الجَوهرة تضبط شعرها دخل نايف : خلصتي ؟
الجَوهرة هزت راسها : اي
اقترب ياخذ شنطتها ومشت وراه : وين رايحين
نايف : افاجئك
الجَوهرة مشت للسياره وركبت وحرّكو
وقف نايف عند البقاله ونطق : تبين شي ؟
الجَوهرة هزت راسها بالنفي
نايف : ودس في شي ؟
الجَوهرة : لا
نزل نايف واشترى بكت دخان ومشروب طاقه وراح للسياره
ناظرت الدخان وتنهدت تصد : ترا اتعب منه
نايف : مابدخن عندس
مشو والطريق كان صمت وقطعه ومافيه احد وظلام مافي غير صوت شيلات نايف الي مشغلها
غفت الجوهَرة وهي سانده راسها على الدريشه وناظرها نايف وكمّل مشي
وصلو ونطق نايف : يالجَوهرة ماودس تقومين ؟
فتحت عيونها : وصلنا ؟
هز راسه ونزلت الجَوهرة : تعبانه
نايف : خلاص ادخلي الفندق وانا بنزل الاغراض
دخلو الجَناح وابتسمت الجَوهرة : جده ااخ
نايف : داري بك تحبينها وديتك
الجَوهرة تنهدت : انا بنام مره تعبانه انت مو تعبان ؟
نايف : بطلع شوي السياره وجايك
شافته يمشي وطلّع الدخان عرفت وش رايح يسوي تنهدت وتمددت على السرير متجاهله كل شي
ركب السياره وشغّل الزقاره وقعد يدخن وهو يهوجس ويفكر كان بينفجر راسه من زود التفكير مرت ساعتين واستوعب ومشى يدخل للفندق
"
الجَوهرة تمشي بالغرفه تدور جوالها : نايف ناييف
نايف ماردّ عليها تقدمت تشوفه : نايف
-
حطت يدها على جبينه وانصدمت من الحراره هزته بقوه : ناااايف !
-
خذت جواله تدق على الاسعاف بسرعه وجو لين عندهم خذو نايف ومشت معه الجَوهرة
دخلت الغرفه وتنهدت براحه : اشبك ؟
ميّل راسه بتعب : تعبان
الجَوهرة : من اييش لاتخوفني
نايف : تخافين علي ؟
الجَوهرة : خايفه على نفسي
نايف تلاشت ابتسامته واختفت غمازتينه
