سارة ترفع راسه:وشفيك ؟
عايض شبك يدينه ببعض وقام:مافيني شي
سارة ناظرته:وين رايح مارح تطلع
مشت للباب وقفلته بالمفتاح تنهد بعصبيه:افتحي
سارة:مارح تطلع تسوي بنفسك شي اعرفك
مسكت يده تهدّيه:عايض عشاني
عايض:ياخي منب قايلك وش مضايقني خلاص كذا ؟
تنهدت بضيقه من اسلوبه:اجلس بكلمك طيب
عايض جلس وناظرها:تكلمي يلا نسمع
سارة مسكت كفّ يده:ليش متضايق ؟
عايض:ماني متضايق منسدّه نفسي بس
سارة:من ايش ؟
عايض قام وفتح الباب بالقوه وطلع تنهدت تسمع صوت السياره مشت من عند البيت
-
قامت اليوم الثاني تدوره لكنّها مالقته بالبيت ظنّت انه راح الدمام تجاهلت ومارسلت له ابداً
لكنّ مر اليوم الي بعده وماردّ عليها ولا ارسل حتى فتحت جوالها ودقت على عنود:العنود
العنود:هلا سارونه شفيك
سارة:اسمعي هايف عندك ؟
العنود:اي ليش عسى ماشر ؟
سارة:تخيلي عايض له يومين ماجاني البيت ! واخر مره طلع فيها كان معصب مره كنت احسبه مع هايف مدري شسووي مايرد ابد جواله مقفل
تنهدت العنود:لاتخافين بخلّي هايف يكلمه ويدوره انتظري
سارة:يلا تمام
هايف دخل الاستراحه ولقاه نايم هناك تنهد بعصبيه:عايض
عايض فتح عيونه وناظره هايف:تستهبل ؟
عايض:فكّني منك
هايف:ورا ماعلمتها طيب انك بتنام هنا ؟
عايض تنهد:اعلم مين
هايف ضحك:حرمتك
عايض فز يدور جواله:وين جوالي ؟
هايف قفّى:شدراني عنك ! قم ولا اشوففك نايم هنا ثاني مره "التفت له وجلس على ركبه" شارب شي ؟
عايض صدّ وقام بسرعه مسك ذراعه هايف:شارب شي ؟ صح ؟
عايض هز راسه وناظره هايف:عايض مب قطعتها ؟
عايض:ماقدرت اصبر تعبان بشكل ومصدّع ونفسيتي مغير اصارخ
هايف صفق يدينه ببعض:قم قم
قام عايض ومشى للبيت
دخل وشافها متخصّره تصفّق:اييه تمام يومين ؟ وماترد ؟
عايض قفّل الباب وناظرها:هدّي
سارة:تاركني لوحدي ولاهممك حتى عالاقل لو تتصل تسأل شي ؟ عايض اذا انت مب قدّ الزواج تتزوج ليه
عايض حط يده على راسه:شدددخل ياخي شدخل ! كنت تعبان وطولت بالنومه
سارة:يومين ؟ وين نمت وييييين !
عايض بعصبيه:الي قاعد يهدم علاقتنا شكك شششكك انتتتي !
سارة هزت راسها:انت الي قاعد تخليني اشك بحركاتك بتصرفففاتك
عايض:كنت بالاستراحه طيب
سارة:طيب خل الاستراحه تنفعك اقسم بالله ما اقعد هنا ولو ثانيه
مسك ذراعها وقرّبها منه بعصبيه:عتّبي الباب وشوفي شبسوي ياسارة
ناظرت عيونه بتحدّي : ليش تهدد ؟ من انت عشان تهددني !
ضربت صدره تدّفه لكنّه كان يمسك ذراعها يثبّتها:روحي قولي لهم عايييض بكااني مايحببني روحي
سارة:ماعد برجع هنا ولا دقيقه حتى وبتطلّقني
عايض شد على اسنانه وبعصبيه:لاتجييبين هالططاري على لسانك تفهمييين ؟ تعرفين شمعنى طلااااق انتتي ؟
سارة:مارح تفك يعني ؟
عايض:لا مانيب فاك
سارة دفّته بقوه:وخر وخخر
عايض حط كفّ يده على وجهها:اهدي
سارة نزلت دموعها على كفّه وانهارت وهي تدفه وتبكي وتصارخ كانت متضايقه وطلّعت كل ضيقتها عليه
عايض بصراخ:تبكييين ليييه! شممسسوي انا خايينك !
سارة تشاهق:ابعد مابغاك
عايض ناظر شفايفها الي ترجف وحط يده على فمّها بقوه عشان ماتبكي:تبكين ليه
مسح دموعها بيدّه الثانيه ونطق:مابه شي يبكّي
وخّر عنها وجلست سارة على الكنبه الارض ماتشيلها دايخه من زود البكي
عايض مسح على شواربه:يابوي انتي جعله فيني بس تكفين اهدي
سارة:اسكت مابغى اسمع حسّك خلاص
دخلت الغرفه وقفلت الباب
-
تقدم مشعل لنوره ونطق:بنت
نوره التفتت:شتبي
مشعل:سوي صينية حلا وقهوه اخوياي بيجون
نوره ناظرته:وشو ؟ دز بس
مشعل:سوي لا اقوم اتوطاك
نوره :هاااييف
مشعل:اسكتي اسسكتي خلاص مابغا شي
دخل هايف:ياليل اكيد مسوي شي
نوره:يقول سوي حلا وقهوه لا اتوطاك عشان مين عشان اخوياه ! خدامه عند ابوك انا وخر بس
طلعت برا المطبخ وراحت غرفتها
مشعل ناظر هايف:ياشيخ شالعايله ذي
هايف:لا تتأمر على خواتي لاكف
مشعل:وانت لاتتأمر على اختي
هايف:ماودك تنطم ؟
مشعل يضحك وهو يلمس شواربه:سَم
مشى عند جدّه وقعد جنبه:حيّه
جدّه:مشعل وانا ابوك ماودّك تعرس ؟
مشعل شرق بالشاهي:اخو العيال
الجدّ:تعقب شفيك انت
مشعل:توني ياجدّ توني
جدّته تقدمت تجلس معهم:انت من توفوّ امك وابوك وانت معطوب الله يصلحك بس
مشعل حزّت بخاطره وقام نطق الجدّ بهمس:الله يهديس ضيّقتي خلق الولد كم مره قلت لاتجيبين طاري اهله
الجدّه "سَدن" :مادريت انه بيتضايق ياعبدالرحمٰن
-
مشعل دخل الغرفه وقفل الباب بقوه:من قالي اروح لهم انا
محمد:عسى ماشر
مشعل تنهد:مافيني شي فكّني الحين تناشبني
تغطّى باللحاف وغمض عيونه
محمد:ياليل الورعنه ماودك تقوم نلعب قيم؟
مشعل:مابي يامحمد سد حلقك
محمد:اجل خلّك
