شافها كانت ناسيه ماتنزلها خاص ارتبكت وشافته مكبشر ومرسل لها "شرايك اوري محمد"
نزلت دموعها وارسلت:سيف انت تحببني مستحيل تسويها !
سيف:من قالك تاخذينه ؟ انا ابيك تتطلقين عشان اخذك لي بس لي !
نورة:سيييف لاتسويييها تكفى سيف
ماكان يرد عليها وعرفت انه سوا الي بباله
-
دخل محمد وفتح الباب بقوته كلها مسك ذراعها ودفها على الارض:تسسستتهبلين ! نورة نووررة راسي بينننفففجر مرسسله صصصورك وانتي باللبس ذذذا ولميين ؟ ل ابببن الكككلب
نورة حطت يدها على وجهها وترجف:مو انا الي ارسلتها والله محممد
محمد مسك ذراعها وقومها بقوته كلها:من الي مرسلها اجل ؟ خليني اكفففر فييه منهووو مييين تكلمممي
نورة:انا نزلتها ستوري وهو شافها
محمد:ضايفته يعني ؟
نورة تناظره:والله ماعييدها محمد والله بالغلط اساسا نسيت ما اشييله
محمد دفها على الجدار واقترب:وبعدين يعني ؟ اناا قققاييلك ااااببنن ال*
حطت يدها على فمه:لاتقولها لاتتتتققووللها !
محمد ضحك بسخريه:شف تدافع عنه بعد يااانورررة صااحيييه انتي ولا مجنوونه ؟
نورة:انت المجنوون اااانت داخل علي وتهاوشش وتصصرخ شارب لك شششي شكلك
اقترب اكثر ومسك وجهها:تبين اطلقك صح ؟ تسوين كذا عشان اطلّق ، لكن بعييييده علييك والله ما اطلّق والله يانويّر وعيونك تشوف ابن الكلب ذذا ماطق لك خبر باعك وراح ارسل صورك لي ويسب فيك ويقذف لو بيدي اروح اوري ابوك واخوك الكلام والصور اخليهم يذبحونك اخليهم يدفنووونننك حيييه لكن ماودّي افضحك
نورة تبكي:وخر عني خلاص
محمد صرخ:هااات الجوووال هاتيييه
عطته الجوال وخذاه يرميه بالجدار
صرخت نورة تضرب صدره:لللللييش ! لللييشش لييش محمممد لييش
محمد:جزاك
نورة جلست بالارض تبكي وتأفف محمد:صدري ييغلي
نورة:اترررركني اتركني عشان ترتاح وانا ارتااح
محمد قوّمها بقوته كلها وحط يده على فمها:تقوّوووي لاتتتببكككيين ! قاومييني هاووشي خلك ققووييه زيي تقوّي شدّي لاتطييحيين
نورة انصدمت من كلامه:جسمي عورني خلاص ابعد لاتلمسني
