دخلت هناي والجَوهرة تغسل الملابس: شتسوين ؟
الجَوهرة تنهدت وهي تمسح العرق الي بجبينها:اغسل الملابس
هناي هزت راسها ودخلت نوره : قومي انا اغسلهم ! تعب عليك عاد انتي حامل
قامت الجَوهرة بتعب ومشت وبنص مشيها طاحت على الارض مغمى عليها
تقدم مشعل وشافها ونطق بخفوت : اخو العيال يياعممممي
ركض عمر من شافها مغشيه على الارض وشالها وهو ينادي نوره : جيبي العبايييه !
نوره حاولت تغطّيها بالعبايه وتحط الطرحه على راسها مشو المستشفى
دخلت نادين معها للغرفه وابتسمت الدكتوره : اغماء طبيعي تعّبت نفسها بالشغل وهي حامل
نادين : يعني مافيها شي ؟
الدكتوره هزت راسها بالنفي:لا ويمديكم تاخذونها للبيت الحين
ابتسمت نادين وقامت الجَوهرة : كله من عمتي
نادين : تحملي
مشعل يضحك : مسويه سنعه بالاخير تقربعت لايدري نايف بس
التفتت الجَوهرة بأشمئزاز : مشعل مو وقتك
مشت كارهته وركبت السياره وهي تشوفه يعلّي صوت المسجل
حطت يدها على راسها مصدّعه : مشعل قصّر الصوت
مشعل قصّر الصوت وناظر ورا : وصلنا انزلو
نزلو ودزّ مشعل لأخوياه الدشير
"
الجَوهرة تقدمت للغرفه وانسدحت على السرير ، دخلت هناي بعصبيه : تعبتي ؟ لاتنسين ان شغلك نصّه ماخلصتيه
الجَوهرة : انا حامل ! ماتفهمين شمعنى ؟ انا حااممل
هناي : واذا حامل ؟ كلنا حملنا واشتغلنا والحمدلله هذا حنا بخير
الجَوهرة : لاحظت لما راح نايف بديتي تستقوين اذا ممكن تطلعين برا لان مالي خلقك
هناي هزت راسها : تمام يالجَوهرة تمام
فتحت الجَوهرة جوالها وقعدت تدور شقّه صغيره تعيش فيها لحد مايجي نايف دمعت عيونها وكمّلت تدور مشت تشوف المبلغ الي تركه لها نايف : يكفّيني واكثر
لقت شقه اخيراً وبدأت تجهز اغراضها وكل شي يخصّها بهالمزرعه حطّتهم بالشنطه وتنهدت وهي تجلس تعبانه وهلكانه
،
بعد يومين
قالت للكل قرارها ونادين رفضت رفض تام وبعصبيه : تستهبلين ؟ انتي حامل !
الجَوهرة : هذا قراري وانا ماجيت اخذ رأيكم فيه انا جيت اعطيكم خبر بس
عمر : يابنتي يالجَوهرة انتي اهدي واوعدك كل شي بيتغير
الجَوهرة : يبه كفايه ابي اعيش انا والروح الي ببطني بسلام واوعدكم وقت ماتبون تجوني انا موافقه !
نادين ناظرتها وطلعت برا الغرفه
عمر هز راسه : الله يوفقك وانتبهي لك انتي متزوجه وماعد لي كلمة عليك
ابتسمت الجَوهرة وخذت اغراضها وطلعت شافها مشعل توقف تاكسي ونطق وهو معقد حواجبه من الشمس :مايحتاج وانا اخوك اركبي اوصلك
تنهدت الجَوهرة وركبت ورا كانت ساكته وماتتكلم وصلت الموقع حق الشّقه ونزلت وناظر مشعل : انتبهي من عيال هالحاره ولاتطلعين لحالك اخر الليل
هزت راسها تناظر الحاره بخوف حست انها وحيده بس حاولت تقّوي نفسها سمعت سيارة مشعل تمشي من عندها بأقصى سرعه دخلت الشقه وبعيونها الدمعه نزلت اغراضها وجلست على الارض تبكي دموعها ماتوقف كانت خايفه وحيده الحاره بعيده جداً عن مكان المزرعه
،
قامت على نور الشمس وراحت تشتري اغراض الفطور ورجعت للشقه تسوي لها فطور سمعت جوالها يرن وتقدمت تاخذه وهي ترفع خُصل شعرها المتناثره شافت رقم غريب وترددت بالرد قفّلت وكملت شغلها لكن كان يكرر الاتصال ل اكثر من اربع مرات تنهدت ترد : الو ؟ مين ؟
- الجَوهرة
ردت بشوق ولهفه : نايف ؟
نايف : لبّيييه
ابتسمت وهي تنزل كل شي بيدها : اهليييين نايييف شلووونك وحششتني
نايف ابتسم : والله بخير شعلومك شعلوم ورعنا ؟
تلاشت ابتسامتها من تذكرت انها راحت بعيد عن اهلها : بخير الحمدلله كلنا
نايف : مابه صوت لجّه عندك غريبه
الجَوهرة : نايمين اكيد
نايف : انتبهي لنفسك وتذكري ان به روح ببطنك لاتجهدين عمرك وتشتغلين هذاني اقولك
الجَوهرة : ان شاء الله لاتشيل هم
نايف : توصين شي ؟ ناقصك دراهم ؟
الجَوهرة : الي عندي يكفي نايف مايحتاج
نايف : برسلك دراهم زود على الي معك وخذي الي تبينه ولو انه تافه خذّي الي تشتهينه وان خلصتيها بساعه وحده دقّي واعطيك لو تبين دراهمي كلها
ابتسمت : نايف والله مايحتاج خلها لك بتحتاجها اكثر مني
نايف : بقفّل الحين وبكلم امي وانتي قومي سوي فطور
ضحكت الجَوهرة : تمام
قفّلت ومشت تسوي الفطور وهي عارفه ان امه بتقول كل شي
حطت النوتيلا على البانكيك وابتسمت وهي تزيّنه بالفواكه حطّته وبدأت تاكل وهي مبسوطه ومتفائله خير
