هايف:حالته حرجه يامحمممد
محمد تنهد:اهدا ان شاء الله مافيه الا خير
شافو عبدالله يركض من بعيد لهم:وينه مشعل
هايف اشر على الغرفه ب اصبعه:هنا
دخل عبدالله وتجمد مكانه من شاف ثوبه والدم تسارعت انفاسه وجلس يحاول يتمالك نفسه
-
العنود حاطه راسها على صدره وتبكي:مشعل لاتخليني زي امي وابوي تكفى مشعل مالي غييرك
حست بيده على يمررها على شعرها وشهقت:مشعل
مشعل نطق بتعب وهو مغمض عيونه:عنود انتبهي لك
العنود تبكي:مشعععل انت بخير صح ؟
مشعل هز راسه بالنفي
العنود انهارت حست انه بيروح قدام عييونها بيموت اخوها وسندها بالحياه الشخص الوحيد الي وقف معاها ومارفض لها اي طلب كان يحتويها ويحبها من توفت امها وتوفى ابوها وهو جنبها وحولها عمره ماحسسها بالغربه معقوله بيروح بلمحة بصر ؟ وبسبب اهماله لنفسه ؟
-
الدكتوره:لازم نسوي له عمليه براسه وبتكون ٦ غرز والله يشفيه ان شاء الله
العنود:طيب دكتوره العمليه صعبه ؟
الدكتوره:نقول ان شاء الله لا
تنهدت العنود:يا الله
نادين:عنود امي اجلسي هنا ماعليه
سَدن:ياعمري وليدي ااخ
التفت هايف بعصبيه:ولدك ذا مولّي
سَدن:الله يهديه
محمد طلع من عند ناصر:الله يرحمه
شهق هايف:شتقول ؟ كيف توفى ؟ محممممد تككلللم
شهقت سَدن:توفى ؟
اقتربت ام ناصر:مين ؟
محمد:عظم الله اجرك ياخاله
انهارت ام ناصر طايحه على ركبها:ولدددي ااااهخ ياحسسرتتي
تقدمت تضمها سامية:ياعيوني انتي الله يرحمه ويثبته عند السؤال ادعي له
ام ناصر:توه امس نايم عندي شلون بلمحة بصر يروح كذا !
هايف:يومه يومه ياخاله
-
صرخ بصوت عالي:ناصصر ناااااصصر
هايف:مشعل
مشعل:ناصر وييينه تكللممم تكللم ويينه
دخل عمر بعد ثواني:مشعل هد يا ابوي مايصلح تشدّ على عمرك كذا توك مخلص عمليتك
مشعل:اهههخ ليتني مت ليييتني مت ولا اعيش هالالم ذا ناصر ويينه دخلوني عليه تكففون
عُمر اقترب وحط يده على راس مشعل وبدأ يقرا عليه لحد مانام
اقترب هايف لمحمد:شلون بقوله ؟
محمد:عندي
هايف:ياويلي عنك ياناصر الله يرحمه
محمد:مادري مين الي كان يسوق هو ولا مشعل
هايف:ماظني مشعل مشعل ماهوب محترف مره بالتفحيط اكيد ناصر
دخل مازن بعصبيه:وينه مشعل ؟
هايف:يبه ! مابقلبك رحمه ارحمه ياخي الولد تعببان
مازن:توفى الوولد بسببه والحين يجينا ندمماان وش يفيده ندددمه وش يفيييده !
محمد:ياعمي اهدا
دخل بهمجيه للغرفه وفتح الباب بقوه فز عمر:في وجهي ماتلمسه
فز مشعل من سمع صوت مازن
اقترب مازن بعصبيه وصرخ بوجهه:توووفى الووولد بسبببك ياسررببوت ياداششر فشلتنا قدام الناااس وش بيفيدك ندممك هذا هااه ؟ اقسم بالله يامشععل لا اقطع العقال على ظهرك بس خلك تطلع والله
مشعل تجمد مكانه وقعد يناظر حوله تسارعت انفاسه ونطق:ناصر توفى ؟
عمر سحب مازن:منت بصاحي والله روعت الوووولد اطلع اططلع
مازن طلع والشر يطلع من عيونه:ابو ناصر خويي ! اشوف اقرب اخوياي يبكي بسبب هالداشر الكلب
-
مشعل حط يده على راسه:ياعمي ناصر مات ؟
عمر:الله يرحمه
مشعل نزلت دمعته:شلون مات ؟
عمر:مات بلحظتها حاولو ينعشونه ماقدرو الله يرحمه
مشعل غورقت عيونه:يا الله
عمر:مشعل انت تعبان هالحين لاتضغط على نفسك الله يهديه عمك مازن دفش
